琴晚打機玩到2點半先訓= =v...今日10點比我家姐嘈醒落街買早餐= ="..一個字..煩!!

之後差唔多2點出門口..過左良景禁錢..AND等傑同駒..之後3條友出左市中心行..

行完就行返新墟..食野...食完就見到勤...之後行返去建生HEA..HEA到6點幾就返屋企..

之後10點到就出左門口..去搵傑同駒...之後搵埋匡就幾個四圍走...宜家4點幾...重係網吧..

p.s:今晚應該又出去吹水@@"....

話說琴晚又1點幾先訓..今日就1點幾起身...攰到死...用虛脫黎形容最岩...

琴日早上用晒D腦力黎做卷..下午用晒D腿力黎行街...夜晚就用晒全身既力黎返工..

最後搞到無晒精力...SO..要訓足12小時黎補充..哇哈哈...

待續..

宜家2點半...我終於睇晒BIO既野喇...但係明既又有幾多呢= ="..大獲了...

快D去訓先..唔係聽日死緊....

話說琴晚2點半訓後...今日又差D起唔到身(係唔想起身就真)..不過收到SMS就起身啦..

哈哈...睇下我幾比面....之後自己去搭車...去考..無咩特別..都係個句啦..驚唔合格咁囉..

12點就考完兩份卷....今日唔知咩事...係咁去洗手間= ="...遲訓早起的後果...

考完就行左去市中心..搵丫圈同笙先,,之後無耐去左搵cherie..then..樂都黎埋...

咁5個人就去左元綠食野喇~~食左$6x..都ok啦~~食到咁滿足..哈哈..

食完丫圈就走左...我地幾個繼續行....去左冒險樂園玩..有人玩左$100...

哈...唔知邊個呢..笑死XD"...玩完就去左玩具反斗城玩...成班細路仔咁..

玩左好耐之後..去左打Xbox360..樂輸比D細路= ="..哈哈...無耐就返屋企喇..

返到屋企都係4點咋...但好似過左好耐咁...天氣熱既問題掛...哈....一陣返工..

返5點@@"...又比人CALL返去@@".今日返工無乜野..不過越做對腳越痛..

最後痛死左....11點幾返到屋企MSN...哈~~

P.S:開始打機嚕~~

琴晚3點先訓..今朝..10點就起身...越訓越少...唔通我開始有"厭睡症"..?

大獲了@@"...今日都係係屋企..無咩特別...3點幾煮左個麵..好有茶餐廳風味..

睇黎我可以去做XD"..哈哈哈..

P.S:悶...

琴晚3點先訓..見訓唔著開GAME玩...2點半打戰役..原本入到去..諗住得7-8個人..死緊啦...

途中重要死緊個..又有個得9LV..大獲了...點知到最後...集幾人之力...打死左隻gg王..

好似得3個劍2轉..1個咒2轉...1個弓手...個個都係岩岩40lv..估唔到嬴左..哈哈..

隻gg王真係廢的XD"....如果係包包一早死左XD"..哈哈哈.......

今朝12點半先彈起床....其實重係好攰的.....之後就落左街買飯喇...

返到屋企休息打機...第一次打機打到燥底..要我講粗口= =凸..

激Q死........

p.s:今日都無咩特別掛@@"

琴晚訓唔著...2點先訓....唉....今朝7點半起左身...點都要唔該棋既XD"...

之後7點半落左街..咁岩係車到撞到笙..同埋平..之後去試場....無咩特別..

不過係特別凍咁解...坐第3行第6個位...冷氣位..不停吹著涼涼的風..

不過...積少成多...變成凍咁解....今日考MATH都OK既@@"......OK咋..

考緊個陣..隔離果個做到好炆...係咁將部計數機撞落台到@@"...

我就開心D..做完有30分鐘淨..係咁check卷...好驚T^T...

一出門口就見到怡...哈~~超耐無見面~~傾左好耐..之後送佢搭巴士嚕~~

之後就搭車返建生...落左車就去搵cherie同樂..then..去搵猩猩囉..

11個人食lunch...分開晒坐...早知返屋企食= ="...之後送埋cherie就走喇..

係建生同麟吹左陣水先返屋企@@"...係屋企無聊得濟..上網CHECK下D唔知岩唔岩既MC...

發現錯左4題MC....唔制呀....出二進制...蝦我唔識姐!!..今年MC正呀..撞B同C的話..

超多B同C...最勁係連續7題B...O嘴....屈機的...喪玩考生的....

6點都未到就訓Q左...差唔多9點起身..食飯@@"....好攰好攰@@..

P.S:又一日了...又一科了.....大獲了...

宜家...1點幾差唔多兩點...都重未捨得去訓...聽日真係唔洗起身嚕..............

聽日MATH的說...如何的死法...將會在放榜天出現....預料自己會慘死......

待續...

琴晚2點先訓..呵~~~今朝8點幾o li打黎嘈醒左我..之後訓返...10點比我家姐叫醒= ="...

落街買早餐wor@@...所以呢...早餐就係大快活解決...之後返到屋企溫下書咁..

之後4點就落左街食我既LUNCH喇= ="....之後都係無乜野做.....

P.S:沉悶的一天...

       最近好多人ADD我..但只係為左MATH= ="

琴晚好好訓..12點幾就訓左...今日原本早D起身..可帑1玩陣電腦麻..點知又訓返..

訓返又唔記得教鬧鐘...好彩有棋..哈哈....之後去考啦...入左特別室@@"...部野..神神地..

考完就出左去搵造...搵完就搵埋匡...3條友去左玩一場GUNDOM..之後搭車返市中心..

行行行....無乜野做嫁...我約出黎係想吹下水咁嫁咋@@"...之後5點幾就走喇..

佢兩個話送埋我返屋企先WOR= ='...都唔知點解要,,,返到屋企同我細佬嘈..

佢打機上癮了...一無得玩電腦就係咁亂咁鬧人...低能!..之後無咩野做...

P.S:最近又多左傾電話了@@"....哈~~

琴晚訓唔著...痴線的= ="...2點先訓..搞到今日唔想起身...唔想去考TIM@@"..

最後都係比人叫左去@@"...lv2..何其難取....今日做1a都ok..咁多年黎最比心機做既一份野@@"..

1個鐘係唔夠時間的..之後1b...做左第一part就放棄左..第二part唔識做呀!!激死..有lv1算好..

一路做...一路肚餓..一路肚痛.....救命!!..........之後返到屋企...坐下等佢地電話@@"...

無耐cherie打黎..咁我就過左良景等..等緊個陣見到雲哥= ="..咁就一齊食野...

無耐cherie同麟黎到...等埋濠就去左祥景食野...見到幾個個sir..重要其中一個係詹sir...

之後食野囉.都係傾下計咁..食完就去左m記搵波波同波妹...溫書..溫到咁上下..

波妹兩個fd黎左...雲超勁...哈...咩事就唔講啦~~心照的..嘿...之後7點到散..

7點幾返到屋企...同cherie傾左陣電話咁姐~~之後....呆...........自我檢討中......

算啦@@"..今日盡左力就算T^T....

琴晚1點半就訓左...哈...今日12點起左身...訓少左...正@@"..不過考完試有排訓= ="..

之後都係在家中呆...7點半多DD就落街...同cherie,波妹,波波,麟,濠食飯..

係紅高咩個到食..食完都9點幾...then...過左去m記溫書...拎埋張6折..

溫到11點到就送埋cherie搭車就返屋企喇...返到屋企沖完涼..同cherie傾左陣電話咁囉@@"..

p.s:返到m記都係比人玩的@@"..

成晚坐係電腦前面睇功夫灌籃...都幾好睇..呵~~之前想去戲院睇嫁..無人陪之麻...

休息完一日喇..姐係又要喪溫一日既書先得...考試個日就係玩既..其他日子都係溫書= ="...

直至會考完@@"......哈...睇完功夫灌籃都已經差唔多2點半..重未想去訓TIM...

頂= ="...我訓緊教個陣收到超多電話..大部份都係公司某一同事..AND..我的媽= ="..

訓都訓得唔舒服...越諗越燥...............最後1點半多D就起身@@"...訓多陣都唔得..痴線!!

今日都係全日留家...無咩特別..都係玩陣電腦...溫下書咁..

p.s:突然覺得自己好勤力@@"...

嘩...D CHEM溫到宜家都未溫完....都係溫左7成左右咋= ="...呀..宜家係2點...

不過真係要多謝棋比左D筆記我...唔係我想溫都無得溫>3<...今朝..7點幾起身..

之後落街..等左好耐條友先落黎= =凸..之後急步行去..一路同cherie傾電話一路行..

考chem..都ok啦..除左d唔識既之外(有講=冇講...)..考完..就同莊揚,笙去食吉野家..

食完就返屋企喇...

P.S:有咩特別野今晚再打..

琴晚2點先訓...哈..攰到想死..今朝8點半比我媽叫醒落街食早餐@@"...

食完返屋企....途中撞到燕..幾個月無見...返到屋企睇報紙..超得閒..........

之後12點幾落街..係輕鐵站等埋CHERIE就去左KFC搵麟食野...'

食完佢返屋企..我同cherie行去良景m記..超衰..落雨..兩個人逼係一把遮到@@"..

之後行到去就溫書喇..有波波同波妹...無幾耐有埋笙..溫到咁上下..義落埋黎一齊..

5點到就閃喇...送埋cherie去搭車都各自返屋企了@@"...返到屋企又要溫chem了..

p.s:聽日就考喇!!超驚.....

琴晚1點幾訓...今日1點幾起身..原本唔想起的...但見訓左咁耐..都要起的@@"...

今日半溫書狀態....始終屋企太多野...唔可以全力溫書@@"...

之後都係係屋企...cherie又唔聽我電話...掛住返工T^T...

之後都係咁啦....無咩特別野做..

P.S:聽日最後溫CHEM的一天....

琴晚12點幾就訓..攰攰..諗起琴晚個夢都超級恐怖.......救命!!......今朝7點半起身...

落到街先發覺原來9點15分先開考...SO..返屋企...係我太緊張...定係因為我對會考唔著緊?...

返到屋企..胃痛了....所以呢..趴左係電腦台前面眠一眠先...之後去考試喇...

又返新會...今日無咩特別...都係聽野...有人點唱比我聽就好喇...唉...

兩份都OK..卷5作左600字到...厭唔夠多@@"...放左之後出左市中心..

同cherie,波妹,波波,濠,麟去左食元綠..十分好..食完之後送左佢地搭車..

我就去左搵棋喇..都係行下吹下水咁啦...之後送埋佢返屋企我都返屋企喇..

返到屋企坐左一個鐘到...同棋傾左陣電話就出左門口喇..係輕鐵站撞到小孫..

同佢同一部車...全程傾計XD"..太耐無見麻~~之後我係市中心就落左車..佢係安定落@@"..

THEN..我行左過去台竹..去到已經見到棋,淇同造..之後入去先啦..無耐匡同敏都黎左..

開始食野..食左大半時間就已經滿足晒...食完就去左M記坐@@"..坐坐下就食雪糕..

都係傾下計咁囉...哈..之後就返左去市中心行下喇..行到咁上下..各自返屋企了..

P.S:今日出街打左幾次比cherie傾電話..最後個次重整醒左佢添..唔好意思..我會作出補償比你嫁>3<

琴晚12點多少少就訓左..今朝唔願起身...不過收到棋SMS就起身囉@"@..哈哈...

辛苦晒了@@"..今朝又收到敏個SMS..哈..多謝支持丫XD"..今日返新會考...

見到都唔少新阿SIR MISS...考卷1唔多識...死緊..卷2超正..作第一題...

作到唔想停...可惜太多字...想停個陣已經800字...最後作左870字到...呵~~

放左之後撞到好多人..丫..今朝返學個陣都見到傑仔@@"...撞親多數都新會@@"..

之後搵埋cherie同麟..之後越黎越多人..好似有5個人一齊食lunch..去左祥景..

食完就去左m記溫書...入到去就已經見到棋,豪,燊..不過無過去打招呼..

廢事阻住佢地啦....之後我地溫書啦..溫到咁上下..猩猩同佢個妹都黎左..

溫到咁上下..就去左濠屋企溫書.."打機都有既..我睇嫁咋..."好快..5點幾落左去..

去左打波...放鬆下麻...咁緊張為乜= ="..打到7點到..就返屋企喇...

P.S:得閒做下運動..都幾好...唔係溫書都會肥死.,..

今朝6點半起身..又返工了...都係咁..返去都係玩多...5點收工..攰死...返到屋企休息陣..

應該訓教....夜晚無活動掛.....8點到比人叫醒食飯囉@@"..

P.S:有咩今晚補充....無就由佢啦...

琴晚訓唔著...1點幾先訓...不過已經好過好多人XD"..朝早7點半同笙,麟,猩猩係M記食早餐...

食完8點到就走喇..CE...行去釋慧文...考PHY...LQ易左..MC難左..死緊@@"..

做完同笙搵埋猩猩就行去搵黎嘉,平,同佢地個FD...之後係市中心行陣...

等埋cherry就去左買飛..再去食麵..食完佢地個fd就走左..then..去左look ling..

玩左兩個鐘,,,太耐無打..唔識打tim@@...之後玩完行多陣就入左戲院..

睇"愛情萬歲"..一般啦..但個故事都好現實囉...睇完就去左食野..

我,cherry,笙,平一張台..其他一張...呀..係..去左pizza hut食...

超好味XD"..太耐無食了~~一路食一路吹水..傾左好多野囉..

之後食完我地4個去搭車返屋企...cherry落車先..then..

我地3個都係良景落車喇..平返屋企..我同笙行返屋企..行之前買左d野飲..

.一路行一路傾..係田景撞到傑仔@@"...保守秘密XD"...我同笙行到屋企樓下個陣..

坐左係個到傾左成大半個鐘計= ="...亦都同cherie傾電話..太掛住你了>3<"

之後返到屋企都10點幾......坐陣咁..又沖涼@@"..

p.s:今日只係休息一天....明天又要努力了!!下一科要溫的科目:chem...

琴晚1點幾訓...係咪呢...唔記得嚕...今朝5點半起身返工...4點先收工..

一收工就去溫書..無返屋企換衫..溫到咁上下就返左學校補課..補緊課個陣..

cherie幫我按摩真舒服XD"...哈哈...記得要了解佢多D..哈哈....

補到7點幾就走..同cherie,黎嘉,猩猩去左KFC食野...食完就搭車返屋企喇...

返到屋企10點幾到囉...都係沖涼個D咁..

P.S:唔知今晚溫書又溫到幾點= ="

琴晚2點訓教...攰死..今日唔係收到同事電話都唔會1點幾起身...

之後2點幾過左去良景M記同猩猩,黎嘉,笙溫書...溫到7點幾先走...

返到屋企食飯@"@...9點幾又落過去...係M記溫書...溫到11點幾先返屋企..

P.S:要努力努力!!

琴晚好似1點半訓教..SO..今日遲到了..7點半先返到公司..遲左半個鐘姐..

兩日加埋訓唔夠10個鐘@@"...今日9點先收工..不過係夜晚9點..

咁就返左13個鐘了...攰死左...之後放工返左屋企..食飯@@"..食完無野做..

溫書囉@@"

P.S:今日返工@@"

話說...琴晚3點先訓教..哈哈..今朝6點半起身返工...但完全無睡意...勁左XD"...

倒日返工都OK...都幾好玩呀...係廚房有大戰姐...廚房有3個人..一個係我..

其餘兩個係到鬧交...咁又係既....的確唔係德的錯...之後搞左好多野之後...

4點多D就收左工喇...哈哈哈...之後淋雨返屋企..係因為無遮姐....

之後返屋企換左衫就出去良景...去左M記同猩猩黎嘉佢地溫書..

7點幾就去左濠屋企溫...10點幾先返屋企....餓Q死...

P.S:唉....................

今朝7點返到公司...好似平時咁返工啦.....好似11點幾個陣睇返更表先知...

原來我係返8-2...搞到無啦啦變左7-3...最後重要4點幾先收得工...攰q死...

今日全日都係企counter...好快好快...6點就出左門口返學喇...

返到去派卷...好野...派MATH有返少少信心..LQ:83/99..MC:46/54...

還過得去啦...但真係重未可以拎B住...之後放左學..成班去左打邊爐@@"

有cherry,cherie,平,黎嘉,我,濠,猩猩,軒,麟,重有個唔知咩名@@"...

成班係到玩...玩到12點40分到先走..慢慢行返市中心先...去到市中心..

軒,平,cherry,唔知邊個走左先..其他既全部行返屋企...送左cherie返屋企先..

之後行下行下就各散喇@@"...返到屋企都2點幾嚕...攰死...哈哈...

p.s:好耐無行過條路嚕...今日係置樂個面打邊爐...行到去市中心開始到返屋企條路..起碼大半年無行過@@"..

員工大會(實情BBQ)

琴晚2點先訓..今日6點幾起左身@@"...之後訓唔返...哈....不過一直趴係張床到...搞到比人話有得訓唔訓= ="

之後好似8點幾訓得返...10點到起身..都係無咩特別野做@@"........12點半到出左門口..

過左良景交錢...見到ming..傾左幾句..第一句:hi..第二句:你下巴咩事......答完走左@@"....

交完錢之後去左大班粥食飯..食左個"菠蘿牛肉炒飯"...唔好味..得個"熱"字...

食完先發現原來新會楊sir坐左係我隔離"木台"..我第一句:咦..楊sir你幾時坐左係到嫁..

之後佢答:坐左係到好耐啦..食得重快過你添...之後大家無出聲..佢指住自己個下巴...

我又要重複答多次個問題= ="...之後佢就走左去埋單喇...我食完都埋單....

之後行返屋企...發覺1點半都未到...姐係全程唔洗一個鐘..哈哈..快左XD"..

返到屋企又溫書= ="...4點半到落街..返左公司...hea陣..等埋猩猩...

咁就拎野出去蝴蝶霸爐...一望無際..都係無人既..平日麻...之後7點到大部份黎左..

anna一黎到就咬我= ="..開始透爐燒嚕....燒到咁上下成班仔去左打波@@"..交流下姐...

之後10點到就走喇..最後同嘉汶搭車返屋企..應該係咁寫掛...係車到一路傾計..

落左車行返屋企都繼續傾..咩都傾下咁..好好笑..返到屋企就沖涼喇@@"...

之後睇下隻手..重有個牙印係到= ="

P.S:某班女同事好交叉煩囉...你地覺唔覺得你地亂講野亂傳野好煩..容忍有限度....傑仔明的...

琴晚12點幾訓...今朝8點幾起左身...不過又訓返..我都唔知點解會起身@@"..

憤左掛...之後10點幾公司某同事打黎...傾左陣電話..再訓過@@"...

最後12點幾起身...咁就訓左12個鐘...普通人訓8個鐘就夠..姐係我浪費左4個鐘...

就係咁簡單就浪費光陰....之後1點幾落街買飯...咁岩見到boyi...之後返到屋企食完就開工..

不停聽歌+做A-MATH練習..絕無打機成份...做到咁上下...先記得原來今晚係要返學= ="...

個陣已經差唔多5點...咁就停喇...換衫.....死喇..宜家先醒起...又會嚴重偏科了= ="..

岩岩咁岩見到我日記人流..日日都係得個三五丁友睇= ="..少得過份!!

琴晚傑仔話過我...話我太緊張同埋返工個面太大壓力..搞到成積咁...

但我又諗過....其實係咪應該係我自己既問題呢.....5點半出門口..

過左良景禁錢..之後搭車出市中心...行陣就行返學喇..今日兩堂中文啦..

點知無卷派...呆坐...上完第一堂就走左喇...同cherie,丫b,黎+,猩猩去左打冷...

每人都係40到..食完都係9點幾...返到屋企10點都未到...好眼訓= ="...

沖涼...之後都係咁啦....唉.....................

p.s:夜晚個陣見到"木台"上面有把刀仔..我竟然拎上手玩@@"....好彩無人見到姐..

琴晚11點幾訓左..哈哈..之後今日起身都係唔願起的....最後都係起左身返工..

之後都係咁囉.....15:45先收得工...唔知3個定4個人請假...痴線的....

之後返學...都係對卷....A-MATH..40/110.....

CHEM..LQ:34/100..MC:33/50...

拎完卷無耐就走左..已經無面目見任何人....好對唔住自己..好對唔住屋企人..

好對唔住我D FD.....我決定...要將NDSL,online game全部封印...

我早幾日重煩緊聽日有咩做..宜家..睇黎無得揀..聽日開始不停溫書...

咩科都要比之前更加努力!!唔係死緊...跳樓都唔掂......

p.s:努力努力.......

      比人話得我好岩....我的確要問返自己...實際上有冇溫過書.....對唔住....

今朝都係返工返7點...收4點...重要唔想比我走= ="...大佬呀..我頭痛嫁!!

搞到勁唔想返工...返工係開心呀..但唔比走個陣重叫你不停做好多要晒精力既野就死呢..

某某overnight員工勁cheap...將所有工作推晒比其他人做...但返工日數重少過我= =凸...

返到屋企..開電腦聽歌...之後趴係電腦台訓教...哈...一直訓訓訓...訓到差唔多6點先起身..

好舒服呢...但頭痛重有@@"...咁就訓左個半鐘喇...之後?...換衫返學囉....

今日上BIO同PHY...派卷...成積↓
BIO LQ:53/90..MC:32/60
PHY LQ:51/90..MC:29/45

還未足夠呢....唉............放左學就返屋企喇...

P.S:好悶呀!!!...........

       要好好好好好比心機先得!!

       原來我做乙部題目都OK的@@"..拎到大半既分XD"

琴晚1點幾訓教...haha...發左個夢..好夢XD"...6點半起左身..再訓返..又發多個好夢...

兩個夢重要有連續性@@"..好奇中....6點八就起身喇(極之唔想起!!...比個夢吸引了..哈哈..)

之後都係返工咁囉...今日陰盛陽衰...得兩個男..有接近十個女= ="...

子琳啦...hero啦...siu袁啦...丫孫啦...丫lam啦...新員工丫詩啦...重有好多好多@@"..

好似數之不盡..哈哈...4點幾就收工喇...返到屋企休息陣...應該又要溫書的了...

p.s:今日都係溫下書....DL下歌...無咩特別咁又一日喇@@"..

今朝8點起身返學校補考BIO...超好彩無遲到..原來無遲變左會遲..再變返無遲到...勁!!

之後返到去做啦...卷1同卷2...做左2個鐘= ="...差唔多啦@@"..之後完左經過新墟...

係仁愛廣場第一個見到識既人就係SO銀..即時黑仔了= ="...之後去左搵我家姐...

陪佢去拎野...拎完就去吉野家食野啦..點知中途見到個扒手想偷我家姐部電話...

點知比我發現左...條友好驚咁即時走左...佢開頭以為我睇唔到..重跟住黎...

點知我再啤佢兩啤佢就走左...哈....諗起都好笑..特別佢個表情...之後食完野..

我家姐返屋企...我就去左仁愛廣場搵下D FD同丫SIR傾計...都係咁囉= ="..

無見咁耐SO銀D反應都係咁慢...都係打我唔中= ="...哈...5點多D個陣自己行左去置樂..

買野...買完返去搵棋..重有SO銀同豪...傾左幾句...佢地就搭車返屋企喇...

陪左棋返兆麟..我就係恆福等佢地...無幾耐造同淇黎左...等多陣棋就到喇..

去左買PIZZA上淇屋企食@@"....等個陣重去左麥當當食雪糕添...幾抵@@"...

之後拎埋D野食就上左去食野....同埋睇古靈精探....隻狗狗今日high大左@@"...

10點幾11點我同造就搭車返屋企喇...我落左車後買左支野飲...飲完就返屋企喇..

支野只不過係普通蜂蜜柚子茶姐...哈哈哈....

p.s:哈...........................好想好想去玩呀!!!