|
Jesse McCartney - Unrehearsed  呢首真係好好聽,,冇講大話
呢首歌抒情好多....不過唔知點解硬係覺得Jesse可以再唱得好d
如果下一隻碟真係有呢首歌就好喇 lol 快d出碟
*
哈,,成日都係咁,,有果陣又要扮唔在乎..冇左果陣又好想有,,
係咪個個女仔都係咁?(點解呢條問題會係身為女仔既我問架? XD)
其實根本我自己就係咁,,
*
wow!!天大既喜訊!!!由聽日起我學校中五中七唔使早會
但要8:00am之前返到學校好好溫書溫至少一個鐘既書
咁就唔使落去曬,唔使落去早會,,一返到學校就自己直接上課室
對於我黎講簡直係好!好到冇野講添,,
如果有一日宣佈話中五可以外出食飯仲完美
*
其實,,我相信各有唔同去向既大家都會遇到各自既問題
可能係有關適應新生活新環境迎學習模式啦
咁大家會有冇有關呢d既心事/發現自己開始改變左?
其實自正式上堂開始,我就已經有好多呢d既疑惑
到今日放學終於忍唔住同葉同學傾.....
我地兩條友企o係校門過少少就係咁傾,,,,傾左差唔多成9個字
原來同樣身為repeater既大家都有一樣既疑問同困惑
唔知道係咪每個重讀既人都會有呢d困惑架呢?
呢d困惑真係困擾左我有差唔多大半個月啦....大家明唔明白我既困惑?
真係...我同葉同學決定聽日一定要去搵老師傾下先得~_~
我依家咁講好似好輕鬆咁,其實重讀果個壓力真係唔單只係黎自個會考
唔只係因為個成績,,,仲有好多其他方面既野包括對自己既肯定,,
我之前都冇諗到,依家終於知道
*
喂我真係愈黎愈鍾意上中文堂唔係講笑
我之前不嬲都唔鍾意上中文堂,但依家我發現我阿sir都幾好
有時佢講左d野我真係笑 
最重要係可能因為佢係中文阿sir,,所以我成日都覺得佢講d野好中point
i like it!
今日上堂做閱讀理解,,好靜既環境下突然間有d嘟嘟聲,響左兩次
之後阿sir就話唔想再聽到第3次啦,,然後有人話係tamagotchi呀
跟住阿sir話呢個係90年代既產物喎仲有人玩?
我心諗...咩呀 -v- 唔只丫,,中五都仲會有人玩數碼暴龍機架..哈哈哈 XD
*今日放學同葉同學講起以前既中史堂..講講下,又令我好想念5B添
|
