今日...終於無訓得咁多喇..唔洗再訓到12個鐘..訓到成身痛咁!!...yayaya~~

今日悶啦..咁就上3男玩心理測驗...................點知多數既答案都係話..

我係一個老實型..經常性係小事到粗心大意....重有一段..唔知大家覺得岩唔岩= =..

你是個相當主觀且好惡感強的人，常憑第一印象判斷一個人，因此只要一見面
覺得投緣，就會掏心掏肺和對方無話不談，仿若兩人是認識多年的老友一樣；
反之若是一看就不順眼，連一句話都不會和對方說，即使別人對這個人稱讚有
加，仍無法改變你先入為主的觀念！但如果你的直覺不對時，很可能就錯愛一
個人或冤枉一個人，因此不要太快對一個人下斷語，這樣才能使你的人際關係
更為圓潤！

就係呢段喇..大家點睇呢..我覺得..心理可以信少少既..唔係信晒囉..但星座就一定唔可信= =..

點解唔信星座?因為星座講親都係話天蠍座既人好惡毒..本人完全唔多覺..

至少我所識到既就有一個唔係啦..hahaha....邊個?唔知丫..自己對號入座啦~~

哇哈哈...好啦...咁今日又完左篇日記喇~~我覺似傾計多過打日記..yoyoyo...

 
好啦..見大家咁悶..比個心理大家玩..講埋比你地聽..我d型既xd"

玩完先好睇答案丫... 大家講下咩型啦^^~~~唔好送個k型比我xd"

你屬於邊種靚?


1.你平均每日會花幾多時間對住塊鏡?
a.唔會超過10分鐘　→（３）
b.唔識計，總之見到有鏡就會照下　→（２）

2.有日出街，發覺比平日多左好多人望你，你心裡面會諗......
a.嘻嘻，我今日神采飛揚!　→（５）
b.弊!唔通我頭先搽面霜搽得唔勻循?　→（６）

3.你認為世界上好少人會美貌與智慧並重。
a.yes　→（６）
b.no　→（７）

4.你都曾經有考慮過，或者認為自己都有d條件做藝人或明星。
a.yes　→（８）
b.no　→（９）

5.如果你有一件同朋友o個件一模一樣既衫，你一定唔會再著。
a.yes　→（４）
b.no　→（１０）

6.你自問去到邊，人緣都唔算差o個隻。
a.yes　→（１０）
b.no　→（１２）

7.細細個就立志做明星。
a.yes　→（４）
b.no　→（１２）

8.去大排檔買外賣，檔主問你:「阿靚仔(靚女)，想買d咩呀?」o個陣，
你會覺得佢係真心覺你靚先會咁叫你。
a.yes　→（１３）
b.no　→（１４）

9.好多時見到d明星或藝人既髮型好靚，你都會有樣學樣整個一模一樣既髮型
a.yes　→（１４）
b.no　→（１５）

10.人人都話美麗既外表唔代表一切，咁你覺得理由係咩?
a.靚都冇用既!反而個人修養比任何野都重要。　→（１１）
b.靚唔靚唔緊要，最緊要係有型或者可愛，咁先至得人鍾意!　→（９）

11.希望有朝一日可以識到個有錢人，同對方結婚，以後生活無憂，快快樂樂!
a.yes　→（１６）
b.no　→（１５）

12.曾經試過俾人話你著衫老套冇品味。
a.yes　→（８）
b.no　→（１１）

13.唔係淨係你話，好多親戚朋友都成日話你靚。
a.yes　→　A型
b.no　→　B型

14.你睇雜誌o個陣，通常都唔會由頭睇起。先睇自己最想睇既部份，
然後先慢慢睇返轉頭。
a.yes　→　A型
b.no　→　C型

15.你認為「善有善報」之類既說話係呃人既。
a.yes　→　B型
b.no　→　D型

16.心裡面成日都會諗住咩都係要靠自己雙手，冇人會幫到我!
a.yes　→　C型
b.no　→　D型

A型 我靚到只應天上有!
係你腦海入面成日都會諗，生活之所以事事順利，鍾意/暗戀自己既人有如天上繁星，
完全都係因為自己生得非常靚！靚到覺得身邊其他人都係凡夫俗子，
一d都唔可以相提並論。不過要小心第日老左，冇左靚樣之後會冇哂朋友。


B型 我個樣對得住自己同屋企人!
你內心有時候都會好感謝父母生得你咁靚。雖然你都知世上仲有好多人靚過自己，
但又唔可能否認你唔錯既外表的確為你帶黎好多方便，而且你都好理智下，
知道「靚」唔係萬能既。不過，要注意虛榮心過剩，變成過份自大，朋友雞飛狗走!

C型 我唔靚，但我有氣質!
你都知自己點都唔可以叫靚，頂多係可愛、有型、有氣質之類。因此，
你都會發掘好多唔同興趣如技能，令自己既魅力得以增值•可能你而家唔係咁起眼，
但你呢類型通常會愈大愈有吸引力。

D型 我心地好咪得囉!
「靚」呢家野，人人既定義都唔同，最靚既人都會有人覺得佢唔靚。而且相由心生，
如果你覺得自己真係咁唔靚既話，不妨多d開拓生活空間，努力充實自己，
花d心機令「世界變得很美」，包你終有一天忽然靚哂!