尼哥斯特谷的仁傑屋
歡迎光臨位於尼哥斯特谷.龍之班次路線上的仁傑屋。本店專營各色雜貨、紀念品、愛心飯盒(團)等......絕對是各位旅行者稍事休息的好地方喇∼∼-▽-
lamip
暱稱: 勇者仁傑
性別: 男
國家: 香港
地區: 北區
« May 2015 »
SMTWTFS
12
3456789
10111213141516
17181920212223
24252627282930
31
最新文章
終於見倒下川!! 人生又...
已經好耐冇update
Play.Right = Playri...
我叱~~! 接tag~~@0@
囧月
文章分類
全部 (21)
勇者仁傑的JukeBox (2)
勇者仁傑的覺悟 (1)
勇者仁傑的吹牛 (7)
勇者仁傑的冒險 (10)
未分類 (1)
訪客留言
最近三個月尚無任何留言
日誌訂閱
尚未訂閱任何日誌
好友名單
網站連結
CUACS@Blogring
CUACS@死火手記/思考
CUACS@重思茶居/迷路貓...
GRM@GRM Blogring
GRM@GRM Year 3
GRM@theGRMscreamers
GRM@URA studio/希朗
GRM@尖叫星Blogring
JUACA@Blogring
JUACA@Mandy小小網誌
JUACA@Usa*Blog
JUACA@大門大大日記
奈迷研究社
最近訪客
最近沒有訪客
日誌統計
文章總數: 21
留言總數: 52
今日人氣: 6
累積人氣: 16175
站內搜尋
RSS 訂閱
RSS Feed
2007 年 5 月 19 日  星期六   晴天


西藏行Osu! 轉經之道~~ 轉戰八廓街~~ .\O/. 傷心

Day 6: 拉薩篇 - Osu! 轉經之道~~ 轉戰八廓街~~ .\O/.                           19/5 晴

                              第二日黎到布宮~!                                                                    長長的人龍

 
今日起身起得好晏...10點3倒先彈起身~ 但布宮門票搶購部隊出發時間定左係10點半=.= 於是我極速梳洗~ 衝上去天台拎左個西餐跟手一個字刷晒~@u@ 落番黎join 番monkeyJoey出去~ 去到見倒條隊好長下... 明明只係10點幾11點喇! 沉日都冇咁後~ 就估係聽日星期日的關係了~ 我地邊排隊邊鋤dee~ 玩玩下知道排後面個男人係香港人! 於是同佢邊吹水邊玩啤~ Joey 就自己出左去行陣~ 個香港人黎左拉薩3轉咁多! 今次係陪老婆黎~ 問左佢好多野喇~ 不過佢覺得林芝只係一般... anyway~ 我地自己玩得開心的~

           布宮出口的囧樣熊貓垃圾桶                                         西藏典型的頹攤死狗

                            漫漫長路~ 有幾多經輪~?                                    轉經道的盡頭 - 布宮的另一端

排排下隊條龍愈縮愈短~ 原來係前面叫d人一人買4張飛~ 多左d 就出番去等~ 所以執執下我地就排前過沉日! 拎到預售券時見倒寫住"9:40"! Yeah~ 好早~>V<~ 之後我地圍住布宮周圍的轉經道轉經祈福~ 特別係為左祈求早日康復~! 轉左陣之後得番我同Joey 轉~ 初頭轉得唔係幾順~ 不過愈轉愈上手(ェブよォXD)~ 之後基本上除左有人修理緊同有人轉緊d 輪之外~ 都基本上係0% miss~! 仲愈轉愈快~ 見人過人! 自稱「轉經之達人」XD~ 轉轉下見倒個特別靚特別colourful 的經輪~ 前面個藏民特別轉多幾下~ 我又跟住勁轉~ 有趣~XD 轉到尾我諗都轉左幾百個了.. 手臂軟晒~ 希望真係快d 好番~@.@

                                  布宮的側面                                                        布宮側面山上的壁畫       

       坐在PaerDou(戴人單車)上的視界                                         與車伕合照~~^^


番到去之後見珊珊都幾ok~ 就決定行八廊街同去大昭寺~ 去之前刨過本西藏知行書~ 見倒間有名的雪域餐廳~ 呢度好靚! 好豪! 好多外國人! 見倒個門面十足高級餐廳都有d= =~ 不過見價錢其實唔燧真係貴~ 都係1x~ 2x~ 叫左d 藏、尼、印、西餐的食物~ 仲叫左呢度出名比較light的酥油茶~ d 野好好味啊>v< d咖哩masala 真係一絕! 不過呢餐亦都係我地黎到西藏以黎最豪的一餐... 食左成RMB118~=O=

                                好豪的雪域~!                                                                     淡淡的酥油茶

                               大昭寺正面全景!                                                            仰望大昭寺正門的珊珊XD

食完之後去望左望大昭寺~ 好多人對住個大殿跪拜~ 但個大門係唔開的~ 搞左一輪先知道係響側門入的~ 諗住聽講晏D 可以免費跟d 藏民入大昭寺~ 所以我地就行下八廊街先~ 有好多野都想買啊! 行左都好耐下~ 揀左頂牛仔帽同買左本智慧之眼的簿~ 好型! 行行下覺得都晏晏地就入門口睇下~ 果d 喇嘛睇得好緊走唔倒票的...仲要成70羊一張門票! 布宮咁大都係一舊~ 大昭都唔係好大啫~ 駛唔駛咁掠水呀...=.=~ 本來都想再等晏d 睇下混唔混倒入去~ 但大家似乎都曬得好辛苦...所以就放棄入去了~ 番左去抖抖~

       呢條聽聞係西藏同類大碌木最大碌的~                                          捏米喇嘛&食蕉蘿莉

                                                        熱鬧的八廓街!

番到去我地都認真plan去林芝的事了~ 搵左小蔣出黎再傾~ 但今次佢話冇9人車~ 要我地坐四驅車去~ 貴成倍啊... 愈問愈覺得佢好多地方唔多老實咁... 之後佢再留個名俾我地~ 今次係叫賈生~ 乜佢唔係叫小蔣咩... 想點... 見佢咁貴~ 我地又call 下之前載我由火車站去旅館的四川司機~佢就話夜d 先黎倒~ 於是我地左附近的永和食野先~ 黎左幾日都知呢度有間永和~ 但佢係連鎖店~ 始終興趣爭d... 不過見方便都係去試下啦~ 都ok 的~ 食左個四色涼面都幾唔錯~ 麻醬好香! 另外同娜娜share 左甜豆漿~ 都不錯喝~ 食完之後又去左附近四方超市買d 水同乾糧~ 買買左途中收倒賈小蔣的電話~ 話響我地房問口拍門冇人應... 我地唔想見倒佢啊~= = 惟有避開下唔番去旅館住~ 響四方超市邊逛邊等~ 又諗或者去永和傾~ 九點幾十點時司機終於黎到~! 傾左d 行程同價錢等東東~ 金杯車(麵包車)只係1.3RMB/km~ 比3RMB/km的越野車平好多! 個四川司機睇黎又老實啦~ 終是都差唔多mark 家佢了~ 不過都係話諗先啦~


           永和特色 -  油條王真紅 香濃美味 @u@                           永和吃法 - 蘿莉x2 加 maid 沾豆漿


本身佢地話叫左旅館的人10點播盛夏光年~ 但由於傾完都10點幾11點了~ 於是都係放棄唔睇~番左去休息了~@@
 
刊登時間:2007-07-23 01:27 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 18 日  星期五   晴天


西藏行拉薩篇: 遊走日光城~~ .\v/.

Day 5 - 拉薩篇: 遊走日光城~~~.\v/.                                                    18/5 晴

                       出現響天台遠方的布宮                                                          Hostel"平措"天台的setting 

              天井下的精品舖~ 整得幾靚^^                            成間hostel 的牆上都寫滿字呢!

今朝訓得比較晏~ 成10點先起身~ 但知道早餐提供到10點半為止就快手梳洗完上去了! 但娜娜好似未休息得夠~ 冇早餐食~~@u@ 上到去拎個早餐啦~ 估唔到係前所未有咁難食>u< 當中堪稱最經典的係佢個又咸又辣的蘿蔔~ 仲要咸到苦! 真係好耐冇食過會令我都覺得難食到想嘔的食物喇~ =.= 還好佢個饅頭同碗粥都仲冇乜問題... 食完野響天台leisure 左好一陣子~ 發覺拉薩市區內幾乎所有建築物的天台都可以睇倒布宮! 好有型~!


                              好宏偉的布宮~!                                                          蓮花形路燈+薄雲遮蓋的天

                                    萬人朝拜!                                                               圍住布宮邊走邊五體投地的修行者

響天台落番房~ 映同娜娜都身左身了~ 見11點幾~ 仲可以趕倒去排12點開始派的布宮門票預約~ 於是就一齊行過去啦~ 慢慢行去都行左半個鐘~ 響布宮下望上去無論係咩角度都咁有型! 仲見們好多人圍著布宮行~ 有唔少仲拎住個經輪一路行一路轉~ 此外~ 仲有好多朝拜者對住布宮跪拜添呢~

                              另一個角度睇布宮                                                          布宮旁的岩壁都有唔少壁畫

 

                            布宮前馬路上的白塔                                                 刻住"布達拉宮的石頭"

 我地就咁行下影下相~ 都成12點幾先到售票處~ 但由於我同娜娜掛住影相同轉經輪~ 行行下唔見左大隊~@@ 去到售票處條龍果時其他同伴後面已經有好幾個人排緊隊~ 加上每個人可以買4張飛~ 有4個人已經綽綽有餘了~ 我與Joey and 娜娜就去附近的舖頭行行~ 去左間叫西藏天珠的高檔舖頭~ 裡面有好多有用的information! 其中講左唔同天珠所代表的意思~ 仲知道左各地的特產~ 如阿里天珠~ 那曲虫草墨脫綠松石~ 母親大人吩咐我睇蜜蠟同天珠啦~ 天珠真係天價! 比較似樣的要成幾百至幾銀 =o= 可能都係買d 假假地的番去好d... 知道左綠松石都係西藏特產~ 而且高檔舖頭都可以10蚊買倒~ 咁抵玩~ 我諗我會買d 番去的! Joey話想買唐卡(類似佛像畫)番去~ 不過又係超爆貴的~ 手巾仔咁大塊都要3,4百蚊... 不過真係好靚! 我會考慮買的~^^

                    豪舖.西藏天珠                                                    布宮邊上漫長轉經道的開端

行完一輪過番去售票處已經見佢地輪左預售券~ 係第二日10點幾入場的~ 跟住見附近有四川航空公司就順便去問左d 機票價~ 之後就去搵食喇! 由於跌左張地圖...根本唔多識路...惟有沿之前去布宮的原路-北京路行番去~ 睇下途中有咩野啱食~ 但發覺呢條街係d 高檔野多~ 冇咩野食... 行行下先終於見倒間「玉包子」! 後來睇番先知道係推薦食店之一呢~ 我地響果度各自點左d 野食~ 我同Joey share左一碗涼面~ 一兜印度拋餅~ 同兩碟涼菜~ 成$12.5 一位~ 其他人$10都KO倒一餐~ 真係豪! 仲要食唔晒@u@ 仲要打包埋番去~



行番hostel 期間我地去左間超市度採購必需品~ 不過呢間舖d 野食其實好貴下... 響我的強烈要求下買左個好高檔的西瓜~ 成17個幾~ 仲貴過香港食~ 又細個=.=~ 另外買奶果時我想飲地道d奶~ 見倒有拉薩local 野"毛牛奶"~ 好吸引~! 於是自己出$ 買了~~ 買完補給品之後我地行番去啦~ 但我同Joey 好想食途中一間Gelato~ 所以就兩個去左間野度睇下幾$~ 見兩球都只係RMB6就去馬啦! Joey 叫左碎朱古力檸檬茶~ 而我就叫左black berry玫瑰味~ 我覺得味道淡淡的幾好味~ 不過佢d 冰的proportion又太多了~ 有d 似刨冰~ 不過以RMB3一個球的價錢黎講我又覺得幾抵食的~ 不過Joey 就話唔會再食了@o@" 番到去知道其他人都蕩失路~ haha~



借Joey介紹呢間抵食的Gelato~XD                           似乎係拉薩最新的大型商場

 

        
           裡面有排籃球機~ 當地人(見過有喇嘛)玩得好高興                                      東北餃子 & 蛋炒飯

珊珊番到黎覺得唔舒服~ 所以就俾佢地休息下~ 而我地其他5個人就出去搵食~ 本身佢地想話食粥~ 不過大家覺得佢地唔舒服應該要多D 營養~ 尤其是映的傷風感冒已經持續多日了~ 晏晝又食得碗粥呢... 咁真係唔多得啊... 我地就下行下北京路外有咩好食啦~ 沿青年路一直行有很多排列齊整的店舖~ 不過行下行下發覺係冇咩野食的... 於是去到差唔多街尾時見到有個大型商場~ 穿過後就見倒有間幾吸引的東北餃子~ 入到去發覺呢度d 餃子係一斤60隻咁叫~@o@ 好在有4兩咁叫~ 叫左兩碟餃子兩碟飯~ 實在不錯吃^u<~ 食食下有d o靚仔衝入黎狂掃d 食剩的飯餸~ 好狼死~=口= 有個女人未食完都分d 野俾佢地~ 不過我地就唔會了~ 食到渣都冇剩先走~ 臨走叫多一碟餃子同個蛋炒飯番去俾映同珊珊食~ 另外再買葡萄糖番去以防佢地食唔落野都有d 能量抗病~ 可惜番到去見佢地都食唔落野呢...monkey 同娜娜陪左映去出面休息~ 而我就同珊珊等人上天台透透氣~ 見倒布達拉宮的夜景仲有彎月相伴~ 好靚~^^

 
                            夜晚打晒燈的布宮                                                                     布宮配彎月

響天台坐左陣就落番去坐~ 見倒佢地同d 剛去完林芝波密番黎的廣東人傾偈~ 佢地同我地share 左好多行程上的experience and information 啦~ 俾d 我地睇真係勁靚! 之後就佢地d 司機都遇黎兜生意~ 條件好似開得幾好咁~ 留左個電話俾我地~ 叫小蔣~ 佢個樣幾好又幾好口咁~ 都考慮會唔會搵番佢呢~
 
刊登時間:2007-07-04 05:29 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 17 日  星期四   晴天


西藏行青藏篇: 美景絕倫的高原鐵路 踏足西藏拉薩~~@O@ 愉快

Day 4: 青藏篇: 美景絕倫的高原鐵路 踏足西藏拉薩~~@O@                       17/5 晴

今日的日記比較特別... 要從深夜講起... 事關我冇乜點訓...=口= 作為男生要好好睇住樓下女生的人身同財產安全喇~ 訓我地對面上下鋪的浙江人係兩夫婦~ 男果個阿叔訓下鋪(即娜娜對面)個樣又閃縮猥鎖... 臨訓覺之前佢仲對住人地除衫... 除淨底衫褲...好核突...>口< 見倒佢咁樣情況我都覺得要睇緊d..= = 所以基本上係隊個頭出外面訓~ 有咩事都即刻睇倒~ 不過自己都好似太sensitive~ 外面有人行過~ 服務員過黎夾拖鞋~ 甚至對面反訓我都會開眼望望...所以冇乜點訓= = 好似12點幾時monkey過黎叫醒我地睇星~ 因為當時列車正行走響青海廣闊的原野地區~ 真係幾多星星啊~@o@ 不過個車窗有廊燈的反光~ 所以都睇得幾辛苦~ 睇完之後又番番上去了~ 響半訓半監視的狀態下見到娜娜張被跌左落地~ 於是諗住落去幫佢蓋番張被啦~ 點知原來娜娜係因為發熱先訓唔著呢... 借左濕紙巾俾佢抹抹之後再訓就好好多了~


                與我無緣的青藏鐵路日出~好似勁爆靚~@@                                             緣慳一面的格爾木

    

              蘭大朋友送我地的大餅~~! 食左幾餐~~@u@                                       消時間一流的UNO惡鬥

成晚都訓下醒下咁~ 去到差唔多天光先訓得好番d~ 5點幾monkey 就叫我起身睇日出~ 但我實在唔夠訓... 為左避免高山反應都係決定繼續訓~ 到我起身果時已經9點幾~ 食完個大餅做早餐之後就加入UNO 戰團~ 不過今日手風好差~ 俾人大炒... monkey贏晒 =3= 青藏鐵路沿路的景色都好靚! 可惜格爾木站響我訓緊覺時已經過左~~ 一起身已經見到出真係連綿的雪山~ 間唔中仲駛過一條條雪白的冰川啊~ >v< 再經過左一段時間就到左可可西里自然保護區~ 聽聞呢度好多野生動物出沒~ 仲有藏羚羊添! 不過我地見倒的多數係d羊牛馬咁...同埋d 對住火車解決的人= = 不過我地都隱約見倒d 類藏羚羊身影! 咁就當自己睇倒啦~XD 之後仲經過雪白的唐古拉山~ 風火出隧道那曲等地~ 不過喇~ 途中過左唐古拉山之後就開始故障~ 第一次故障就停左差唔多半個鐘=口= 之後都不時冷氣故障... 焗死人 = = 今日我地七個人一齊迫埋響4 張床果邊~ 初頭果d 麻煩溫州人仲坐住我地下鋪d 位... 聽monkey 佢地講話d 溫州人話下鋪係上鋪的座位...發瘟=皿= 在monkey 發起的爭床位or 迫巴士行動之後我地終於成功重奪成張床位! 不過另一邊廂... 我經過左一號包箱竟然見倒有個麻甩佬訓左響娜娜張床度~~! 仲要我鬧完佢一次「唔該你番去自己張床度訓!」佢仲要黎第二次~ 真係激死! 真係鄧娜娜慘... 其實呢班友的衰野又點止咁少丫... 又奉旨要人幫佢拎行李... 又用人地張床墊腳...仲要不問自取拎左人地本書睇...算...都係唔好為左呢d 人再花我咁多筆墨 =3=


                  可可西里果頭~ 好多羊+神秘的格格                                                      冰天雪地上的勸野驢


                               溶雪後的紅土地                                                               好大contrast 的雪與泥


                                 遠處好靚的雪山                                                                  鋪天蓋地的白雪!

列車之後到達左錯那湖~ 仲停左段時間俾我地欣賞~ 湖面分有藍黃綠多種顏色~ d顏色所佔的比例仲會不斷轉變~ 真係好靚! 加上有陽光照射令佢金光閃閃~ 十足一個海灘! 好想跳落去游水~>.< 離開錯那湖後到左那曲站~ 呢度都有成4千幾米~ 落去影左幾張相番黎都有d 高山反應~ 包括頭痛耳塞心跳加速等@@~ 之後再經過安多當雄等地都唔落得車..@@

                              同路軌平行的冰川                                                                   冰川溶化成湖


                          好有海灘feel 的錯那湖                                                              色彩變幻不斷的錯那湖

               故障時見到一班hea 響路邊的蛋散工人                                     藏北最重要城市 - 那曲

九點幾十點終於都到達拉薩>.< 好興奮! 不過為免高山症發作~ 我地都控制住唔好太激動~XD 我地為避免車親仲等到全副武裝 (爆) 出左車站後我地原來打算打的啦~~ 但佢一開價就30 一架車4個人... 珊珊就話知道市內打的都係3雞啫~~ 由於太貴~ 我都講左好耐~ 後來有個四川導遊走過黎話30雞就可以包我地去市區~ 但我地因為唔可以咁易信佢~ 況且佢一直都未call 倒架車黎... 黎到後要我地行一段路~ 談判期間愈來愈多藏民司機圍過黎~ 四川果個即刻有d 淆底~ 後黎諗過個價都係四川朋友抵好多~ 所以都係搏下! 上車前我地仲問導遊司機證件~ 仲都好樂意俾我地~ 於是我地先放心d 上車~ 車程中同佢地傾過下偈~ 原來佢地係四川人呢~ 都有d 好感~ 而且佢地都提供左唔少西藏的情報俾我地~ 亦留左聯絡~ 以後包車都可以搵下佢地~^^

                                踏足拉薩了~!!!                                                          有貴賓被獻哈達@o@

                             拉薩站歡迎我地~XD                                                               到站留影

途中經過左布達拉宮~~ 夜晚打晒燈的布宮好靚啊! 原來我地俾左我地預訂的"平措康桑" 青年旅社的地址俾司機的~ 但佢就車左我地去東措... 入到去見倒係龍堂系列本來好開心~ 但問落就知去錯地方了 =.= 之後call 番架車車我地去平措~ 呢間野的門面較唔題眼~ 不過我地個6人間都算新淨~ 第一日到西藏係唔可以沖涼的呢~~~ 聽聞~ 所以稍為抹抹身之後就上床訓覺lu~~~
 
刊登時間:2007-06-22 12:51 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 16 日  星期三   晴天


西藏行序編: 告別蘭州 登上青藏鐵路~~~@u@ 滿足

Day 3: 序編: 告別蘭州 登上青藏鐵路~~~@u@                                    16/5 晴

今日係逗留響蘭州的最後一日喇~ 一早起身胖子同彥斌佢地就帶左我地去carteen 食野~ 本來為左避免要佢地再請我地咁多~ 我都好主動諗住自己買野食ga喇~ 但我叫左個西紅柿雞蛋刀削面同五毛錢的冷盤想俾$$的時候又俾彥斌截糊找左數了~~>< 碗面幾好味! 當時有d 感冒唔舒服~ 我仲食埋佢果份~@u@ 不過食食下唔知響邊度出現隻烏蠅...=口= 不過唔想麻煩~ 畢就左佢之後碗面照食可也~~XP 早餐食飽飽後映響Joey 佢地陪同下去左校內醫院睇感冒~ 而我地其他人就跟亮亮同仕遠逛校園~ 逛到咁上下就番左房~ 邊玩UNO等佢地番黎~

蘭大都有漫畫比賽~! 仲有自繪banner

大陸好似真係冇UNO 玩啊~~ 所以都要花一段時間教識佢地~ 然後大家就愈玩愈興奮lu! 後黎映佢地番黎~~ 胖子等人都加入了~~ 戰況變得更加刺激嚕! 珊珊唔知點解咁勁~ 玩極都唔過百~ 於是我就煽動彥斌等人群起圍攻珊珊~~XDD 終於都draw 到佢2百幾分~~ 差十幾分就追過我的了~~@u@

玩到咁上下大家就去坐校巴番本部~ 彥斌響呢個時候離開左我地喇~~>.< 咁多個蘭大朋友裡面我同佢係最啱傾的~ 真係唔捨得...

番到市區之後~ 胖子馬上帶我地去食茶王面! 呢間舖d麵質真係幾好~ 可惜因為湯料成份的問題令我食唔倒佢最出名的茶葉麵~>< 食完野我地就趕住去超市掃貨! 準備車上同拉薩的物資喇~~ 買左好多同上次九寨差唔多的糖、朱古力、muffin、蒙牛奶等~ 此外仲有大量的水、王老吉、蘋果、橙果d咁~

 睇士多食得幾滋味-v-

買完野之後就趕番去蘭大pick up 番d 行李~ 好多蘭大朋友幫我地拎行李呀! 之後我地就沿住一條大概1km的直路往蘭州火車站進發了~ 一步一步的踏向我地西藏之旅的起點~ 心情好緊張! 比搭車過去的感覺好好多~~~>v<

                  孭住沉重的行裝~ 向蘭州火車站邁進!                                                       入到站台~~

到左火車站之後~ 原本我地想響入閘前俾低d $$ 佢地的~ 包括火車飛同三日內好多昂貴的消費~ 但勢估唔到佢地會買埋站台票上月台送我地車呢! 架車5點15分開出~ 我地好似早左7,8個字就到左呢~ 同個月台同架火車影左一輪相之後~ 蘭大的朋友仔仲幫我地拎埋d 野上火車~ 之後上到車就打算同大家揮手告別啦~ 點知佢地仲繼續留低送我地~>< 仔細一數之下~ 發覺蘭大送行隊伍有8個人~~ 仲多過我地七小福~!! 未試過有咁多人送行呢~~~ 超幸福的說~~~>v< 之後我地仲互相影相~ 影到咁上下亮亮佢地就同我地玩手語~ 又猜包剪揼~ 又猜媒~ 無聊得黎又幾開心~~^^ 之後映又教佢地玩手指面具~~XD 玩玩下的時候胖子仲帶頭坐響地上面~@O@ 距離開車的時間愈黎愈近喇~~ 諗到今次分別之後或者都冇機會再見...就不禁有d眼濕濕~TvT 最後我地就響揮手中道別了~^^

                               好新淨的青藏鐵路!                                                                  蘭大送行團TvT


                                同胖子互影~~XD                                                             亮亮 (手指假面mode)

青藏鐵路列車START!! 好興奮~>v<~ 根據之前randomly 拎到的車飛~ 我地七小福分開左兩個包廂~ 因為一個包廂只有6張床~ 蘭大的朋友就為我地安排左4個下鋪3個中鋪~ 結果我+映+娜娜3個分到天字第一號包廂~XP 上到車時見到乜都好新~ 連d 服務員的制服都靚過人~! 加左d 藏族特色的花邊呢 (可以作為下輯鐵道娘的素材XD)稍為安頓好d 野~ 又hea 左陣~ 睇下影下窗外風光之後~ 我地就去左餐卡食dinner~ 呢度d餸大約10蚊一碟倒啦~~ 叫左幾碟~~ 少肉多菜的~ 按照高山上最多食到6成飽的原則~ 我地點d 餸唔多~ 不過佢都炒得唔錯的~~

                                         3                                             +                                  4                               = 7小福

食完野番去冇耐就到西寧喇~~ 呢個正係一連串噩夢的開始... 原本我地3個人~ 我決定訓比較辛苦的中鋪~ 而映同娜娜就訓下鋪的~~ 我對面中鋪的伯伯睇落都比較慈祥~ 感覺還可以喇~ 但到左西寧後有大批人上車~ 我地果個車箱全部上鋪原來都俾一間浙江黎的教育部人員book 左~ 佢地一黎就話想一齊要一格~ 問我地可唔可以同佢地掉~ 本來我地都有諗過7個人迫埋一格6個床位的~ 但最細粒的映同娜娜已經試過唔可能孖鋪了~ 當時Monkey 都有提出過佢訓上舖的行李格的~ 但係咁又太辛苦佢喇... 再加上7個人d 行李再加埋公家d 水同食物根本就好難塞晒響一格裡面... 正當我地商量途中~ 果班友仔已經急住叫我地拎車卡出黎同佢地換... 呢下就令人超反感啦~~! 十足係迫我地就範咁! 你估我奉旨同你換ga~? 唔好以為我地係學生~ 你地係教育部就可以任你恰! 談判左好一段時間之後終於決定維持3+4的格局~ 但我地換左個上鋪~ 讓一個下鋪俾佢地d 所謂老人家~ 我地3個人一邊都勝在唔駛佢地響我地床度擒黎擒去~=3= 最後就演變成上=我、中=映、下=娜娜~ 由於中同上鋪都比較辛苦~ 我地就決定好平時都響番下鋪活動~ 訓覺先上番去~ 而浙江人提出話可以補番上下鋪差價~ 我地都斷然拒絕了~ 果少少$$我先唔想同你地計較咁多~ 當係賣個人情俾你地~ 等你地班友仔心理上係欠左我地~ 至少唔敢亂黎掛~?

                                  dinner@餐車                                                                    傍晚的西寜站

重組行李後~ 寫左陣野~ 就食下睡前蘋果~ 同同樣貪食娜娜講到蘋果的話題~ 大家都一樣最愛Gala 蘋果>v< 最討厭大紅蘋果>u<~ 而且大家都幾有研究~ 後黎加入~ 佢都同我地差唔多~ 都鍾意Gala~^^ 邊食蘋果邊講d 幾健康的話題~ 到左差唔多10點就趕緊去刷牙洗面~ 事關到10點列車熄燈就齊齊訓覺了~@u@
 

                                                                 蘭州 - 青海沿途都係黃土禿山農田 

刊登時間:2007-06-18 08:06 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 5 月 15 日  星期二   晴天


西藏行熱身篇: 蘭大朋友的熱情款待~~~TvT

Day 2: 熱身篇: 蘭大朋友的熱情款待~~~TvT                                          15/5 晴

第二日為左趕上朝早的熱水供應的時間~ 我同monkey 好早就起身沖涼~ 沖完後就趕緊收拾去豫中的行李喇~~ 至於我地d backpack 就寄放左響蘭大朋友們的宿舍了~

 

                           幾特色的蘭州大學校門                                                           蘭州的蘭花(?)不錯看~

行裝準備好之後~ 我地一行人去左郵局買郵票for 寄明信片番香港~ 一買就買左>150張~@口@" 郵局方面班郵票都班左好耐~~ 掃晒人地成間郵局d 郵票~~ 勁誇~~XD! 買郵票期間珊珊同小彭去左買麵包同煎餅俾我地吔~ 跟住我地就邊食邊坐公車去風車園喇~! 途中食果個牛角包皮的包食到我喱咁hea~>< 而另外個煎餅都不錯吃~~@u@


                              水車之都的大水車!                                                                     有水駛得車推磨

蘭州唔講唔知原來有水車之都之稱ga喎~ 去到風車園睇倒一系列大大小小的水車keep住轉~~ 好壯觀! d水車design都好靚~ 好在坐飛機時睇蘭州晚報睇過d 蘭州水車的典故~ 睇果時都識appreciate d~ 起響黃河邊堰上大水車成行咁排列~ 好壯觀again!! 大水車抽黎的水透過架空引水道引到去較低的小水車~ 帶動小水車轉動~ 再推動石磨坊之類的工具~ 24小時不停運作~ 古人真係好叻~~@u@

                              黃河岸邊一排排水車                                                  古代跑步機@u@

最鐘意係個水車園有一d 人力推動的水車可以俾我地好似騾仔咁推磨+抽水~ 又有同跑步機同出一轍的腳踏水車~ 我地都玩得好興奮! 可能係上高原前最後的劇烈運動喇~^^" 響呢度我地係咁影相~ 仲定好左七小福的排名~ 我係第四~~ 應該叫老四? 買哥? 小四?(爆)~~ 或者又係阿四吧~ =3=


                            畜力(?)水車 & 騾x2                                                     黃河邊上常見的羊皮伐 

離開水車園之後我地沿黃河一路向中山橋出發~! 行左好似有幾公里咁~ 沿途一路同蘭大的朋友吹水~ 一路都睇倒唔少有趣的東西^^ 之後到左黃河第一橋--中山橋~ 其實係一條幾普通的行人橋喇~ 冇咩特別的@u@~ 呢個時候大家都肚餓了~ 於是佢地就帶左我地去一間有名的牛肉麵連鎖店食lunch 喇~~ 聽倒"牛肉麵"我就驚冇野食喇~ 好彩都有個涼麵食! 味道還可以喇~ 不過我都係鍾意四川的涼麵多d~~ 仲有胖子推介的麵湯其實我都唔多識欣賞~ 食食下期間我地個包廂仲停左電~ 不過都幾有氣氛的~

                               孫悟空都經過呢度                                                                黃河第一行人橋

食完野我地又繼續行去蘭州另一個有名的景點--黃河母親~ 聽胖子佢地話當地人都鍾意叫果個雕塑做「黃河他娘」~~XDD~ GJ! 同他娘影左幾張相之後我地就坐巴士番蘭大~ 我地架巴士幾乎由頭坐到落尾~ 都只係RMB1 only! 不過架巴士好迫喇~ 差唔多要到落車先有得坐=3=~ 但隔離映就訓得好"林"喇~~@u@ 到左蘭大本部後我地就等校巴去豫中校區嚕! 搭左成個鍾終於到左~ 去到招待所快手沖個涼啦~ 估唔到個花洒會係半球形無定向發射咁潮爆~ 好在我有用風褸擋住要換的衣物~ 唔係真係濕晒~ 涼完涼之後就去左校園內的餐廳食飯~ 他們為我們點了十幾個菜~ 味道係唔錯的~~ 但其中有一個蛋花玉米糖水唔講仲之為係粟米羹~ 入口發覺係甜的時候真係俾佢嚇親~= =


                         黃河他娘同佢個寶貝仔                                                                黃河他娘前的合照~^^                 

食完飯之後我地響校園內逛了一個圈~ 又參觀左佢地的圖書館~ 只有一個校區就咁大~! 仲要有五個校區呢~~ 超勁~~@o@

逛完校園之後我地跟食飯時匯合的各蘭大朋友--胖子小彭亮亮彥斌仕遠等一齊玩killer! 講開先知道係舊年蘭州fieldtrip 的時候GRM 的各位教蘭大的同學玩的~ 今次同佢地玩得好開心! 最重要係佢地全部都超投入去玩~ 搞到我都好積極估killer~ 仲成日俾人懷疑係killer...=口= 真慘~ 亮亮係幾識睇人心理的~ 而彥斌都好有頭腦啊~ 不過我同士多啤梨做killer 的時候成功用左犧牲小我的策略~ 成功指證我之後士多啤梨勝出~~! wakaka~ 然後我同珊珊的合作都成功搵出killer 兩次! 最可惜係Joey 果盤佢地的演技實太無得彈~ 最後變成draw game~@u@"

我地玩killer 玩得越來越興奮~ 最後蘭大的朋友成十二點幾先走~ 咁又完左一日lu~

killer 大戰後的光景

刊登時間:2007-06-16 11:43 PM  [ 訪客留言(0) ] [ 編輯日誌 ] [ 分享至FACEBOOK ]