今日

朝早，無無聊聊，去醫院覆診。

一起身就8點幾，P街喇.....9：30就要覆診。

喇喇聲叫醒媽子落樓答的士飛去廣華，

去到，檢完查，等醫生，等左N咁耐都末有醫生叫名。

等等等...........好彩個袋有D詩詞，於是就拎黎背下。

終於到我喇，醫生同我講左N咁耐道理，OK~我有賺^^

醫生話我可以習番武∼唉∼ 七省拳王個位始終都係留番比我坐。

之後同媽子去大家樂，食個個揶威三文魚海鮮焗飯∼

diu！好難食啊！大家千其唔好比佢個張靚靚廣告昆左啊！

真係唔係好對路，得一快細細快既三文魚，D海鮮同個廣告相比全部減少左N倍=_=

番到屋企∼

同魚子打左陣CS，佢要交水費，要出街走左，咁就無玩落去。

悶悶地開下MSN喇，點知=_= 有個鬼妹無喇喇ADD左我。

於是我就用我小三水平既英文同佢傾計，點知傾傾下，原來係D仆街色情網站D人=_='''''

係咁叫我去佢個網站到注冊同去玩cem=口=''

咁我就同佢講道理，勸佢唔好再賣淫∼

我係MSN同佢講既最後一句話係：

kaming,kayu 說:
God can help you
dont prostitution
your mother will very sad
 

之後佢就無再同我講任何野，我諗我既一番說話已經開始感動佢∼

我終於要的起心肝溫書了

12號就要UT喇，我乜書都末溫過。

我勁想問嫁，不過的唔起心肝，無乜動力。

睇左一篇舊Blog文，形容得好貼切http://jackie1121.mysinablog.com/index.php?op=ViewArticle&articleId=1590844

雖然有D粗口同色情野，不過真係幾貼切=_=

我其實已經一早計劃曬我每日所溫既野，不過每當我想溫書既時候，我個心都會周圍諗∼

搞搞下，又走左去玩，結果都係溫唔到書=_=

唉............於時我就學我D FD咁∼搵番D目標去讀書∼

上網搵搵下野，搵左個好得意既野，不過又係有粗口∼

叫做『一人一個鼓勵自己溫書既句子（霸氣）』

http://hkg.westkit.net/?p=v&id=2198123&page=1

當中有機幾句真係好金∼

（◆引用他人的發言）

◆X星晴下的孤影 2010年03月20日 12:16 眼中只有你 #9

太空翼：比賽仲未完 ◆

 

 

完全同意，只要仲有小小時間我都可以扭轉局勢  （火△火）

 

◆XTheo_Walle 2010年03月20日 12:44 眼中只有你 #20

條女係F.6呀!殺上去!:-[ :-[ ◆

 

一睇到D句，個腦海就呈現出，「佢」一定升硬大學嫁bor∼

我升唔到大學，到時要係ive搭巴士去大學到追求「佢」咁我迷好柒？

 

就係D一刻，我個心突然有團火係到燃燒（火△火）

真係好有鬥志！！！

 

◆X我就是敢達 2010年03月21日 16:56 眼中只有你 #44

唔知點解一諗起D 囡囡話[你升到既,加油]
就好有鬥心 [banghead◆

 

一睇就知D位仁兄諗野真係較為XX左d

不過其實真係得嫁，的確，男仔比較注重異性既....

如果各位男仔fd，無乜心去溫書

可以幻想，你地心目中既女神或者心儀既對象同你講

『加油啊∼XX（自己個名）∼加油啊∼唔好放棄啊！你一定得嫁！』

你會即刻有曬能量去溫書，真係好過你飲葡萄適^^

如果有個真人同你講，功效會乘100倍=_=

 

如果有個真人同我講，咁我就真係......................

 

 

 

例外∼有幾幅圖都幾鼓勵人心下∼

----------------------------------------------------------------------------------------------------------------------------------------------------

現在的我已經充滿鬥志

 

 

 

最後聽埋D首十分之勁既歌，我個全身充滿曬力量喇

我既摯愛：the gazette 既the social riot machines （live)

我成日逼皓民聽，真係好勁！聽完之後好熱血^^

我遲下都要留長D頭髮gel個bass手個個髮型^^真係好型棍^^

 N年無打過Blog

今日就打下Blog喇=_=

今日風和日麗，陽光普照............妖....唔開場白喇∼

細妹同媽子上左大陸祭祖=_=（頓失依靠） 父親大人去左返工^_^ （自由lu）

無無聊聊咁hea到中午，就出街去旺角街市搜羅最新鮮最靚既食材去準備今日Lunch同dinner。

近排D野貴到X街。個荷包唯有就住就住，買左舊水野，荷包開始咁到痛楚=_='''

----------------------------------------------------------------------------------------------------------------------------------

Lunch喇∼

今日同大家分享既就係..........

朕最新既菜式：

鶴山風味紐西蘭蝦米叉燒粒碎肉雜菜炒飯

簡稱：鶴西米叉飯（個名好難諗，諗左半日）

乜野叫鶴山風味？好復雜，我唔想講，詳情問我手下呂皓民喇∼

炒D個飯既靈魂當然係紐西蘭蝦米喇

（唔係好貴，想知幾錢就自己數下D零喇）

跟住就係雜菜喇∼

而雜菜我就準備左

粟米（能增加鮮甜）

椰菜（味道清新，爽口）

青瓜（夠水，鮮甜^^）

熱後就係叉燒喇，叉燒唔洗太肥，肥瘦比例3/7就very good喇∼

切左粒既叉燒^^

再加D火腿碎,瘦肉粒（等個飯唔洗太寡同鮮味ma^_^）

Wow...........................Very good

再加個雞蛋（整下色水）

（

（攪左幾野就開始勻^_^）

最後就係炒飯最重要既材料......飯

飯就建議用隔夜飯喇，容易炒D同口感味道各方面會好D

都有唔少人炒飯用新鮮飯既，都OK，唔錯∼

我D冷飯有少少飯焦=_=

再比大家睇多次今次所用既材料^_^

（我個靚靚飛天小女警茶杯係唔係好靚呢∼絕左版LU~小學用到宜家∼）

—

煮飯好簡單

首先要準備好煤氣爐或者電爐

之后再準備好鑊同鑊鏟^_^

之后再用自己雙手去炒^_^

落適當既調味產品∼（詳情可拜我為師後再同你慢慢講解）

蔬菜先落鑊快炒，其他步驟就....................（拜我為師再教你）

大功告成

D相影得唔係幾好（我唔係攝影師），唔好炸型，D蒸汽好難搞=_=  搞到蒙曬∼

我個碟碟係唔係好靚呢∼花花=_='''

頂你個肺，D紐西蘭蝦米縮水縮得好勁，未煮個時好似手指公咁大∼

煮熟就縮到粒豆咁=_=

頂......紐西蘭蝦米真係細過粒米=_=''''

最慘係

玩大左

煮左四人分量（個碟真實好鬼大個嫁）

食唔曬=_=

食到嘔都末食完

最後黎番個留名照先^_^

-------------------------------------------------------------------------------

下次會同大家分享我多年前既烹調求學成果

★★出前一丁雞蓉冬陰功面★★

敬請留意^_^