1.幾多歲 : 13
2.手指邊隻最長:左手中指
3.有冇蛀牙: 有
4.ｅ+有冇邊度痛:肚
5.用邊隻唇膏 : 冇,我連潤唇膏都唔用既
6.有冇留指甲: 冇
7.最可愛既底褲: 條條都一樣
8.有幾多對鞋: 計埋拖鞋,有...5對
9.有冇爭人錢: 有,爭肥家13蚊...點解爭佢錢今日日記會講
10.咩科最叻 : 中文!!!!如果我中文都死既我都係摺埋先喇
11.咩科最差: 本應係maths,不過maths係考試時差,但係我唔係唔識計數架,係計錯數,如果計真係唔識既就科學,睇我今次test點死就知
12.最中意邊個老師: 冇!((最Q憎D MISS,特別係果D囉,咩咩許咩果D囉!="=!諗起都嬲呀!))有d好感既就小二既班主任囉
13.想做一d 冇可能做到既野: 好多,最冇可能既就世界名畫師啦~
14.尋日食左幾多餐 :3 ,係不定時既3餐
15.床上面有咩特別既野 : 收音機3個
16.屋企冇人會做d咩 : 勁聽歌,特別要註明通常聽葉宇澄果D歌,同埋講電話大聲D
17.近排有咩係爛左架 : 下.. 冇
18.用邊隻洗頭水: 潘婷
19.壞習慣: 大把
20.icq # : 197240417
21.屋企好多咩野 :咁我屋企都...衫掛...
22.想做男定女: 女
23.黑定白 : 黑
24.中意睇咩電視節目:有葉宇澄既節目
((中間唔知點解冇左25條,咁我自己諗一條啦...))
25.迪士尼公主邊個最靚女:貝兒!Belle
26.用４個字形容 william hung: 好鬼型格
27.舊曆生日係 : 唔知,總之係初三
28.最想邊一日生日呢: 其實我好滿意自己係清明生日囉,不如問我最想同邊個交換生日:靚女MIKI,佢2月14
29.最想拎咩獎: ((唔知有冇個咁既獎,相類既都OK))全港中學生議論文比賽冠軍!哇..真係拎到就發達
30.返學定放假 : 睇情況,相比之下係鐘意返學架
31.最高: 唔知
32.最肥: 唔知
33.最想打佢: 果條成日扮可愛既仆街
34.有事先搵你既: 哈哈.......唔講
35.同你一齊放學: 肥家
36.背到幾多個friends既電話: 數下先...SUKI屋企,手提,HEBEE,肥家手提,屋企,米....差唔多啦6個掛,應該仲多D
37.同邊個講心事: SUKI
38.最有錢 :我
39.最曬命 :唔係FRIEND黎架...我憎死佢呀!>n<
40.最好笑 :肥家,suki
41.最白痴 :又係依條我最唔想答既問題...果個人我唔想提佢個名,咁講個正常D架啦...STUPEE,名都有得大家睇!XD!
42.佢只會嗌你全名: 好多,包括肥家都係,同學都係叫全名,係SUKI佢地唔會姐
43.最悶 : 我
44.最中意邊個friend個名: 冇,我好滿意我個名
45.知道得你最多秘密: 唔知喎....拿,肥家知道既又唔同SUKI佢地知道既,,真係唔知
46.住得最高：唔知
47.最疏遠: 小劉化
48.識左最耐:小森森,不過其實小劉化仲耐一年
49.邊個friend永遠冇心事既: 唔鬼知
50.你會當邊個係自己呀媽: 冇得當

你最後做過的時侯
51.訓覺： 今日既凌晨時分
52.搭車： 晚上8:30
53.x街： N月前
54.你打既電話： 肥家個
53.返學： 問得好4日前..即係11月30號
54.大笑： 唔知
55.去人生日會:好耐之前,8月唔知好似12號
56.去吉野家食野：睇肥家排波比賽果日((並非今天))
57.食野同飲: 晚上9:30
58.買咩野： 在流浮山買的野
59.pat左咩野： 冇
60.msn / icq 同邊個講野: 今日冇開ICQ,冇MSN

問題
61.隔離屋姓咩: 香港人依家同鄰居好疏遠,所以我既結論係唔知
62.平時較幾多個鬧鐘: 唔較,較既時候較一個
63.沖涼先定洗頭先: 洗頭先
64.返學方法: 坐輕鐵
65.呀媽鬧你既原因: 好多原因都得
66.你自由嗎: 自
67.ｅ+最想: 聽到EUGENE出碟既消息
68.滿意ｅ+ 既生活方式嗎: 滿
69.滿意ｅ+ 用緊既mouse嗎: 滿滿地
70.打中文定英文快: 中文

最愛的
71.髮型：之前KARY o係四餅時個靚頭 
72.手指： 自己果D呀?隻隻都差唔多
73.牌子： 喲....嗯...嗯..
74.小動作： 唔識形容
75.著幾多條褲返學： 一時時唔同
76.照鏡： 下?咩叫最愛我照鏡,想問咩
77.快歌定慢歌： 快,慢就睇下慢成點啦...瑪莉與偉業果D都接受到...咁...通常都聽快歌架啦
78.卡通人物： 唔鐘意卡通人物的
79.地方： 法國
80.訓覺方式： 瞓響樹XD

再來問題
81.初戀：
82.返屋企第一樣做既野：放低個袋
83.著鞋右定左先： 右
84.最驚邊個： 唔知
85.口頭禪： 近日冇咩口頭禪
86.講粗口嗎： 講
87.成日遲到嗎： OK啦
88.最熟邊度： 屋企
89.聽左最耐既一隻歌：理應要答達文西密碼...但係計返呢,應該係代言人,口袋情人,不是校花依D係最耐架
90.你的電腦好嗎： ...............唔使睇醫生囉,冇頭暈身興............
91.發左個咩夢呀近排： 唔記得
92.最sai時間既事： 計數
93.買野食既定義： 下,想點答,唔明想問咩...買野食既定義係用金錢或是其他與食物價值一樣既野換取到食物
94.最lｏr既一次： ........唔答,不過最近期做過既LOR野係...鈴鈴鈴...我的手提響起,本身想聽亞包既電話,點知一揭起個蓋,個電話話:正在找尋網絡------收唔到....= =搞到好似唔妥佢要CUT佢線咁((背後既意思係唔要葉宇澄所以拒絕接聽亞包既電話))
95.身邊既人之中邊個最可愛：肥家 ,小鳳
96.用一句形容你果班：唔算低B未係曳,成績唔突出,個個口才唔差((何謂口才..就係串D傻子既功力喇))
97.電腦wallpaper： 唔關我事
98.icq skin: 依家唔用喇.....個底係白色架
99.ｉe主頁： 冇野架喎
100.ｅ個問卷既評語： D問題好無聊
101.現在時間：2005年12月5日 19:21

好啦.....講返今日既野喇..咁呢..今日就去左睇肥家排波比賽啵
就....係囉.......下午先要去到果度
但係我遲左一分鐘先上到西鐵,搞到同唔同佢一齊去,
要自己去,不過去朗屏姐,識去啦.....
我以為自己一定會遲好多,因為趕唔到上佢地坐架西鐵之後要等4分鐘就有車
所以至少遲4分鐘,點知我上到去體育館O係門口見到肥家佢地

好啦...咁我,張.........同皮都未食野,勁肚餓
咁肥家佢地到左之後就換衫啦...(肥家好慢呀換得>..<)之後皮問係咪要爭取時間食野呢
之後我地3個就走左喇
點知由朗屏出到元朗...因為朗屏冇野食
就走左出元朗喇,咁出到元朗就去元朗廣場啦
果陣我同張....都未肚餓
但皮話好肚餓啵,咁就陪佢去KFC啦,點知冇位
就走左去McDonDon,之後我又買左個餐,果陣勁口渴囉

之後行行行,離開左元朗廣場,就諗住行多陣既
點知行行下張......話好攰,想上fd屋企放低d野先
貴便叫我地去果度食埋野
咁果度大約係neway附近啦
一個名叫蕉既男仔...行樓梯行到死左
上到去第一個感覺係好似女仔=v=事實上佢的確好似女仔..
唔識佢啦....我上到去就睇我勁唔捨得買既東周啦...
唉..講起東周又關葉宇澄事喇...
如果唔係佢同toby傳我就唔使買啦係咪....唉...勁好笑囉睇到我
唯一幾滿意既就係影得Eugene都幾靚仔
鬼叫人天生睇影都咁型...=3=
咁呢...係喇,講返去到個人屋企啦
咁張.....就係咁同那個蕉傾偈啦,我同皮就好努力咁食野
之後個人無啦啦講到all star同top star
佢問有冇人著緊top star,我話我著緊果對係
之後佢就走埋黎睇鞋後面個牌子名啦
我話甩晒色喇啵,之後佢就唔知諗咩,分析緊d野咁既語氣話
top star會甩色呀..?之後皮話,車...咁鞋係咁架啦,著得多會甩色架嘛
我果對都甩甩地色啦,之後張......又話,你冇話啦...我對puma都磨蝕晒啦
之後佢又坐返去張....隔離,話:果日xxx(唔知得咩,係人名黎架,唔識的,佢地小學d fd)
著top star俾人串喎
之後皮話:同all star同一個公司出啵,係con...果個(佢唔識串,我都唔係好記得添)
之後我繼續睇我個東周
依個時候肥家打俾皮,call我地快d返去,佢地都比賽完我地仲未返去=v=
佢地1:15比賽,我地12:45出黎既
肥家打黎果陣都好似差唔多2:00囉...=0="
之後張...唔理佢繼續同那個蕉傾偈
之後我又睇東周,咁過左一陣就走喇
我地返去啦...行到勁攰...肥家o燧電話度話謝個哥都有黎,叫我地返去睇
咁返到去體育館就坐埋去天官度啦
點知個人話唔係打排球既只可坐3個
咁果陣ally,咩迪姬已經坐左o係度
咁只可坐多一個,個鄧sir原來咁衰架!依家先親身感受到
佢話:依d邊個黎架,唔識架啵,坐開啦,坐第二度啦
我頂!之後我地3個好唔知點咁彈走左去後少少
肥家同一排坐左o係度既人都好無奈咁望住我地囉
肥家果陣都坐左o係度,因為佢俾鄧sir換左出黎
咁我地企左o係後面啦,我地後面有3個應該係信義既
係咁踩天官喎,雖然天官係唔夠佢地勁....但係...唉..無奈囉,事實上又真係唔夠人勁
之後打左冇耐都完左喇,天官當然唔夠信義勁,輸左啦

之後陪佢地落去換衫,張.....話要走去搵亞媽喇喎...
咁之後得返我同皮,果陣更依室勁多女仔著得好似好sexy咁
老實講都唔係好想見到佢地谷胸露腰囉
成班都係8婆黎既...講野大大聲,講東1又姣..唔知佢1係比賽定表演喇
成班都係嬋黎既..有d好似都唔係好細個但係身高同我地差唔多,基本上仲唔夠我地高
不過除左果3個,其他都嬋嬋地...
果個肥家又換得慢喇,搞到要對著果班人...="=
佢平時換衫唔係超快架咩....都唔知佢做咩...
張.......話佢換衫慢,行路又慢....係囉,,,我都覺得佢行路慢
對腳又長,行路又咁慢....都唔知點解,明明又跑得快家嘛...."

佢換完之後,成隊排波隊都唔知去晒邊喇
都話佢係最後一個人啦,佢又以為仲有人慢過佢
我同佢講佢先知自己最慢,仲要以為自己唔係慢好多囉...唔知講咩好
皮就等到勁唔gur啦....之後話上去睇男甲,睇埋謝個哥
咁上到去d人真係唔見晒....唉..點知皮又唔肯睇話又走喎
咁我就問肥家邊個係謝個哥...啊,,我見到之後第一個感覺係..
真係幾似樣喎,聽肥家講佢條女應該同佢一樣係信義既...
同埋我另一個感覺係....佢亞哥靚仔過佢
肥家問係咪冇謝塊面咁長,好明顯係啦依個...
之後皮好唔gur咁坐左去後面梳化
之後肥家見佢咁唔gur,又見唔到排波人
就話,唉..走呀走呀,之後就走左出元朗喇
途中肥定冇乜點同皮講野
因為...肥家串左佢幾句啦...咁....我...係囉
肥咁沉默喇啵.就同肥家講野啦....
講埋d無聊野....之後我地出到去元朗廣場啦...唔記得左去到果度做咩鬼喇
之後又走左去千色買禮物
今日佢細佬生日呀~肥地去到disney間野我勁開心
好多公主既杯呀!重點係belle呀~有個杯杯勁靚....黃色架
好似40蚊....唔記得係咪喇
我同肥家講好靚,不過聖誕交換禮物
佢咿咿哦哦咁就行開左喇
之後佢話唔知揀咩禮物好,於是佢打電話問佢細佬要咩=0=
皮就話佢唔係呀化...問人要咩
其實肥家同佢細佬感覺幾好啵.......
之後佢就...揀唔到啦,但係我就有勁多野想要囉~
有綠色部隊啦~勁可愛囉佢地,同埋belle既野,有d其他野都好靚
我又同肥家講換聖誕禮物
佢問我要咩,係咪belle個杯,我話想要架
不過冇咩用,如果真係換禮物我就要其他野lu,之後我地就走左喇
去到千色又搵野買啦,點知去kawayii shop都搵唔到
勁逼人囉次次果度都......好煩
之後去tomato,又冇,之後上埋千色百貨,我地3個成個唔知咩人咁
勁話:丫!依個好得意呀!...丫!你個好靚呀!....依個咩黎架...."
3個鄉下妹...之後都係揀唔到,肥家話買件衫俾佢得唔得
咁最後梗係講下就算,之後去多次tomato,皮話幫佢揀喇
就搵左個掛毛巾既圈圈,係米奇架
皮就話可以叫佢掛獎牌果d囉
之後肥家勁話好啵!咁就買左喇
之後去左許留山買野飲,勁好味...好味過上之果杯野
之後去左sasa,我o係果度勁啜d mango食
冇理到佢地講咩,之後佢地話走就跟住走喇
之後我就返屋企了...返到屋企唔知做左d咩喇,唔記得左
都係同肥家煲粥架喇...第二日又返學喇...唉...mr yueng話星期一派成績表啵,
專登放完假先派,等我地有街出...=v=
好啦..就咁完啦...