今日一早醒左...個人好似好空虛咁...唔知有咩做......
友人打電話提我美術開會....
呀sir佢申請左係澳門ge居留權...所以佢今年唔會走la~ (ya)~ 佢仲話想係澳門開一間廣告公司...等我地第日接手...(呀sir我太愛你了)~ 佢話想幫我地鋪好後路~ 要我地成為出色ge廣告設計師...(好長遠=.=)
點都好...如果冇左呀sir...我家陣都唔知變成咩樣~(繼續頹廢落去?)...

去左租漫畫...成年冇睇過都有~~覺得自己同漫畫開始有d脫節...想參加漫畫新人獎...不過應該冇咁多時間同精神去畫=.=...因為想轉兼職~ 到時仲忙...

嗶~ 多手開下部電腦睇下得唔得...點知冇事wo =.=" (玩野lo真係)...有得打機la~ kaka~~ 好驚佢又冇神神hand左...

數學有幾條錯左...死la~ 唔知使唔使補考...咁大個都未補考過=.=...唔想試lo

考試終於完左...今年畫上一個句號...
總結今年~ 係發生最多事ge一年...有好多未試過ge野今年都試過...有好有唔好~...亦有好多第一次~...第一次有唔合格...第一次比賽衰得咁徹底...第一次係澳門睇電影~第一次同某人出街...幾唔好ge野今年都試過曬...希望下年唔好再試....

下午即刻同朱朱去玩~ 行左10幾個鐘~先買到一件衫...佢就買得多la~
返到屋企諗住打機...打左唔夠5分鐘~部腦就玩野...hand左~ 我咪再開機lo~點知佢開唔到wo~ "嘟"幾聲就又自己關機...比佢吹漲~
打電話問呀b點算~睇下佢幫唔幫到我~...佢話可能唔知d咩燒左~ 要去比人整=.=...唔係咁玩我掛...我冇$使la已經~~連部腦都玩我a...邊有$攞比人整=.=""

今日歷史衰多手~ 臨收卷都走去改答案~...點知原本個答案係岩ga~改左反而錯!~ 激死我la =口=//// 早知唔鬼改 #%#^#!$@#$%

朝早10:30就考完返到屋企~好累~~又唔想訓...
走去練琴~ 彈o哥首土耳其進行曲彈得好high~ 停唔到手=.= 可能因為睇得麥豬多~
到就黎兩點~終於頂唔順死左去訓覺...點知唔夠一陣又有人打電話黎...=.=話一齊出去溫數學wo...我見自己又唔識~咪同佢地一齊溫...但係我地似吹水多過溫習 lo ~ = ="
過埋聽日個數學 考試就完la~ (太好了)

同友人去影印~ 發現新大陸!!= =...原來澳門好多地方我都未去過~ d風景仲幾令~ 有時真係懷疑我係咪澳門人~

溫完習返屋企...差d嚇死= ="~
撞到3個鬼佬~ 有一個無神神攔住我~ 仲唱埋d英文歌...冇聽錯內容好似係"your body very xxxx is very very..." 都唔知佢up咩~ 仲跳曬舞咁款wo~ 搞到我即刻雞咁腳走a (=.=凸)
尼個世界變態ge人太多~ 又學到樣野la~ 下次再比我遇到一定大聲講句 "FuCk!!" 諗起我個同學~話佢係發電廠附近遇到個變態佬...超嘔心a =.=""內容都唔想講~

日記個圖片空間好似唔多穩定~ 成日睇唔到圖... ~.~

好Q累~ 一早起身上課...樂理唔知up緊咩...好驚佢又好似上次咁突擊考試~到時又瘀死~

Ivy話某某挑戰佢權威~ 要我今次考琴高分d~ 證明比某某睇我冇錯~ -  -" (好好笑)~佢地之間ge恩怨消到我身上嚕= ="家陣知~其實無論係邊度~ "現代版金枝慾葉"都少不免= ="
又冇去呀sir度...經常咁樣好似好衰...

好似訓唔夠咁~ 食飽飯再訓過=.=...下午5點先開始溫歷史...超多野背~!個頭爆la~ 溫到半夜4點先溫完...溫左成12個鐘都黎~~聽日考唔好真係死比佢睇lo~

完成了= ="...尼個紅色好似太搶眼...不過我第一感覺就係"紅色!!紅色!!紅色aaaaa.....(暴走)"...支槍個頭好似畫歪左...不過尼張圖d上色已經係最好ge一張...

比人影左都唔知 =  ="

同雅雅傾左一陣美容~ 原來修眉係一大學問=.="...個個都大個女la~開始貪靚~

英文=.=...超難...早知昨天溫耐d...

某人個奪命追魂call...嚇到我彈起~ 原來又係想我同佢畫野~ 今次係海報~話咩德國要用wo...頂~~超火a~佢仲要我自己去買紙~~畫完"送"去機械人室比佢~~ 呀小姐...幫過咁多人~最大牌都係你la掛?
我火遮眼~ 起左個草圖就送去比佢~ 佢仲嚴3嚴4~ 要我同佢一齊油埋顏色先走~ 我講明8:30一定會走~ 佢又不停拖我時間~~ o哥我真係好火火火火~~
結果我死都話要走~ 佢唯有放我走~ 我心諗"你咁勁~ 你自己畫埋佢la~ 睇你點死~! 等你平時係度show a 拿~ " 我係咁黑心ga la~冇辦法~ 當你受盡d咁ge折磨~ 終有一日你都會頂唔順~~ 明明係自己ge功勞比人攬曬上身~~一次係咁兩次係咁...唔嬲真係奇lo~

聽日星期日...今日可以休息下...

好爽=u="...有少少似水彩........

嗶~ 物理好易~ d貼士好準a~ 一題不漏出曬~連數字都一樣~~ (kaka)

好耐冇畫過野lu~~ @.@

語文考試作文...題目"我看澳門"....=.= 尼個咁ge題目老師舉例舉左好多次~...但真係估唔到佢會係考試出lo...=.=" 吹下吹下都寫夠500字~ 連澳門豆腐花都寫埋XDDD///b

今日友人生日~ 考完試去左同佢講生日快樂~ 之後佢請左我去食野=.=...本來應該我請先岩...家陣倒返轉....
聽日又到雅雅生日la~~考試唔同佢一個課室...又唔知佢係邊考wo~~想同佢慶祝都唔得~ >.<...我仲記得佢初二同我講過一次佢生日咋~仲話生日係考試好慘///b所以我特別記得~ 考完試要補送禮物比佢先得=v="

中午一時興起畫畫...畫左幾粒鐘high high地~ 點知朱朱打電話比我話物理唔識~ o哥陣我先醒起聽日考物理~
我又唔識wo~ 更係驚~ 跟住我同佢不停打電話叫人出黎教我地...點知個個都出曬去同其他人溫...
結果咪諗住算lo...同朱朱去水坑尾M記度溫~ 竟然見到呀姨 , 古頭 , 欣欣同葉國x!!...救星係曬度= ="問佢地包冇死!~好彩佢地有貼士咋~ 唔係真係死蠢走去溫曬成本野~~其實成本野剩係要3題 =.=
溫溫下越黎越多人~ 狗佬同佢條女都黎埋...成間M記就黎比我地學校d人包起曬la=.="

7點散水~ 返到屋企繼續溫...點知個頭有d痛...爬係檯訓左陣好少少...尼兩日我都冇咩訓過...
點知呀媽開電視!~ =.=...一開就見到佘詩曼個頭大大個係瑩幕度~~ 唔使溫la咁~!一齊睇電視la XDDD~~ (汗)