今日返學校做role play..(可以叫做exam)

搭車返去果陣勁焗..

就黎好似抖唔到氣咁..

勁辛苦~

返到學校好頭痛又好驚喎~

好驚唔合格呀>.<

最後做左,都叫做ok啦..

lunch去食吉野家..

我食左一半ge飯,飲左半杯ge可樂..

跟住係臨走果陣,執野果個人問我仲咩食咁少..

我冇答佢,之後就返返學校上堂..

唔知點解我覺得好凍咁..

硬係唔係幾舒服..

放學搭車返屋企..

覺得時凍時熱..

返到屋企之後就發燒..

跟住就咩都唔理去訓覺..

醒左之後又喉嚨痛又頭痛..

食完飯冇耐好似又再訓過~

雖然09年都過一排,

但都打返聖誕節先..

今日約左fd去cafe玩..

有我,kaki,民康,牙may,ii..

apple,肥佬,牙丁..

2點開始玩,任玩3粒鍾~

上到去冇幾耐就叫野食..

但叫左好耐先黎囉= =

我地全部人都飲可樂呀=p

因為加$10就可以任飲3粒鍾..

但飲完好飽囉..

之後我地去左冒記玩..

走下走下得返我同apple..

我地一路行一路傾計^^

講左好多好多野=p

之後大家都話想去影貼紙相,所以就去左喇=]

影完就返屋企lu..

雖然過左,但都同大家講聲聖誕快樂啦!!!

因為今日過冬..

所以就早放左..

哈哈哈~

而家d細路開始放假..

有排都未默書..

所以而家唔洗講咁多野..

剩係幫佢地改下功課..

但又多到我對唔切..

好多都係工作紙..

要自己慢慢諗..呢到都唒左好多時間..

6點到就放..

之後出左UA睇New Moon..

都ok好睇~

不過有一part搞到我暈陀陀..

睇完就去食飯..

返到屋企11點多..

第2日都要返學,慘~

返part time都返左2個幾月喇=]

好多學生都記得我lu..

每次經過商場,佢地見到我..

都會叫我一聲Betty姐姐..

通常我都'離'唔切反應..

所以差唔多每次都只有笑容..

佢地好搞野,成日都問我呢樣果樣..(私人)

我都唔知點答佢地好..

好多學生都好得意,好聰明..

佢地好快就可以默到書..

好叻呀~

咁當然有叻有唔叻啦..

有d一講就知,好醒目!

有d就講極都唔知佢想點..

搞n咁耐囉!!!

有好多學生都好合作,好快手..

但總有d係到搞搞震..

搞極都搞佢地唔掂..

講完又係咁玩,係咁嘈..

跟住又搞到我比人..

快d搵人教下我點搞掂班人啦..

唉~

點解有d低年級ge學生會咁架~

佢錯左,我叫佢改返..

但佢又唔like..(;啤'我囉= =)

不過佢之後又好得意,同我講返sorry~

佢成日都好似係到玩咁..

我都唔知點理佢好呀~

仲有d高年班ge..

佢地係特登玩我架啦..

不過佢地講d野都唔係好mind..

所以冇乜所謂啦..

希望之後d學生可以乖乖啦>3<