*

今日地理補課,我第一次咁眼訓囉唔係講笑
真係眼訓到我隻手係抄緊筆記但實質上係好唔清醒咁唔知自己做緊乜
到放學既時候,我睇返一次今堂我寫果d字,,真係核突到驚

基本上,今日成堂我都唔知自己聽左幾多書
因為真係好攰,都唔係淨係眼瞓咁簡單,係成個人好攰咁,
我都唔知點解咁攰,攰到坐o係度都覺得辛苦

放左學之後同葉同學吹左好耐水真係愈講愈激動,唉
不過唯有咁諗啦就係都就快mock,mock完就閃得

之後,返到屋企本身諗住食完飯就瞓個完美既靚覺
然後6點幾再出門口搵俱樂部佢地食晚飯
但係唔知點解最後我竟然冇瞓到仲o係度執返靚d pastpapers
執完都5點喇,,之後見冇野好做都係瞓左陣,,瞓到6點幾,,,俾阿媽把聲嘈醒左
一醒返睇個鐘,哇頂!成6點幾...
如果唔係阿媽嘈醒我,我諗我會瞓到7點幾,等到喇嘛打電話黎我先會醒

起左身之後即刻起身換衫出門口 ~口~
你地班友!都預左你地會遲到,所以我話約6點幾完全冇問題囉

去到北江同喇嘛行左陣,,,都唔知新年買咩衫好,,
我地o係北江行左一圈之後,,,終於都到齊人
去左pizzahut食野,,好耐冇食過喇,亦都好似好耐冇見過俱樂部

食完見仲早,,又唔知有咩做好,我就話不如散下步先
之後就去左散步喇 我地由樂湖行到去天澤就返返頌富商場呢邊
沿途真係講左好多白痴野.. 之後行到去天華我就返屋企喇

*

早幾日,,都可以話俾人點醒左  多謝

我都話,我個人其實都收埋左幾多野o係心度,,
不過有時候,一有機會,我就會乜都講晒出黎....講晒出黎之後就會乜事都冇
好彩我身邊有d會聽我講廢話,,又會俾意見我,點醒我既朋友仔

依家我明喇,真係好多謝,,我依家好有動力喇

咁又係既,與其煩咁多無謂野,
不如諗下人地點樣努力,,諗下自己點樣超越人地仲好

而且早幾日,,亦都同RONCHAN傾左陣,,
死RONCHAN依家英文勁啦,唔識人啦....仲走黎同我講考試英文有7成分數
\3/ 豈有此理,,我唔可以俾佢拋離我,,,我英文冇可能會差過佢咁多 XD
最衰都係依家冇得日日攬住份YOUNG POST睇啦俾佢有機會拋離我添

YOUNG POST真係好好睇好掛住呢份野

果日同RONCHAN講
WE SHOULD ARROW TOWARD THE PERFECT SUCCESS OF HKCEE
我地要奔向完美的HKCEE SUCCESS....
XD 好低B
但我地真係要好似艾粒首歌既歌詞咁「奔向夕陽~」先得

努力喇各位