乞嚏、乞嚏、乞嚏....

今早起身直到出門口...時間加加埋埋都唔夠一個鐘....

就已經打左十幾個乞嚏啦...仲有少少流鼻水tim....

-_-"...搞錯...唔會係因為琴日出街既時候淋左少少雨就感冒掛=~="....

返到公司...都差唔多11點啦....

坐左一陣之後就開始打call...打打下call既時候勁想打乞嚏....

又唔可以打wor...So就唯有捏住個鼻...咁就唔會打乞嚏啦~"~.....

忍住唔打好辛苦=﹏="....

一cut線就即刻乞嚏、乞嚏="=...好煩、好討厭ar....

今日又係９點放工....

放左工之後打算去砲台山果邊夾糖食....

>"<...好幾個星期之前就想去夾糖食ga啦...點知次次唔係無時間就唔記得左....

So今日就打算放左工之後同林聰去夾...唔知關左門未呢....

其實去之前都預左佢應該會關左門ga啦....

去到見到真係關左....

搞到夾唔到糖...好失望ar ~"~....

好想食呢....

p.S:今日係７號...係出糧既大日子...一放左工就同林聰即刻去睇出左幾多錢糧@0@"....

      雖然今日心情麻麻...但係出糧係最值得開心ga xDD"....

我甚麼也沒有，但是，尊嚴還是有的！

我是個怎樣的人，沒有人比我自己更清楚！

今日又係下午3點放lunch...食完lunch之後同林聰行返公司....

行到返樓下既時候發現有好多人圍觀-0-"....

仲見到有架消防車停左係出面...成個地下都係水....

我地都行唔到入去睇發生咩事....

So就企左係外面等...見有個嬸嬸企左係隔離....

跟住就隨口問左句：「發生左咩事ａｒ？」....

「好似係呢棟大廈既６樓著火ａｒ，ｅ家全棟大廈ｄ人都疏散曬啦。」

-口-"...著火？ｄ人疏散曬？....

啊啊...咁我同林聰e家去邊到好....

企左係樓下向上望既時候...望到6樓都好似無火又無出煙...係咪已經救熄左呢....

企企下既時候...有個人行左埋黎同我地講：「你地去住長江果邊先啦。」....

So就叫左男仔帶左我同林聰去長江....

0.0"...本來以為長江係好遠...點知只不過係隔離街= ="....

之後就上左10樓....

上到去之後發現入面聚集左好多人係到-口-"...跟住Ryan就幫我地點名...睇下齊唔齊人....

點完名過左一陣...就有人黎話可以駱駝漆果邊啦._."....

之後又成班人湧返去駱駝漆....

返到去...成間公司都聞到好大陣燒焦野既「lor」味...好難聞耶....

擾攘左一輪之後又要繼續做野啦....

打call打call再打call...打到9點幾就收工返屋企嚕....