琴日唔知邊條pk攞左我個飯盒

一落到去見到我個盒既蓋

唔係蓋住我個盒lo

肯定係d阿姨張個蓋掉亂左

咁都算啦

兩個盒一d都唔同

一個大,一個細

有咩可能會搞錯

條友見到個盒唔同樣都知咩事啦

咁都可以攞得走個lo

真係冇腦

搞到我冇飯食

好彩我個日係風紀

可以打尖買野食

我阿媽叫我話比老師聽

費事啦,,唔想煩啦

怪我黑仔算啦

琴日去左個風紀camp

同之前個d camp一樣

冇次係開心既

我都唔知我係咪同camp呢樣野有仇

由小學參加第一個camp開始

次次去都唔會有好野發生

第一日去就反左d  game

到左夜晚,,要我地自己生火煮飯食

一路都起唔到火

跟住個導師狂喝我地執樹枝

咁我地執左好多啦

之後我地將d樹枝比晒一個同學

之後我跟住佢番去

途中執左3枝樹枝慢慢行番去

番到去個導師係到鬧我

話我執左咁耐得個3枝

大佬呀~頭先個d我都有份執架

用下你個腦啦,,一個人點執咁多呀

佢又話我慢慢行番黎唔啱喎

呢d係我既性格黎個喎

你而家咬我食呀~

咁叻咪你黎執lo~我鐘意慢慢行喎

 最後都冇咩食過野,得薯仔

仲燒傷隻手指公

到左第2日

我話左比我d組員知我有哮喘

佢地為左節省d時間,唔比我反

就同導師講左

我以為佢都會比我反下啦

點知佢咩都唔比我反

我就係度睇人地反[軍事障礙賽]

唔緊要,,我都唔想整到自己成身泥

但係我好想反個個[平衡杆]同[天梯]

個d人又唔比我反

[天梯]係一條鐵鏈連住d木板

d木板距離一步度,,[天梯]距離地下3 米

呀琪琪反既時佢喊左出黎

我一路睇住佢,我差d喊

但我忍住...

我係度諗

我寧願係上面驚到喊

我都唔想係度睇住人地玩,我冇得玩,

為不公平 ,為自己的不幸,別人的幸連,傷心而喊

最後我只係知道我蝕左100蚊

企左成個早上睇人地反.....

番到屋企我喊左好耐

原來忍住唔喊係一件好痛苦o既事