今朝晨咁早比腸哥整醒左....10點鐘..訓訓下佢打電話比我= =...好眼訓呀....之後我10點半起身...換3汁野....之後11點都未到...
就落左街搭車喇...咁就打比匡啦....之後見悶悶地...睇下書...好彩自己帶左本去姐...之後落到車...等左10-15分鐘到...匡先到= =..
咁我地就搭地鐵去灣仔....中途係咁轉車...又玩跑地鐵站...好好笑...之後去到...打比神駒佢地..個陣佢地先上屯門公路...
又要等多一個鐘到....咁我同匡咪入去先囉...行左一陣..就見到梓傑喇...咁一齊行啦...睇人唱歌同x band(唔知有冇串錯)...
佢地真係打到feel到成個身係到震...好勁呀~~咁之後繼續行啦...一路行..一路拎野...拎到好多野...之後佢地入到黎..
咁我地咪搵佢地啦..咁就一齊行喇..一開始兩個女既行開左..之後到我同神駒行開...我同神駒就行左好多地方..又睇下模型啦...
影下d靚女啦..睇下game..睇下漫畫..四圍影相啦...之後又同人搶答問題拎軍曹大電影張海報..我同佢都每人拎到張呀...好大張..
好靚呀...之後我地坐左係到休息下啦...之後佢地話走...咁我就走左去買game...買左緋雪千夜($138)+緋雪千夜資料片($98)+
緋雪千夜漫畫外傳($2)....咁就用左$238喇...大出血...之後買完返出去搵佢地...咁就走喇...出到去..又影左幾張cosplay..
(又唔知有冇串錯)....d女仔都扮得幾似....幾靚丫...咁影完之後...就出去啦...嘩...好大雨呀...有帶傘就好似無帶傘一樣...
不過我為左保住d野唔濕...搞到自己濕左..無計啦...自己d野重要過自己個人...之後搵地鐵站...搵到喇...搭升降機落..點知超重...
咁我地走左3個男仔出黎...就無響啦...之後我玩下咁啦...話咒佢地部野落唔到...咁我地3個男仔搭電梯落去...落到去...
見到佢地係我地後面..咁姐係代表我咒佢地成功左喇..哈哈...(屬於玩下成份...)...咁之後搭地鐵返咩芳個到食野喇...中途玩匡...
話我地無上到車...其實只係係佢地後幾卡車...直至落車...係佢地後面玩跟蹤...點知跟跟下唔見左佢地...打比佢地...
點知到我地比佢地玩..去左百佳搵佢地...之後佢地話係m記= =+...咁就去左搵佢地...坐左陣..食左個飽..d女仔食完個餐就走左喇..
之後匡返左去拎野..拎完就一齊去名古屋食野..食左一個勁唔好既叉燒飯...又貴wo($28)...唔理啦...食完就搭車返屋企喇...
係車到同佢地傾得好開心...之後返到屋企沖涼洗頭...之後就頭痛...唉..年紀大...機器壞....
p.s:今日既成員有...貝芝姐...佩兒姐...匡仔...神駒...梓傑...駿成哥...重有中途見到et豪..同埋聽講有出現既平(呢個我見唔到)..
開心中....聽日我生日喇...唔知會點呢~~但點解咁多人唔得閒既....16歲喇..覺得自己年紀大tim...
| 
