各位親愛的瀏覽此日記的人,想問有冇人有以下歌曲:

TWINS::三角圓舞，亂世佳人，[大浪漫主義]
KRUSTY::孤戀花，吉絲蒂的衣櫃
COOKIES::派對動物，[青蛙公主]
SOLER::失魂
SKY::口袋情人
DOUBLE.R::代言人
舊BOY'Z::美麗與快樂
陳小春,黃馨::停電
李國能,胡林::[下不遺例]
張繼聰::彈弓手，烏蠅鏡（FEAT.謝安琪）
官恩娜::暗戀航空，地平線
吳雨霏(當時吳家穎)::不是校花
最最最重要的是 -
Kelly Clarkson::任何歌曲

如果有任何或全部,(( [ ]內的可以唔要,有底線果D係勁想要 ))可以留言或icq send俾我,唔該啦!>3<咩檔都得,總之係Windows Media Player聽到就得架喇!thZ*丫!

好啦..講完啦!講返今日先,,
今日勁唔知做咩囉,混下混下又放學喇..
唉..今日基本上,成日既小息同lunch都係同馬仔一齊
肥家就煲星閃閃...= =我就坐埋一邊望住佢睇,之後都係同馬仔去左廁所
個小息就咁就完喇!lunch仲勁,首先肥家又睇星閃閃啦
之後佢地成班人走左落一樓平台啦,肥家又跟埋落左去啵
之後我就同馬仔去左2B搵我最鐘意既美婷渣渣啦
跟住佢地幾個勁玩唔知做咩,我就坐左o係度睇佢地玩
美婷渣渣勁好笑...=v=一日冇見,我又發現佢man左喇...
之後返左課室一陣又打鐘喇
咁呢,成日同肥家講野都唔夠廿句咁..
果條側田怪(新名:屎狒喱)勁同我講野,好無聊呀...
成日講果d野廢到死,唔想應佢
不過中史堂講d野都算有少少見地..都叫引到我笑咁啦
不過其實d內容都幾廢,所以我都唔記得左佢講咩我覺得咁好笑喇..
淨係記得一個勁無聊既野:
我同佢講亞SIR個LOOK好樣衰喎,要由頭望到落腳,
特別係對腳,佢望一望之後勁無奈喎個樣
之後我再話:亞SIR成日著到好似逼巴士D人咁..
不過人地揸靚車啵!之後佢話:車,教左咁多年書梗係有錢啦!
之後我地就完結左個話題啦,之後佢隔左冇幾耐,就話:
亞SIR個LOOK似逼巴士,個樣似揸BENZ....
=口=我聽到之後勁無奈,好無聊
之後仲有好多好無聊既野...真係好無聊,所以真係唔記得晒喎...
仲有,LUNCH果陣,林柱見到我張枱寫住:橙神,佢問我:哇..咩事呀
我話,總之係勁野啦!之後佢話本身睇唔到仲以為燈神,
之後屎狒喱話:嗯?又可以倒轉黎讀:神橙喎!
哇!我聽到之後覺得佢總算思想似返個「喱」喇..似喱一樣無-聊!
哈哈!成個人開心晒喎!橙神既魅力真係唔係少野
小小神橙兩個字就搞到我覺得屎狒喱型左囉!(當然只係一瞬間啦)
仲有..咩呢..總之中史堂佢勁講廢野,聽到我好煩,
不過又真係幾搞野,白痴得黎都算係D有POINT既野

好啦!講返今日全日做過咩:

首先電腦堂終於完成個名喇!問返MISS個分點,
佢話:20號..都合格,幾好架
=V=嘻嘻......我估都估唔到會合格,因為我好似仲有D野未做完.."
之後上左去5樓睇我唔鐘意睇既成龍-80日環遊世界
幾好睇啦..俾馬仔搶了張椅子...冇位坐啵,
依個時候,肥家今日之內唯一主動同我講既野就係:你冇位坐呀?
我唔知點答好,因為同馬仔爭緊,所以冇應佢..
之後MR.YUEN問:冇位錯呀?邊度有(木凳)搵下,
咁對面果排有呀嘛,我同馬仔就係唔知點啵...
(佢叫我陪佢拎..因為成班男仔)之後謝話依度有啵..
(我都見唔到添,本身淨係見到前面果度好似有)之後佢就推左埋黎...
勁大力..接唔住..= =)之後就睇啦...嗯...
之後小息啦...肥家就睇星閃閃喇!
之後我同馬仔去左廁所囉,跟住就上MATHS,公民教育,
公民教育亞SIR好無聊...MATHS甘SIR仲無聊...
之後小息,都係咁過啦,之後D&T啵,係咁畫果條鋁
又一堂喇,之後食飯,勁唔想聽屎狒喱講野,
之後LUNCH都講左點過啦....然後音樂,中史,
音樂堂好白痴呀!!!>"<!!!上半PART白痴到死
下半PART有李雲迪睇,D人係咁笑笑笑,都唔知有咩咁好笑
我都有笑,不過係見佢地勁笑先笑囉,開頭都冇笑
之後佢地愈笑愈勁,搞到我又跟住笑
最尾亞SIR叫我地睇埋佢抹汗果野...果下就真係覺得好笑喇!
唉..本身今日音樂堂可以入HALL聽君比也!
不過MISS WONG又再一次唔同我地報喇!
我地冇得聽...好慘...上次都已經冇得聽啦...
不過放學果陣,同皮,馬仔去左McDonald啦,
皮竟然話佢地冇入HALL喎!下??唔係呀化?
佢話全班去晒上家政喎..."OH......
佢地食完野之後,我都飲完野,之後我就自己走左先喇!
佢地就唔知點LU....

返到屋企勁煲葉宇澄D歌,禮拜二果日已經想聽返潘朵拉的盒子架喇!
但係冇時間囉!一忍就忍到今日先聽!GOOD!聽左潘,達,瑪偉同瑪莉蓮
仲有聖士同舒特拉未聽..之後聽埋夏至呀..MY ROAD呀果D雜野
再聽玩具兵,玩具兵TOY STORY MIX,玩具兵X'MAS MIX
哇!咁就完美啦!就完完全全葉宇澄既歌都聽晒!YEAH!
嗯!今日聽返達文西密碼,突然好似返返暑假果陣咁..嘻嘻
仲有最經典既莫過於係瑪莉與偉業啦!!經典到爆啦下化...
我好鐘意依首歌,唔係因為佢地聽,或者應該話唔係鐘意首歌既本身
而且鐘意佢一聽返就諗返之前暑假果D經典野..
最記掛瑪偉既前奏果個,一定係SUKI啦!哈哈XD!
佢就可以完成左佢既夢,我就有兩個夢死都唔俾我了既!!!!
好過份!第一係我最最最不幸既野啦..都係唔講喇,
第二樣係我仲未可以親身聽到葉宇澄現場唱達文西密碼呀!!!!!
>口<呀!天呀!!每一次佢唱達既現場,我都係冇去到架
應該話我唔去佢先唱囉!擺到明係唔俾我聽也*
我要聽呀!!!>/\<!!我要呀!!我親愛既達文西密碼呀!
不過如果俾我揀要達還是瑪偉,我會揀瑪偉先
因為實在經典得可愛,而且可笑..哈哈哈哈!

係啵!要打俾肥家啵..."夜晚先打,佢要練排波,
6:00先返,返到黎佢都冇咩心情架喇..(冷場..")
所以夜晚先打...

*丫!美婷渣渣中文同地理同我差唔多...KE...
證明我未係最差..不過我發現左樣好奇怪既野
點解我D分同佢D分好似.....好似...好似...UM....
即係我地D分既關係好似有D唔妥囉....好似..UM...
唔知點講...總之好怪啦,冇可能會咁架啵..

仲有一樣野,今朝諗住打開收音機聽下有冇亞喱把聲啦!
但係播歌又播歌,我唔得閒等佢講野,於是閂左收音機LU!
唉..諗住聽下亞喱把聲都唔得添..