事發時間:2008年2月6日12:00起
有關人物:巧怡&瑩瑩&亞爺&亞爺個friend&我
事發地點:常光->巧怡屋企->何文田廣場->保民樓樓下->禮民樓樓下->黑梯(斜台)->建民樓樓下
話說我食飯的時侯,巧怡打來話好悶,於是我就話食完飯同佢玩,但係當我食完飯的時候,瑩瑩叫我兩點至兩點半去常光幫佢整個blog,於是就打俾巧怡話三點至得閒囉!~*我估你地都知瑩瑩一直都對巧怡有D反感嫁啦,但係估唔到瑩瑩肯同我去巧怡屋企玩......去到巧怡屋企,原來巧怡剪左個新髮型,好怪怪哦~*跟住瑩瑩想上msn,但係上唔到---部腦話用戶名不正確或不存在喎~*......之後我地來左愛民村的保民樓樓下玩行鋼架,瑩瑩同巧怡都玩我好開心,但係我好驚驚,唔夠膽玩......五點幾的時候,瑩瑩話要番屋企食團圓飯,於是我同巧怡就去禮民樓樓下玩囉~*玩左冇幾耐,我地就去左黑梯(斜台)玩,玩到就快六點鐘,巧怡話要番龜食飯(佢冇團圓飯食嫁),於是我叫佢打電話話俾佢老豆知六點半至番龜,咁咪可以食團圓飯囉~*佢老豆好惡咁話ok,打完電話之後,巧怡話時間無多,想去建民樓樓下玩喎,既然佢都快要番龜就一定廳佢話嫁啦。去到建民樓樓下,我地見倒亞爺同佢個friend係度打兵乓波和,咁我地想影低佢地打兵乓波的情形,於是就叫巧怡攞部手機出來,影低佢地打兵乓波的情形,影左冇幾耐,佢地就走左喇。於是我地就玩行鋼架,估唔到,我...我終於得左喇,我夠膽行鋼架喇!!~*真係超happy呀......話咁快,時間到喇,於是我送巧怡番屋企,送完佢番屋企,我都番屋企lu~*
<全劇完> |
