其實我尋日考完地理心情都幾平靜
因為,,雖然自己做得真係好差,但係我諗今年條curve唔會拉得好高
所以另一方面都有少少希望有少少信心
我死時好多人都死架姐(係掛?)所以心情都尚算平靜

但係今日溫文學,真係溫到好激動
我背左成大半個鐘先背完國殤  真係太耐冇背野喇
好彩中四果陣阿美叫我地背我都有背,依家仲有少少印象姐
如果唔係真係好大鑊

唉其實望返今年可能會出果19課,好彩好多我都本身明白
果d我唔知講乜既課文上年都出左嚕~
例如與宋元思書,蘇秦約縱,寡人之於國也章等等都出左

今日打開本notes個目錄一望,,正啊!今年要讀好多都係我熟既..
唯一唔知做乜既係柳宗元既至小丘西小石潭記...真係讀到好失落
但其他果d課文雖然本身有d印象..應該都搞得掂既(係掛?)

至於文學史同埋文學常識果part我係非常之憂心
溫書真係比考試更令人不安

*

噢..經過尋日地理一役,,今日係極度疲累,,我都唔知點解會攰成咁
已經係成1點幾先起身,但都係好攰,,
結果6點幾又帶埋本文學notes爬左上床瞓覺
今晚又要溫夜d先補得返d時間了