2006 年 8 月 12 日  星期六

今日  早上差唔多１１點先起身  之後就食早餐  一路食  一路玩電腦  玩到１點幾  就換衫  之後攪埋ｄ野

就搭地鐵去調景嶺  番到教會  玩個個活力少年團  玩完之後就去買左ｄ野食番教會食  之後等到５點幾

Ｋｅｌｌｙ就練完琴嚕  之後就一齊搭地鐵去尖沙咀行街  去到尖沙咀  首先去許留山都買野飲  買完就開始行街

去左個唔知咩商場到行  行到７點幾  就去搵地方食晚餐  但睇過曬咁多野食  最終都係去左大家樂到食野

我同Ｋｅｌｌｙ都叫左個鐵板餐食  不過我食ｇｅ係葡式焗釀海螺鐵板餐  而Ｋｅｌｌｙ食個個係香蕉船鐵板餐

鐵板餐個ｄ扒好好食  如果冇估錯  ｄ扒應該係七成熟  有少少軟軟地咁  不過最重要係我好鍾意聽ｄ汁淋落鐵板ｄ聲

食完之後就走人嚕  之後繼續行街  點知行行下  無啦啦勁肚痛  ｆｅｅｌ到係Ｍ痛  痛下又停下咁  超辛苦...

好彩有Ｋｅｌｌｙ照顧我  真係多謝Ｋｅｌｌｙ  唉...今日唸住陪Ｋｅｌｌｙ開開心心咁行街  點知攪到咁

真係ｓｏｒｒｙ啊Ｋｅｌｌｙ  下次我一定會好好咁陪你  不過我最想感謝主  需然主唔可以即刻令到我唔肚痛

但最少都比我支持到番屋企  而且Ｋｅｌｌｙ係我身邊照顧我  仲可以比我有個好開心ｇｅ晚上  感謝主恩...

番到屋企  第一時間食藥  之後就洗白白  洗完之後就玩電腦   睇戇夫成龍   睇到差唔多１２點半  就訓嚕

人常常跌倒　最後人人學跳高
誰又坎坷到老　來年定更好

2006 年 8 月 11 日  星期五

今日  早上８點４５分到  就起左身嚕  之後就豆腐花當早餐  因為驚番到公司經理叫我食野  食完之後就換衫

換完之後就搭地鐵去觀塘番工  番到去即刻換衫  換完坐多陣  就開始做野嚕  早上做樓面    做到１１點半到  就食野

好彩今日經理冇咁早叫我食野  食完之後就去左廚房到做野  之後打過個ｄ時間都係做廚房  需然有ｄ攰  不過好好玩

做到差唔多３點  就食第二餐  食完之後就繼續去番廚房做野  做到８點４０分到  就放工嚕  今日番左１０個鐘

我覺得自己好勁啊  我未試過番成１０個鐘  都只係有少少攰  之後就換衫搭地鐵走  番到屋企  第一時間開冷氣

之後玩電腦  睇蠟筆小新  睇到１０點到  就洗白白  洗完之後就玩電腦  玩到１點幾  就訓嚕

等一個人多難多天真
未來從來都沒個準

2006 年 8 月 10 日  星期四

今日  早上差唔多１０點就起左身嚕  之後玩左陣電腦  就食早餐  食完繼續玩電腦  玩到１１點幾

去左嬸嬸屋企幫啊媽攞野  之後係嬸嬸屋企傾計  傾到１２點幾  就走嚕  番到屋企冇耐  美窿打電話黎

之後傾左陣  就收左線嚕  之後冇耐啊媽就番左屋企  啊媽買左三文魚壽司比我食  ｄ三文魚超新鮮  勁好味

食完之後就同啊媽去嬸嬸屋企傾計  之後一齊去左東港城行街  行到４點到  我就自己一個人屋企先

之後就玩電腦  玩左陣攰過頭  就訓教  訓到差唔多８點  就起身食晚餐  食完之後就玩電腦  玩到１０點幾

就洗白白  洗完之後繼續玩電腦  玩到１點幾  就訓嚕

我知道　如果我邂逅別人
立了心　可以忍　我未會放任
寧願自我犧牲