呵呵..呢幾日都系食同訓..
第一日勁早勁早起身..十點幾..話返大陸喎.. HELP..
返下返下就到左''去左食我親愛的小籠包..好味喔`
之後..打的士返去..跟住收利是.收利是+收利是啦..
跟住都冇咩特別啦.. 傾下計呀.. 食下飯呀.. 睇下電視咁啦..
食完飯之後去左睇煙花呀.. 呵,, 真系好靚呀..
如果人的煩惱都可以好似煙花咁靚.. 咁快消失就好啦..`
黎都快.. 去都快.
返屋企果陣.. 買左d煙花玩耶.. 哥都有黎.
跟住我同佢講`冇見咁耐.. 樣衰左喎`之後又鬥下嘴.. 叫下佢肥佬咁啦..
哈哈.. 跟住去佢屋企睇`犬夜叉.. 睇下睇下又幾好睇喎..
唔系.. 應該話好好睇呀.. 動畫真系好d.
之後果幾日.. 喝下茶呀.. 買下碟呀.. 行下街.. 睇下漫畫喎囉.
都過得好快..
呵呵.. 臨返去前一日.. 去左我呀爸家族中最細果個阿叔屋..
唔講唔知.. 原來我呀爸有七兄弟姐妹.. 真系多人..
最細果個呀叔好好人咖(雖然個個都好好人.. 好搞笑),
我地系佢屋企玩煙花+爆槳.. 真系好熱鬧..
唔似我地香港... 都冇得玩煙花.. 又細.. 又少人.. 一d熱鬧戲分都冇.
之後我地食飯.. 原本另一個呀叔識炒飯/..仲唔系一般既好食.
終於比我地班野食哂.. 真系好好味呀..
最後.. 我地搭炒飯呀叔既車返屋企.. 司機當然系炒飯呀叔啦.
佢癲癲傻傻咁.. 突然覺得生命受到威脅.
人地話第六感好靈.. 本來我都唔信.. 而家我信.
佢一陣又系咁轉線.. 一陣又放d鬼叫既音樂.
叫佢音樂已經好比面佢啦.. 之後又冇啦啦大叫.. 又駛去水窪到喎.
最勁既系.. 佢無啦啦系車頭果到拎左一包奶…問我喝唔喝.
咁我話唔喝.. 佢就拉開左支喝管.. (留意.. 佢系開緊車咖..)
喝.. 點知又大叫.. 我望過去.. 佢話支喝管飛左出去..
之後望下隻手.. 又話`冇事冇事.. 系到系到..( 既系支喝管仲系隻手到)..汗!
真系比佢笑死.. 無驚無險.. 終於返到屋
我好開心.. 因為我發現我仲未死….
| 
