|
今日又係一個好日子!
因為今日係同雅雅,遊遊相見的日子
暑假真係一個見人既佳期 =] !
可惜見唔晒,唔齊人..哈
仲有就係,,反而自己D同學冇見過 xd
今日本來都係同學們相見既日子
不過冇去,,搵雅同埋遊遊*v*!
講起見人,,話說今日我地3個人去左葵芳NEWAY唱k!!!
早知尋晚應該問清楚係NEWAY定加州紅!
我想講我下次點都唔會去果度唱 
NEWAY真係好唔掂,D歌舊!少!已經好嚴重..
D雜果賓治好難飲!個廁所又隱閉!
D咪既質素又有問題....一D大聲一D細聲
NONONO!下次大家又入元朗唱K啦 XD
最多我負責幫大家拎野飲拎野食...做阿四我冇所謂
只要可以有多D新歌舊歌唱,有好味既野飲
同埋可以去個方便搵到既廁所就得 -_-
仲有一件事就係,,我明明叫可樂佢俾檸樂我
講起呢個唱K既服務,,
我諗起穎穎之前話皇室堡D人好靚仔,,
XD 哈哈,,,去唱K又唔係睇靚仔....我多數睇靚女@@
因為我硬係覺得有D男服務員好似好兇咁-V-
NONONO!!!我未講完我一開始要講既野,講返先
就係今日雅點左鄧麗欣首七夕
哈哈,,過左七夕冇耐
其實我都想點呢首架今日!*V*!真係夾!
因為我早幾日聽發仔一切從音樂開始,
講起今日係七夕囉,,我即刻諗起七夕呢首歌
之後不其然覺得呢首歌好岩穎-V- 呵~
今日雅又係話諗起穎...
穎呀 =口= 又話ON..你ON左去邊?!
=3= 今日遲到左一陣,,, 好彩不是吃飯的時候XP
去到葵芳地鐵站,,我其實好驚XD
因為我驚我搵唔到佢地,
首先冇戴眼鏡,跟住又好耐冇見
而且我驚行方向..哈
唱K本身話17:45 CUT的,但遲CUT......唱到6點2個字都未CUT,,
不過我要歸家了,,,就去搭車...
好搞笑囉...地鐵站上電梯果陣
見到果間点点綠英文名原來叫GREEN DOT DOT
我話個名好核突,但係雅話好聽囉=口=
咁所以雅有新名...叫做雅DOT DOT
大家以後叫佢雅DOT DOT好喇
雅DOT DOT萬歲*
好啦,,跟住搭車...唔使等車-3-仲諗住等車可以吹下水添
搭兩個站..好快就要同大家分別...
臨落車之時雅講左句: 生日快樂 =]
雅!!!你知唔知我今日有野想講好耐!
不過我忍住唔講咋...
其實我今日一直都想同你提起架喇
但話到嘴邊又唔係好想講XD
呢件事就係...你記唔記得生日禮物既事-V-
你知唔知我呢幾日驚左好耐XD
我記起呢件事,,,,但係我想講我咩都未準備XD
跟住今日唱緊K果陣又收到SMS話買叮噹既野
個心驚一驚添
呵呵,,下次連聖誕禮物一次送俾你 =D
你要記得我隻JESSE碟 <3
好啦,,今日其實都係咁上下,(但唔覺唔覺都打唔少野)
今日都冇咩特別-3-不過都係出黎見下面姐*V*
但如果可以有多D時間吹下水會更好
搭車既時候係一個好好既吹水時間
可惜我地住到咁分散,,搭車都唔順路,,冇得吹水添
吹左一陣就要落車 .\ _____________ /.
我諗過架喇!!我地每次出黎都冇咩好好坐低傾偈
咁樣唔好的,,,好似冇見過面咁,,
唱K就一直各有各唱....
NONONO!好耐冇見唔係咁的
應該要好好坐低吹下水,,我個人比較憧憬呢D場面
所以呢!下次不如飲茶 =D (踹)
NONONO!
係元朗GREENBOX唱完K再飲茶XD! (大踹)
好啦,,我講夠...要扁我既就扁啦
還有一件事就是這次可是第一次聽遊遊唱歌
   
原來唱K冇點野飲會有另一D野送架!咁堅既?!
*THANKS今日雅雅拎普通話野俾我-V-
我返到屋企睇左陣,,有D好難囉......點算
*另外就係THANKS遊遊啦
(OH NO!呢排搭車都搭到冇錢)
返到天水圍返上屋企先,等左陣就落頌富食飯
家姐生日,去左果間金暹羅...(係咪咁打?-V-?)
D野都幾好味我覺得@v@
300幾蚊食左...但好似都食左好多野
9:30左右返屋企...
返到屋企睇奧運舉重同埋男子體操團體賽
中國真係超勁!!!體操我都話會拎金!
中國依家13金,3銀,4銅,總數20個牌排第1,
但會唔會俾美國追到呢?!NONONO!唔可以的
好喇,係時候真係真係要修心養性溫習!
除左奧運之外,,所有娛樂要減半-V-
我要咪下D普通話......做數唔停得
頂仲有中文作文...同埋文學...文學應該好快做完
唔想做我的文集 -_- 暑假開始果陣我好有衝勁架!
話要快手做晒佢,但做做下都唔想做
*今日日記好COLOURFUL,好耐冇試過咁激動,,哈
|
