其實都冇咩特別想講,,2010年開始左一個禮拜,,
記憶中暫時都好似冇發生過D咩特別既事

2009年都玩夠喇 :) 2010年,,最後一屆會考得返3個月就黎料
我又諗起RICHARD講過,,讀咁多年書都係為左呢一次姐

不過其實我覺得自己比起前幾個月都已經稍稍進入返狀態架喇
但我知仲係未夠,,仲差好遠...

大家都俾心機啦...唔想你地後悔
「得返幾個月,,,努力黎都追唔切啦,,依家先開始起步冇用架喇」
唔係囉,,3個月仲有時間,3個月喎,9月開學到依家都已經過左3個月啦
既然識講之前都HEA左咁多時間,,證明3個月時間用黎HEA的確係好好HEA
咁同樣用黎追返之前D野都好好用,,盡力啦

可以經常聽到一D忠言,對自己有用既說話係幸福既事黎
唔係人人都會對自己講呢D有益既野,,
唔係人人都有福份可以聽到呢D提醒既說話
有人同自己講就要好好聽住好好記住喇

我對MATHS可能會有新既目標既,,希望可以做到,加油努力

*

近日都唔知做咩,,,自從1月4號正式返返學,,就開始有D失眠既情況
夜晚訓唔著咁,,聖誕假果陣冇呢個問題,,係4號開始先係咁
夜晚訓覺個腦好似好多野諗,,朝早起身好似冇訓過覺咁,,
然後放學返屋企太眼訓就走去訓覺,,,結果夜晚又係訓唔著,,
個腦不停有好多野諗好清醒咁,,都唔知點解會咁,總之就係訓唔著

唔通呢D就係精神緊張?!

可能因為成日諗住得返3個月咁...搞到呢幾日返學都冇咩精神...
我第一次返學既日子會放晚訓唔著覺
以往就算我放學返屋企已經訓左幾個鐘,,,到夜晚都一定如常訓得著
點算好呢依家

*

其實我就覺得,又唔使下下都諗到人地咁有企圖
好平常既小事黎姐,點解要講到咁嚴重,,,
我亦都唔認為自己既決定有問題,,點解要講到件事同埋牽涉件事既人咁?
恐怕今次我真係不能認同佢地既諗法,,絕對冇可能認同到

我亦都好唔鍾意佢地咁樣睇我既決定,,我唔係白痴,
我只能夠講大家對事件既睇法唔同,,佢地唔需要支持我既決定
只需要唔好再用某D字眼去評論呢件事,,
無論點都好,我只會忠於自己既決定,我相信自己既睇法
再重申一次我唔係乜都睇唔到乜都唔會諗既白痴

佢地咁樣睇呢件事係佢地自己既角度,,,我自己繼續用另一角度睇同一件事
我有我自己既諗法,睇法同埋計劃
佢地要點諗件事基本上都冇咩問題,但係唔好評論埋我既做法

大家生活同一個圈子,,點解要咁呢?