今日提早左8點就起身番去CU還書~ 記得Monkey話佢會響宿度出黎~ 所以就等埋佢了~ 不過我就因為咁而陪佢遲到...=.=

一到左上水站月台我地兩個男丁就快腳走去第一卡匯合大家~ 映、士多啤梨、娜娜、Joey同珊珊都到齊了~~ 西藏七小
福集合! Go~~~~~~!

大家到齊之後最關注的是大家的行李喇~ 睇勻晒咁多人的bag之後發覺我的係睇黎最細囉~ 不是吧~@o@ 竟然比150club的映同娜娜更輕便呢~ 簡直羨煞旁人~~ kaka~ 打破左映咁耐以黎行李最細的紀錄添! 真係唔好意思~^u^ 之後仲要俾Joey 話我唔似backpacker~ 似番學呢~=3=

從10半左右響上水出發以來都好順利下~ 我地仲響免稅店買左3條5靚煙用黎疏通疏通~XD 過關後坐地鐵到科學館站~ 再駁機場巴士~ 12點幾就到了深圳寶安機場~ 仲同一點機取道上海去西藏等地的紫+佢同房+Karen 見面添! 因為擔心2點起飛的飛機可能冇lunch~ 所以就先食野喇~ 因為時間有限~ 就求其入左間味千假面食野喇~ 一碗頹面食左我38個人仔~ 超唔抵! 不過味道都仲ok的!

食完野終於都入閘了~ 不過上機check 行李時有d 麻煩就係喇~ 行李過X光時太心急唔記得交晒身上d野出黎~ 結果過金屬探測器時就嗶嗶響了~ 之後就拎起左電話果d 啦~~ 但都仲係響... 個過機小姐忽然同我講「把衫都脫掉!」(命令式語氣)~ 有點呆了@@ 但都明白佢叫我脫風褸的~ 跟住個小姐就拎支探測器響我身上狂掃~ 仲要落埋手! 成身都俾佢掃勻摸勻......探測金屬啫...駛唔駛咁貼身=口=~ 期間佢掃到我d 敏感位都忍唔住笑出黎~ 真失禮~@.@ 最後發現係條布帶扣作怪... 每次上機前都有麻煩的... 事後映同我講話個小姐掃我時仲有陰陰笑...o咀 =o=

我地坐的海南航空飛機好的骰~ 很不錯呢! 感覺上離心力比大機勁~ 好刺激>v< 架機響長沙有中途站要落機~ 記得上年都響長沙轉車呢~ 每次都係過客~^^" 再次上機~ 4點幾竟然有飯食~ 真奇怪~ 有素食餐呢~ 很好~ 用左車厘茄塞入個餐包度食~ 夠創意~ 好味! 6點左右飛機開始降落~ 見到萬里黃沙的景象~ 真係好壯觀! 6點幾終於到達蘭州中川機場~ 好開心~~ \ ^o^ /

素食飛機退餐~~ 特別留意左邊的車厘茄夾包~~XD

一出閘後我地就見到胖子同小彭~! 胖子曾經黎過香港~ 我都同佢地一齊去過昂平的~ 佢一眼就認得出我~ 仲記得我叫Lam~ 感動!

出左機場後睇左有名的漢代雕塑「馬踏飛燕」~ 之後等左成個鐘先等到架機場巴開車喇~ 好在兩位蘭州的朋友~ 以及司機都好健談~ 先唔會太悶~

                  7小福+胖子&小彭@蘭州中川機場                                 漢代雕塑「馬踏飛燕」

                                 222~~@@"                                                   好靚的花茶~~!