3~4/11係我校運動會，本人今年參加兩樣野：鉛球及鐵餅。
話說鉛球係本人第一次參加，但時運高，一炮即中，中季軍。
而鐵餅就繼續包辦亞軍，而且破了自己記錄。
總成績：一金三銀一銅...
而今年既班會都弄了一啲只係四愛班先有既野：男~毛巾、女~帽...
每頂帽都有名...( me：JAMIN )
話說本人係23/10去左海洋公園玩夜場，同呀哥、基拉、苑苑、禮哥一齊去。未入到去就已經比啲音樂嚇死。不過自見到第一隻'鬼'之後就全部恐怖既感覺都冇曬！皆因啲'鬼'化得太靚啦~完全都唔似鬼(only for 女鬼)，但臨尾到比隻男鬼嚇到要揾路走，唉！枉我一世英明，竟然衰係隻男鬼手上...
今日第一堂笛堂，個呀Sir 姓黃，
重以為學校代訂笛今日就有笛上堂，
點知都係要自己去買( 行左三間琴行先買到!!! )，
第一堂學吹響支笛同'"丹田呼吸法 "，我好快吹到啦~ : ]
番到屋企自己去吹，竟然吹到"真的愛你"開頭少少，好開心呀！！！
嘩~~~好開心呀！期待已久既中國笛課聽日上第一堂。
好興𡚒好興𡚒呀~雖然要星期六5:45起身番學，
不過無損我既興𡚒心情。
慘啦~Miss Kong 話下星期一又換位啦！
今次又唔知會同邊個坐，雖然只係換部份同學個位，
但我覺得有我份囉。話說我同隔黎個同學成日談話，
成日比好多老師話，今次換位實有我份啦~~~T_T
