今晚聽到亞媽話鄉下個表妹已經結左婚準備生仔!!呢個表妹我暗戀左好耐架啦,真係出得廳堂入得廚房嗰隻,咪以為佢係乜野大小姐,佢屋企真係窮到餐餐食粥水,仲要養兩隻豬係屋企,出去耕田!不過佢個樣真係靚,又溫柔,咁就無左.....哈,如果我真係同佢一齊,我諗公公第一個激死啦!

今晚原本唔洗返學,不過補返尋晚無堂,返到學校,不斷講笑玩黎玩去,就好似返到以前中學咁,當個亞SIR係死,快樂不知時日過,平時好痛苦咁捱一個鐘,但今次快到已經落左堂,真係快到呢!

今日第一日縛返個鉛包係對腳度,練一練返舊腳瓜出黎,係趕時間既時候我諗係最可以練到,不過有一樣野不得不提,唔知係咪用力行路既關係,令到全身都覺得好似跑步咁,去廁所嗰下特別暢順喎!

係公司我已經唔想再多講野,原本覺得好天真好善良既人,竟然係滿心詐騙既人!唔聲唔聲嗰D,先至係善良!哈,咁講法,我咪係詐騙個人!!對!!