琴晚陪亞C出MK買波鞋，都唔知為乜要出ＭＫ，元朗都大把款買喇，ＭＫ又唔係會平Ｄ，可能仲貴，亞Ｃ買果對只是白色的ＮＢ有避震功能的，用作室內跑步用，使乜特登出ＭＫ買喎，我問佢做乜出嚟買，佢話人地同佢講係ＭＫ買波鞋值錢Ｄ喎，真係有病，淨係ＭＫ至係鞋咩，佢自己都覺ＯＮ車，買完之後，去女人街喪拼及掃街，這就超正咯，又唔使俾亞媽話街邊食物唔衛生，聽唔到，聽唔到，食咗至算，真係要乜有乜，臭豆腐、炸蠔、魷魚蘇、珍珠奶茶、煎釀三寶、生腸墨魚停不了，還有豬皮魚旦，碗仔翅等等......，我仲買咗兩個臭豆腐孝敬亞媽呢，須然凍咗，味道都可以嘅，不過始終唔夠元朗街邊那樣好味，而家都已經好少人賣臭豆腐，真係冇趣！ ！