|
6月7號,終於又可以一大夥出街喇!!呢日我期待左好耐
因為真係好鬼死悶呀o係屋企
呢日去左大埔搵周公米米食lunch..lol !!
而且,我仲要係好辛苦咁先滾到出大埔..
我去果陣坐276A架車都唔知點解咁鬼焗
我仲要逼住坐倒頭車,,搞到暈車浪囉真係唔知有咩感想好
去到上水落車本身都頂到,但係行左幾步路之後就頂唔順都係嘔左出黎~_~
好彩咁岩有個膠袋o係度..不過冇咩野,唔係好嚴重,
買左支水就上火車,一去到就有車,,果度去大埔墟站都係3個站
其實唔係好長車程,但係我都覺得搭左好耐,因為我仲係唔係幾舒服
去到大埔落車都係岩岩好12:00pm,早知唔使咁早出黎啦,
原來車程咁短,而且仲要仲要等埋其他人先得-3-
好啦個站都幾好坐,我又唔係幾舒服,所以就坐低左吹水
一吹就吹左差唔多半個鐘,終於都等到喇嘛黎,
跟住等埋子華黎,本身諗住等埋KAYI先但係有巴士黎喇而且周公佢地都放左lunch
終是....我地都係去先xd kayi就自己黎
去到大埔超級城...其實我第一次去
我地食吉野家,原來佢地學校都幾近...
我地食完送埋佢地兩個返去學校就返返去商場度hea
hea足個幾鐘等埋周公放學,,,行黎行去真係冇野做
都唔知點解個商場咁大都冇咩野行
但係,結果我又洗左錢,買左對鞋,其實我覺得唔係幾岩著不過我好鍾意喎
布鞋,,我諗會愈著愈鬆既,,所以我唔擔心 :P
我舊果對平底鞋都爛啦,再唔買就冇鞋著
幾經辛苦先等到周公放學,就搭巴士出元朗
巴士!!SH*TSH*TSH*TSH*TSH*TSH*TSH*TSH*TSH*TSH*TSH*T
點解又係巴士,我真係好唔鍾意搭巴士
不過唔搭又唔得-3-
本身話去到鋪上路就落車轉西鐵,點知去到元朗先落到車囉哼!
再遲D落車我又要路架喇!我中午果程車都仲未抖夠
連LUNCH都冇咩胃口食,又肚餓又唔舒服,架車條路線又迂迴
仲竟然一次又一次咁欺騙我話下一站就落車
結果搭到出元朗先落車,,哼哼哼哼哼
去到元朗,陪kayi去左買禮物 B-)
返到元朗真係舒服好多,連暈車浪都好返晒,,
買完禮物就返天水圍,6點幾喇果陣都,
KAYI o係輕鐵上暗示可以上佢屋企玩xd於是我地就上左佢屋企喇
我地幾個都去7仔買左個撈麵黎食..真係好肚餓~
上到去kayi屋企就打左陣牌,子華係咁冧莊,結果打唔到一圈,
我地7點半就散了,,呢日都算係美好既一天
好難得會出到大埔就係為左食個lunch...
經過呢日,我覺得呢一年我真係錯過左好多消息架
重讀既呢一年真係好多野都唔知道
唉
*多謝你地d禮物 <3 我好鍾意呀
|
