29/12/2017
晚上你跟我說分手時,真的很不真實,因為我真的不相信你會主動提出,
原因是因為我很多時都不能陪你,亦沒時間聽你說你想跟我分享的任何事,
你說分手前停頓的那幾秒,我還在相信你只是說想冷靜一下,
但最後你說出口了,我真的不知道可以做甚麼,
而收線前聽到你在哭,我真的很想到你身邊擁抱你,
我立刻上了的士去到你家樓下,但可惜你一直都不想看到我,
亦不給我去見你,我真的不知道可以做甚麼,做錯了甚麼,還是有甚麼....
最後待了十多分鐘你說回家了,我便離去上班,我亦不知為何會照常上班,
可能還是不相信你說分手吧,但一直上班途中一直在想,
其實很容易解決,轉工就行呀......但可是你跟我說,你已經覺得有我跟沒有我都沒分別,
已經冷淡了,而比起我,你最後選擇了朋友,但我真的放不低,
始終還有一天就六年零四個月的感情,大家亦都真心相愛,
大家都是大家的將來,大家一齊傾過幾時結婚,去邊影婚紗相,憧憬有一日一齊去旅行,
但最後都只係換黎一句對唔住,我一直係到諗....
一直睇返我地既WHATSAPP對話...FACEBOOK MESSENGER...我最後係返工途中崩潰喊左出黎...
亦都因為呢份工既時間,令我失去左個未婚妻,所以我決定左離職...
30/12/2017
呢日我都係不停咁求你比我返黎你身邊,但你都只係不停說對不起...
你亦都有叫我掉晒你既野重新開始,但我真係做唔到,真係做唔出...
最後我訓左工個鐘之後又再返工,雖然已經無晒動力返工搵錢既念頭,
呢份工編更差,放假時間不定,亦有時要返12小時,最後我捱左咁耐都因為想搵多D錢養你,
但宜家返去只有無盡的累的感覺.......而今晚返緊工個陣又再喊左出黎...
31/12/2017
本來今日係期待以久見你同你一齊既日子...捱左十日,共中有兩日返左十二個鐘,本身諗住開開心心比驚喜你..
但每次我都太遲,,,得返驚,,,沒有喜...本身已經諗定煮台式肉燥同炒飯比你食...因為我知你鐘意我煮野食比你..
最後我都照煮左出黎...亦都好多謝你比我任性埋呢次..比我送比你...我知你可能都唔想見我...
煮完入晒盒,,,拎左去你屋企,,,放左係門口,,,我呆左幾秒,,,然後就走左..然後...一路由你屋企行返自己屋企..
一路沿途諗返起一齊由建生行去洪福邨送你返屋企...途中大家有講有笑..傾好多唔同既話題...
一路有人係旁邊後面跑緊個陣..我都希望係你追出黎,,,但可惜無...
行到兆康就諗起之前同你成日買零食既鋪頭...一齊買外賣既荼餐廳...同你爸爸一齊坐低食飯既另一間茶餐廳...
為左$20不停係兆康追逐左十幾二十分鐘.....係兆康返左一排M記你時不時落黎探班...
街市入面賣冷麵既姨姨...有幾次你病左我就係個到買野食上黎比你,等你唔洗四圍走...
中秋節係兆康樓下個到玩蠟燭....好多好多回憶.......
行到麒麟輕鐵站個邊就會諗起個陣大家返M記...你返夜我返通宵....
我放假會落黎接你收工再一齊行返兆康...無論個陣你幾攰你都唔會講...
我返工你又會收工留係CREW ROOM陪我執貨唔捨得走..明明第二日可能要返學...
返到屋企又等我凌晨3點幾4點BREAK個陣既電話,,宜家諗返...原來個陣我已經辛苦緊你但我唔知...對唔住..
行遠D到屯門醫院日間門口馬路邊個陣....唔知你會唔會記得呢個地方...
呢到係我第一次同女仔面對面表白,第一次主動拖女仔手既地方...個陣我都唔知那裹來的勇氣...
而果個女仔....就係你...個日我拖住你..大家面紅紅怕怕羞羞咁送左你返屋企...
你話想諗清楚先...所以個陣我決定左等你...最後你都決定左同我一齊...
之後其實每日大家都開開心心...你返學每星期有一兩日唔洗陪同學食飯都會叫我陪你LUNCH...
雖然行到好攰.....亦都無訓過....但我都係訓唔著,,,,好驚訓醒會唔記得同你一齊既野....
夜晚8點幾.....搵左JOE同HONG陪我食晚餐,,,好多謝佢兩個成日都聽我講野...
1/1/2018
大約凌晨兩點幾返到屋企...我重係好希望收到你信息同我講只係一個2017年既玩笑...
亦都好可惜既係...5點幾收到你信息原來呢個係現實.....我...又再失眠了...
身邊既人都同我講係因為你唔體諒我返工只係為左搵錢比你...話因為係你唔明...
但我從來都無咁感覺過...我反而真係覺得我因為為左搵錢而忽略左你先係事實....
無理過你感受....成日覺得你留係我身邊係應份,,,大安旨意你唔會離開.....
但...我錯了....你最後選擇了離開,,,,,,
有人說,有情飲水飽....但原來...有情過後的無情....連水都可以唔洗飲........
我唔會掉任何一樣屬於/關於你既野...會一直存在於我的房間裹...等你回來..
我...可以等你回心轉意....大家重新愛上大家....重新開始好嗎
| 
