等左好耐...《隱王》、《吸血鬼騎士》、《S.A特優生》終於出曬啦>"<....

好開心好開心耶@v@"....

《隱王》之前肥欣借過漫畫版比我...都幾好睇xDD....

另外２套睇過少少簡介...覺得好吸引ar ...而且d人物全部都好靚-0-"....

呢３套動畫片全部都係四月份出....

不過當時未出曬而且又要會考...所以就無逐集逐集咁追黎睇~"~....

嘻嘻...e家全部都出曬...終於可以全套down落黎睇啦....

好開心ar xDD"....

最近發現一個好奇怪既現象...

就係每當我坐係到或者企係到幾分鐘...就會出現神遊既現象...俗稱發呆-_-"....

坐係課室上上下堂覺得悶既時候...我會望下窗外....

望望下就會變成發呆...好幾次都差d比ar sir叫= ="....

好彩坐係隔離既MK成日都提我~.~"....

好奇怪ar...明明只係諗住望下窗外面有無野睇...有時甚至只係望下d樹....

之後望望下視線就會定住係某一點...然後對眼眨都唔眨...-_-"...然後就開始神遊啦....

有時發呆既時候個腦會一片空白...有時又會諗埋d「立」「立」雜雜既野....

=_="...都唔知點解會咁...次次都係無意識地發呆....

本來發呆都唔係大問題...我自己都覺得無乜野....

但係...今日小息陪麵包落四樓搵ar sir...我企係走廊等....

點知企企下竟然又開始...-.-"...望住地下發呆...直到突然有人係我前面不斷揮手....

原來係MS Lee...「你搞咩，個神情咁悲傷既？」....

................

又係咁....

上星期自修堂...我坐坐下又發呆....

果時蒸魚突然同我講「你做咩咁既樣既，係咪有心事ar？」....

=_="...點解會咁既...蒸魚係咁MS都係咁...好奇怪ar...佢地點解會有呢d感覺ga ="=....

會唔會係我發呆發得太多呢....

琴日....

「你要唔要跟我落惠康買野，隨便買ｄ零食ar？」ar ma問。

-0-"...同ar ma落街買野食唔洗自己比錢梗係去啦...so就拿拿林換左衫落街啦....

點知落到惠康見無咩零食想食...只係汁得2包薯片同1包曲奇餅....

我ar ma就狂買野....

廁紙、麵、２大袋橙、１袋香蕉…汁汁埋埋一大車=﹏="....

本來諗住2個人拎應該都可以拎得曬既....

點知我ar ma話要去街市買菜...要我自己一個人挽曬d野返屋企-口-"....

成車野ar =口=|||...我ar ma真係睇得起我-_-"...竟然要我ㄧ個人挽成車野返去....

嗚嗚...早知就唔貪果少少零食跟佢落街啦T^T"....

結果...左手幾袋、右手又幾袋外加一排廁紙...好辛苦咁行返屋企....

突然覺得間惠康黎屋企好遠好遠T^T"....

2隻手都挽住野...搞到連入大廈禁密碼同禁電梯都要人幫手="=....

返到屋企累到攤攤下...結果沖完涼之後坐坐下就訓左._."....

琴晚9點訓到今日12點先醒= ="...竟然訓左十幾個鐘....

唔知係咪訓得太多...醒左之後個人好呆-0-"....

食完飯...1點幾又返左床訓教-_-"...真係好眼訓...訓到下午4點先醒= ="....

訓訓訓...咁就比我訓左成日....

=_="...睇黎今晚又係開夜車夜啦-口-|||....