今日返伯裘！準時返到！但係俾個訓導小！小我頭髮！一入門口就叫我過去！
問:你做咩個頭金色？(無小我頭髮長^^)
染左咪金囉！
之前讀邊間架？
裘錦秋囉！
裘錦秋俾染頭髮既咩？
我之後染炸！
係囉,我都相信係唔可以！你依家即刻返屋企搞掂佢！
嘩！依家晨早流流！邊到有染髮劑買呀？邊有髮型屋開呀？唔好玩啦！
你等等！我幫你睇下有無髮彩！
之後換左個貌似泳兒既miss同我傾！
佢話:你個頭做咩事呀？
佢話金色喎！
唔係佢話金色！我都見到金色！
我都見到金色~
係囉！點解明知要返學都唔整返好佢？
我以為9月1號先開始！
以為以為！
錦你無講我點知洗唔洗先？
之後又換左個阿sir黎同我講:有髮彩啦！
之後拉左我埋一邊噴！噴完好似噴左4+4錦！硬過淋左印度神油！不過無gel頭作用=_=整落去仲成隻手黑晒添=_=俾佢噴到個頭謝晒！又驚整到隻手黑晒唔敢掂=_=唯有好無奈錦過左3個鐘之後返屋企洗頭(本來仲諗住放學可以練波架)！洗到我死=_=噴落去o的色仲實過染落去！洗左我幾次=_=！由於洗頭洗得太累！所以訓左陣！訓醒就去左剪頭髮同買染髮劑！去左屈銀紙買左盒絕對黑色！仲見到泥鰍添！而且係附近同收書人吹左2句！
(PS:係男性)
Hello！你係咪買書架？
唔係！
你讀中幾架？
中四！
仲話唔係買書！拎左書單黎睇下！
無帶喎！我都唔係黎買書既！我黎借次所架炸！
唔係掛~你讀邊間架？
伯裘！
我都係喎！點解我未見過你姐？插班架？
係呀！
你知唔知我同伯裘校長譚萬鈞係咩關係呀？
唔知呀~
我同佢都係姓譚架^^
o..........原來係錦！
同學黎既！幫我買書呀！
我地未分科！買唔到住喎！
錦你遲o的分左科記得搵我喎！我係XX書店！阿XX呀！
好啦！我分左科一定搵返你買書既^^！
係架啦喎！
係啦！
錦..........out手指尾呀！
之後我同佢out左 ！
件事就錦完結左！
之後返到天耀見到阿耀個細佬係到打緊波！咪埋去癡波打囉^^！打打下撚樣黎埋！俾返個錢包佢=_=！之後阿耀都黎埋！打左陣就走啦！返到屋企沖涼兼傾電話！沖完涼就去整返黑個頭！原來染返黑色好麻煩！染完之後我先發覺我塊面都上埋色=_=我洗左勁耐先洗得甩=_=！岩岩全部野搞掂晒先得閒打日記！搞左我成日！波都無得練！真係麻煩><！不過今日都幾奇趣^^ |
