今日乃本大爺之壽辰，且看本官今年之收獲XD
禮物 其之一: 蝠鼠紋謎之黃色石頭吊墜
呢份係最早收倒~ 由母親大人送上的頸鏈~~ 其實早成個月前佢已經問我想要咩生日禮物想要d 咩的了~~ 我就話我冇乜特別野想要~ 我諗阿媽都會為我的無欲無求而高興吧~~ 雖然事實上係我想要的東東都好貴~ 佢唔會買俾我喇~ 所以都係有份心意就好了~@u@
阿媽送條鏈俾我時有以下的一段無奈的對話:
「你知唔知呢個係乜野黎?」
「知~ 蝙蝠丫嘛」
「我係問你咩石頭呀!」
「咁我都唔清楚喎..」
「哎呀~仲話讀地理!?咁都唔識!」
「....=口="".....orz」
事實上CU GRM 關於地質的訓練就只有少少的兩個course 內的少少部份.. 所以有知識貧乏的地方還請見諒 m(_ _)m
禮物 其之二: 類瑪瑙銀色內膽閃閃地四方形吊墜
呢條鏈係CU 莊送的~~! 其實係Steven 同大門揀的~~ 呢d 較中性的鏈明顯係大門的style 喇~~ 不過都幾襯我的~~謝喇~^^
不過最無奈的一點係... 佢地之所以又係不謀而合地揀左條同上而禮物一都係橙色的鏈~ 係因為想俾我用黎番我平時經常戴住的橙色蜜納手鏈.... 但不幸嘅係我收到呢條鏈前幾日... 我戴上在禮物一之後第二日我的手鏈就響街外無聲無色的消失了...T口T(已搵番@u@)變到成身橙色了~XDD
好似係用一條跟左我十年的手鏈換兩條頸鏈咁~~@@"
禮物 其之三: 螞蟻生態考察箱 [螞蟻日記]
英文名同某英文免費電視頻道差一個字叫做ANT WORLD~ 包裝盒上的中文名大致如上~ 用通俗的說法講就係螞蟻藪...^^" 好似係最近流行的寵物(玩具)喇~ 大門覺得我鍾意呢d 野呢~ 大概係知道我鍾意生態吧~ 但我係比較鍾意植物的生態多d 就是了~@u@ 聽講d 蟻會響果d 綠色糕狀物內挖隧道~ 基本上就係欣賞呢d 挖堀痕跡喇~ 係幾得意的東東呱~~ 多謝JU莊的大家~~^^
我家一向奉行自由主義 & 不殺生政策~ 自從N年前放生左隻龜之後都冇左養寵物了~ 不過作為生日禮物~ 我就打算養到糧食即將耗盡時就放佢地落樓下花槽~ 回歸大自然~ 不過計劃好快就失敗... 當我放左佢地落箱之後第二朝起身見其中一蟻已經歸西...~_~"( 大家大可以用(木津?)千里眼觀察上圖究竟邊隻係食死~@@) 明明咁多野食呢... 點解要絕食呢... 而死剩果隻都仲好努力生存~ 不過除左覓食時間外佢都一直陪伴已過世的同伴呢~>< 計我話呢個箱改名做「螞蟻的一生」都未嘗不可~
禮物 其之四 - 沉醉於美妙旋律的紫髮小蘿莉CD封套(偽)
對唔住大家都要講... 比起之前的禮物呢份真係零舍好啊~~~>v< 上圖係一張CD 封套&歌詞本前後頁的設計~~ 送的時候係跟埋CD盒同一隻CD的~~~ 初頭仲以為真係有隻唔跳咩CD俾我呢~~ 原來隻碟係fake 人的~~只係一隻CD-R~@u@ 而個封套事實上係一張生日卡呢~! (所以上面的"偽"唔係指個蘿莉~ 而係裝成CD的生日卡@U@) 內頁有JU各位寫俾我的說話~~ 有呢種設計係因為畫師Mandy 知道我鍾意聽歌~ 所以先咁設計呢~ 而圖內的蘿莉(人設Mandy 指為少女)都同我一樣用笠住成隻耳的headphone 聽歌呢~~>w<
對於Mandy 黎講今次係好大的進步呢~! 聽佢講今次試左好多新技巧~~ 所以我其實係白老鼠~~@u@ 不過唔緊要~! Gundam 都係prototype~ 試作機最勁的~~~ 而今次事實上都係佢嘅得意之作喇~~^^ 同以前的畫作相比~ 今次的光線同陰影進步左好多~ 例如以往都冇頭上的光環~ 眼裡的光線都冇今次咁自然~~ 今次對眼感覺上幾有感情~~ 係我最欣賞的地方~*o* 線稿對眼大家都話呆呆的~~ 不過我其實都好鍾意呢個呆呆的表情~~XD 此外上線方便今次唔再得黑線~ 用左較淺色的啡線~ 個人物的感覺就soft 左好多了~ 用色作面今次係紫藍色系~~ 雖然有d 地方有撞色的情況~ 但我都鍾意一個tone 的顏色多過色彩繽紛的圖~~ 最後個蘿莉同佢的造型都係原創的~~ 可以當係專為我設計嗎~XP? 總之我係好鍾意呢張卡呢~~ 仲做左MSN頭像呢~~ 所以Mandy 忙抽空畫呢幅圖俾我的努力係冇浪費到喇~~^^ 十分感激~~\>0</
其實今年的禮物係比以前少左呢~~ 不過都夠我滿足的了~~^^ 不過今年唔知點解大家都咁早慶祝呢~~@@ 到生日果三兩日反而冇乜氣氛咁~~XP 係得阿媽響踏正12點時切蛋糕我食呢~~ 係藍莓蛋糕呢~~ 都幾好食~~^.^ 阿媽仲同我講「咁多人如你慶祝~ 實大把蛋糕食啦!」於是我就忽然驚覺... 今年就只係得呢個蛋糕呢@@" 仲有另一個現象就係今年生日真係冇乜人同我講生日快樂.. 反而大家都鍾意29號先同我講...@@" 最準時的就係同我同樣係28/8生日的Little Prince了~~ 我地互相祝福喇~~ 多謝晒呢~~>u< 有同一日生日的朋友真係好呢~ 至少都有一個人唔會唔記得呢日喇~XDD
JU生日會果日的詳情可以睇番Mandy小小網誌 - JU Lam B-day party
| 
