我真係好鍾意自己個電話鈴聲
我出街果陣大家打多d俾我,我要校到個鈴聲最大XD全架車既人都聽到
我既水潑落地難收回2009 RINGTONE!

溫哥華是雨季~台北今天天氣很晴~
這場大雨下的自己~為何不知所云~

十萬個正!(我又好浮誇喇..不過都唔夠我最鍾意既「十千萬個同意」 lol)

*

今朝8點半準時彈起身,,,好難得咁早起身都咁準時xd我尋晚成5點幾先訓著
加埋訓左唔夠3粒鐘,,,,不過都已經叫做早左訓,平時6點幾7點先訓得著架
起身之後同嘉恩講不如一齊食左早餐先去
點知我落到樓下見到大家樂多人到痴線,反而吉野家好多位
於是就去左吉野家,,,食左個牛肉出前一丁~竟然好快就飽-3-
不過最後都有食晒,係食淨一塊肥牛
本來我地之前果日約9:30出發,,點知食個早餐掛住吹水搞到10:30先出發

搭西鐵去~

今日真係好多人,,,明明10:30天水圍出發,11點幾已經去到灣仔
但係成12點4先入到會展囉
嚇鬼死我,,點解今年非小童及長者就要兜咁大個圈-3-
係咪呢幾年都係咁?我上兩年冇去啊,
但我再之前去好似係可以直接用最短果條路去到會展?
就係因為o係出面兜,,係咁兜,,兜勁大個圈先修到去浪費晒d時間
本來天水圍坐港鐵去全程車冇位坐已經好攰,去到仲要係咁排-3-
好彩今日唔係話太熱咋,如果唔係我會喊-v-

入到去會場好好笑,俾售票處門口果兩個哥哥玩死
首先a職員哥哥就話:大家可以去右手邊買飛右手邊冇咁多人呀下
但係正當我地將個步行方向轉向右手邊既時候
b職員哥哥又話:大家可以去左手邊呀下,左手邊冇咁多人可以快d買到飛架啵~
跟住我笑左
因為呢兩句說話傳入我地耳仔既時間只不過係相差唔夠2秒.."

不過其實今日最好笑既莫過於我地好辛苦咁排到入場,,
正當嘉恩同學話好攰呀~既時候,,突然有個細路好輕形咁從我地後面跑上前
真係笑死,,,要現場睇到先好笑........有人老喇...
一d巧合既事情真係特別搞笑,,我笑左好耐....

入到去會場行左陣kayi sms問去唔去元朗,,
點解次次你得閒果陣我都有野做架-3-

今日我12點幾開始行行到5點9左右啦
我今日去主要係想掃大陸書同埋台灣書,,,
最後買左6本書,,,由於我真係冇銀兩既關係我結果係買晒大陸書lol
twilight x4啦
相約星期二 <-說來慚愧,我真係未睇過書,我淨係睇過個中英劇團個劇場-口-
健康寫在臉上<-其實我唔知本野講咩,,,有少少深,,不過見22蚊就豪左俾佢
係教d人認識臉上既變化點樣顯示出你身體既狀態,以預防一d健康問題

本身見到有本書係講身體既一d小動作代表左咩,,,
類似係講呢d啦(都係大陸書啦當然xd)
係紫色封面,,個封面有d人仔有唔同動作既,我一拎上手睇已經好想買佢
但係當我正想排隊俾錢既時候赫然發現條隊既龍尾已經係我視線望唔到既地方lol
而果陣又好攰見到咁多人都唔想等
所以,最後,,冇買到,依家好後悔,因為我真係好想睇
其實本來想o係果度買埋小王子架,不過真係太多人,,,搞到冇買到,
其實果本超靚既小王子我留意左佢好耐,,CE之前已組好想買
今日書展度折左好似50幾蚊咋!!

本身想買東野圭吾的白夜行架!
(首選簡體版xd不過如果我見到呢本既繁體都可能會買)
但結果我簡體定繁體都見唔到-口-可能俾人賣晒or我真係發雞盲
反而我o係大陸書檔度見到東野圭吾另一作品"秘密"
我本身想買佢,不過又驚買左唔得閒睇,所以最後冇買到
嗯....其實我都幾想睇既,都有諗過返轉頭買返,不過真係太攰唔想再返去同人逼

如果各位同胞聽日去既話見到我頭先講果兩本書可以既話幫我買丫T-T感激不盡

跟住去到台灣出版社果D睇,勁多書想睇,有好多都係我之前好想買既
但係台灣書本本都70-100蚊
我...我....我....唔捨得買
有一本叫做夢之書城(類似係咁樣啦)本野勁厚!不過呢個唔係重點,重點係我好想睇
我差D就買左架喇!!!!!折左好似100蚊左右咋!!!!!!原價133蚊
不過當我再諗深一層,我銀兩咁少,,果本書100蚊我覺得好抵!而且我想睇嘛
但係其實100蚊我仲可以有好多用途,小說呢家野....可以唔睇架姐
但100蚊用左去邊就事大,,,,所以最後都係忍痛放低左佢

然後去左睇有間賣美術野既檔攤度,,順便充下電
之後我地見佢果度有D木盒仔,,我好鍾意果D木盒仔,,,
而且又好似好靚自己整又好似好好玩咁所以我地一齊買左D紙條同埋木盒仔黎玩XD
遲D去嘉恩屋企一齊整,,,
我地o係果檔野hea左超耐,之後行多陣見到好多賣商品既...
見到都唔想再行,,加上超攰,對腳勁痛同埋勁肚餓,所以就走左喇,,

本身諗住去搭巴士返屋企,因為巴士有位坐既機會大過港鐵
但係我地都唔知邊度有巴士搭返天水圍,搵唔到個巴士站
搵左成粒鐘結果都係去返搭港鐵
但真係超攰,本身諗住就係想坐先搭巴士點知結果反而仲行多左一個鐘添
依家對腳真係好痛,,好耐冇試過行咁多路喇,,
今朝已經早起身架啦-口- 8點半就彈起身,,,

*我發現自己真係對香港既書冇咩興趣-_-
除左冷讀術之外好似冇咩香港既書我有興趣買
本身都想買冷讀術果本既,不過我又唔係覺得非買不可,所以冇買到
唔知點解我硬係覺得香港d書好貴-_-明明冇咩內容都可以買幾十蚊
雖然話創意無價,,每本書都係作者費盡心思去寫出黎
不過..我就係覺得...都係貴..
我寧願去買本百幾蚊既台灣翻譯小說都唔想買50幾60幾蚊既本地小說/散文
可能我太膚淺啦

*pageone 果檔d書真係平到癲
不過花多眼亂,,本身想買本正野走,
不過太多選擇太多正書都唔知買邊本好,最後又冇買到
同埋行pageone果度,,真係覺得自己好唔掂,,
果個好多art/design人,,,高品味高知識水平總之係勁,,,,
即係渾身都散發住高質素+專業既氣息,,我呢d真係死開一邊
所以行左陣都唔敢再行入去,,,哈

*其實今年已經算係我去收獲最多既一次書展
6本書都拎到我手都酸埋,就好似做完好多下掌上壓咁,我聽日對手應該會好痛
嗯,,今日全日用左220蚊左右啦
大陸書真係好正lol !! 我想問屯門果間大陸書店摺左未?好似係尚書房黎
如果出去屯門得閒去行下先! 不過果間野好細