今日同海瑤出街

都係1:00兆康西等

點知我十一點幾起身後冇幾耐

海瑤打黎問我1:00邊到等?

我話先前咪講左係兆康等囉?!(暫心平氣和)

我心諗咁你先前到底有冇聽我講嘢架?

講完又問...

整好嘢後就出門口

去到兆康西，差十分鐘!咁我打比海瑤

尾岩岩好1:00就到

之後我地搭車出mk

去到mk...我地去左銀行中心到影貼貼

我唔帶佢地瓊華影啦....一來太多人

二來第一次帶佢去影貼貼...唔知整成點

我同佢先影左兩部但係都係我揀....

無論我問佢幾多次想影邊部...

佢都答我是但啦!你揀~~我唔知想影邊部?

我話我問你呀!你可以自己揀架

後尾影完兩部後先發現冇帶kitty 眼鏡

所以影第三部...佢終於都話有部想影

我話好呀!揀呀!

佢揀左部有得坐既...

好明顯佢係仲意影相同整貼貼都係有得坐

影完後...我剪啦!

我教佢單面整...因為佢第一次整埋

所以我教佢fanny個種方法....就係貼上去

到第四張...我見佢得返好少

所以我就教佢整雙面...都有啲風險架

後尾都算唔錯呀!!

幫佢整完後就到我自己整啦!!

搞掂後...海瑤話有啲餓

咁我帶左佢落深水埗食嘢

個陣都四點幾啦

我地唔係mk食啦!

一來太多人啦!二來我又唔係好熟

所以我帶左佢去西九到食嘢

食完後我地由第九層行到地下

講真...真係有啲悶...

每一層都行...悶死我啦!!

之後我地去食綿綿冰

原本話去元朗食...但我記得屯門好似有間糖百府

咁就去啦!!我同海瑤講你帶路就得啦!我唔識架

但係我唔知佢係聽唔入耳呀?定係咩?

佢係咁問我知唔知呢個地方...個個地方

我每次都話你帶咪得囉

因為好攰呀...所以有少少躁底!但係

後尾講講下...佢又話糖百府可能冇問到

講左一大輪....最後決定返天水圍食泛后

一上輕鐵..又問我嘢!

唉...就黎頂唔順啦!!

後尾到左樂湖...見到淑

仲有佢兩個fd

其中一個叫得出我個名...

但係我堅係唔記得佢係邊個!

所以佢同我said hi..我都係笑下回返佢

同淑傾左幾句就分手啦

同海瑤食完綿綿冰後....就搭車返去佢屋企

咁大姑姐叫我順便係佢屋企食埋飯先走

初初我話唔洗既!!返屋企整個麵食就得啦!!

佢話你都到門口囉!!我話好啦

食完後...睇埋五覺大戰就走

到成十點啦!!大姑姐叫b哥送我去搭車

初初都冇所謂既...點知到我走佢都仲係到打機

大姑姐叫左佢好多聽都係咁

咁我唔理佢...照行!

都行到門口...著鞋啦!!都唔理...

最後由大姑姐送我去搭車

返到屋企...沖涼...吹頭....訓教

今日堅係好攰呀