話說19/12考完試,個日同關公去左新都城(寶琳)行街,食吹波膠,

佢次次吹親波都實係早爆,仲要係我耳仔邊到好大聲爆o咼!

真係啊~之後又去玩了一些好低能既野,之後又去左睇動漫精品,

我同佢都好似著左魔咁,後尾我買左幅掛畫返歸,

佢見一樣就想買一樣,不過由於太貴,所以冇買.

最好笑既就係,都唔知今次係佢陪我行街定我陪佢行街,

鬼叫我唔識路,次次都要佢領路,唉!我竟然陪佢由寶琳行去坑口.

不過,同佢一齊我覺得好開心呢~真係好想再同佢去看動漫,

當然仲要去書局啦!鬼叫我去到時未開門啊!我要補時啊,關公!