最終24號都係冇去到鬼叫JANIS唔得閒陪唔到我
下次屯門搞既話我必出啊,我要有份做埋統籌架好想快D搞

喂呀-口-呢幾日我又沉迷左o係forum度吹水,,呢d日日蒲forum吹水既日子n年冇過
估唔到我變成咁 ...最衰都係jmhk的chloe...lol  近期仲訓練到我打字速度又快左d,,

愈來愈宅的我,,明明我CE完好有大志要過得好充實,點知結果乜鬼都冇做過

前日同kayi周公傾電話,傾電話既日子又係距離我愈黎愈遠
不過前日傾d野真係好好笑......

本來尋晚佢地話出黎食飯,,不過呢d晚間活動都係同我冇乜緣

勁想去書展啵,,都係呢幾日令我勁想去書展
pageone攤位有art/design書4折囉痴線!
仲有雖然聽聞今年大陸書商少左,但台灣書商多左hit既簡體書賣,
而且仲係1:1價錢,,,反而大陸書商標價貴過實價
我見好似好多好正既簡體書,,,我想買....雖然通常都有繁體版既
不過我投降喇,,簡體書平咁多好吸引架嘛,,
我想去掃大陸書,,,同埋好想去pageone個攤度掃平書,,,好多人都o係pageone度買到心頭好
不過可惜我唔識英文,如果唔係掃埋d英文書都好,聽講英文書好平

不過都係得個講字-口-依家仲有冇人得閒肯陪我去先
我有諗過叫人幫我買架,不過買野好似都係自己去睇過摸過揀過會好d
雖然本本書都一樣樣
而且最驚係好似之前咁入到去買唔到書,,會好唔開心

*

「但願及時開始擁抱　不必花花天地中一個玩耍」黎明 - 及時擁抱  ...
黎明d歌真係正到喊(俾某人影響搞到我講野愈來愈浮誇)

呢個世界真係好多野值得笑,,縱使係低能野

我諗起,,之前補RICHARD佢講過一句野,我開頭唔明,不過愈黎愈明白點解
「一個人有知識先至有幽默感」
我開頭真係唔明...幽默感唔係與生俱來,有就有冇就冇架咩
不過諗深一層再加上親身見證,,識得愈多野,可以幽默既範圍就愈廣
例如識得字多,用文字幽默既方法/技巧愈多,,如果乜都唔識既,人地幽默左你都唔知
希望我冇理解錯