XANGA牛年第一篇,,內容全部是廢話

是日初七人日,各位生日快樂!

*

好心痛丫

話說近日YAHOO拍賣有兩隻超正既碟
日版BEAUTIFUL SOUL CD
日版BEAUTIFUL SOUL TOUR SPECIAL COLLECTION DVD
總之係正!交收地點價錢完全岩晒我
不過BS果隻就...如果有人爭既話個價抬高左...去買隻新仲好過-V-
但係TOUR DVD個價真係幾迷人
不過由於我已經有隻TOUR DVD..雖然唔係JAPAN
所以都要認真考慮,,如果我冇果隻DVD我一定BID返黎丫
不過正當我考慮緊既時候
FORUM有位同胞話佢必買,,既然係咁,我同佢又冇咩仇-V-
唉,,算啦...佢買晒佢嚕~
其實我同佢情況一樣,只係我多佢一隻DVD姐......
如果唔係我絕不讓步,至少都BID隻CD返黎,唔會兩隻都讓佢
如果係第二個我未必讓架 XD

呢個時候,,又令我諗起小之既大恩大德 <3
全靠小之我先有TOUR DVD丫!

吼!!我要快D買DEPARTURE (JAPAN)先得
如果唔係點對得住自己,,我竟然會真係讓左果兩隻碟-口-
要買返隻正野彌補下,,
今年新年雖然利是錢唔多,不過DEPARTURE要緊 =]

*

今晚終於睇完黃曉明劉亦菲套 [ 神鵰俠侶 ]
如果結局再講多少少擊退蒙古軍之後既事就好喇

睇呢套神鵰喊左3次
但係3次都完全唔關主角小龍女同楊過事-V-
公孫綠萼死果陣真係喊 -口- 本來佢死都冇咩野,,配角一個
但係佢死果陣仲哀求佢阿爸俾返絕情丹佢,果下真係..好慘的女生呢
死之前仲覺得自己對唔住楊過,,拎唔到絕情丹俾佢,,
其實佢犧牲真係好大,,好大,,好大,,好大,,咁就死左!
不過有對咁既父母,佢唔死都活得唔開心
之後李莫愁死果陣我預左會喊..無線做果陣睇我都有喊,,,-3-
如果當初可以同陸展元一齊白頭到老,唔知會點@@
跟住郭襄俾金輪法王捉左(我覺得以前金輪法王好聽過依家個金輪國師囉XD)
郭靖黃蓉為左守住襄陽所以不得不回城,,如果我係黃蓉真係會傷心死
眼見自己個女俾敵軍捉住,,但為左天下百姓,,唔可以救佢
我係佢真係唔可以咁決絕咁返轉頭走入城門
之後金輪為左救郭襄死左@@
同埋郭家隻白鵰撞崖自殺果陣都有D唔知點咁,果兩隻白鵰好慘 -3-  

但係小龍女同楊過感動唔到我,可能我覺得佢地太麻煩-V-

我記得有人問點解郭襄同郭破虜係同一日生日但冇禮物XD
諗落又係啵,,十月二十四日郭襄十六歲生日拎晒彩,
但同佢同一日生日既細佬冇人理-口-

睇完神鵰,,我說喔,,會考完之後要睇埋上海灘同埋龍票
仲有其他果D睇落幾正既古裝劇,假如到時仲有呢股熱忱
暫時黎講都冇時間睇-3-

*

唉,,放完新年假,,真係要衝CE喇,,都唔知點死

今日拎ECON份工作紙出黎做
做一個鐘先做好一頁,我死得啦真係
但係我做08 CE份卷又做得OK啵,唔知呢科考唔考到心目中既成績

睇黎我中文最多得3級,有可能2級添,,英文應該穩奪2級(再高d唔得XD)
maths希望合格-3-但係話說就快PRE MOCK,,我完全冇溫過maths
睇黎我maths合格都幾難
地理好屎乞人憎,,本來我幾鍾意地理,,但都係因為某D人啦
中史我追緊架喇,,不過暫時要溫下ECON先

文學不如唔考喇到時  好討厭呢科,本來就唔想讀
兩次幾會可以DROP我都唔DROP,,我都唔知自己咩心理
本住搏下唔會死的心態,,但我諗我遲D會仲後悔 =]

依家最希望係ART有C就好喇
超大想頭!
我地份FILE呈左上考試局應該有一個多星期喇,,
唔知MISS評左我咩分  其實真係好緊張
只係玩電腦玩到唔記得左件事

但係....車...仲話拎C喎我ART份素描功課都未做呀 -口-

我荒廢左個新年假,,,
睇劇睇到天昏地暗@@連XANGA都唔得閒打
晚晚熄電腦都2:00AM,之後想坐定定做功課溫書又冇心機,,
一坐低就想走上床訓,,第二日12點幾1點先起身
咩書都冇溫過,係初三下午無啦啦拎起左本中史最後一分鐘睇左幾個鐘
行行企企又忍唔住開左部電腦睇神鵰
結果ECON份野唔識做,做到唔想做,,好彩中史同英文一早做左姐-V-
依家只欠ART功課同溫MATHS + 中史/ECON
努力喇唄~