今日終於完成左今年第一科CE而且係我最大期望既一科
地理@可道

卷一可愛既第一題,,真係做到我心花怒放,,讓人雙眼發光
愈做愈起勁啊頂
特別係果個縱剖面同埋人工海灘,,真係全份卷最可愛既精華重點
諗起都覺得快樂我驚今晚興奮到訓唔著啊

呀,,講起訓唔著,,尋晚就真係訓唔著,,
諗住一走上床就應該訓到點知成4點先訓到..
算啦今朝起身都唔係太眼訓...好彩尋日訓晏左

言歸正傳

卷一全世界都貼高鐵/中環填海/十大基建/馬榮火山果D
點知你出個新聞提過下既大埔龍尾人工海灘....
真係完全突顯到咩叫留意時事

卷二呀,,,竟然唔夠時間做囉,,開心死
有幾條仲要係飲恨,,,我知道個答案架但係唔夠時間改
最後望住份明知錯左既卷被監考員收到手中,,
沒入其他拎A拎U既試卷當中........真係好暢快

返到天水圍等左大粒好耐唔知做咩好就行黎行去+傾電話
同塵因鄰傾左好耐電話,,講返今次GEOG真係唔知點

算啦,,,GEOG仲話C喎,,D到都偷笑