我上個星期同袁麗珊、阿姑一齊出旺角行書店，我地個個都買左d書。

我就買左灼眼的夏娜11同12，仲有一本夏娜既畫冊，雖然好靚，但買左咁多錢，真係好心痛!!! 

不過算啦，去左唔買咪仲唔抵。

我睇完我d書之後，我就問袁麗珊借佢買既個本尋找前世之旅(上)同(下)睇啦。

呢本野既外表雖然好平凡，但佢既內容卻深深吸引我。

吸引到我為左佢喊左2個鐘，咁你話犀唔犀利呢!

個內容大概係咁既:

就話有個女仔叫葉隱，佢從小就比一個叫司音既男人收養，同另外一個叫飛鳥既男仔一齊學靈術。

大個左，就穿越時空去完成委託人既任務，然之後就攞委託人既一滴眼淚。

至於成本書最精彩之處就 make sure 係女主角葉隱穿越時空去完成任務既時候，撞到d靚仔，而呢d有錢有權又有勢既靚仔就中意

佢，之後所發生既愛情故事。

但最touch我既卻唔係呢d愛情故事既經過，而係女主角come back 現代之後，呢個作者vivibear用一個非常感動既手法去表現出

呢d歷史既過客究竟有幾愛女主角. . .

哇 ! 媽咪呀 ! 個作者寫得咁感動做咩呀! 唔掂啦! 頂唔順啦! 我而家一諗，d 眼淚又要流啦 ! ! !

呢本野仲有一個非常好既買點，就係作者對呢個歷史掌握得非常非常好! ! ! Very Good Good Good ! ! !

呢本野真係好好睇，感動到我成個星期唔開心。 嗚嗚. . . 

以下係尋找前世之旅(上)同(下)既封面 :

呢d咁感動既書其實應該係眼球無咩淚水滋潤既時候睇一睇，保證你對眼一定會變成水汪汪。

不過，訓醒第2日可能有d後遺症，隻眼可能會 . . .

 腫左 . . .

好在今次我隻眼復原得快。