咁我諗住今日都冇街出啦,點知食飯時候(即係好似12點左右)
佢打黎叫我出去元朗搵佢,我話未食飯,佢話咁去新北江租碟睇同埋行下
咁我食完飯就出去啦,打俾肥家手提打極打唔通,新北江收唔到啦一定係!
之後我修到去新北江,好在我冇上去上面,我O係弄面果層搵佢咋!
如果唔係就大鑊..因為佢話陪佢細佬剪頭髮,所以我就O係下面搵佢
但係望入D髮型店又唔見佢地,行下行下唔知點好既時候
突然聽到肥家叫我,於是我地就見到面喇,,哈哈!

咁我地就去左租碟,我申請左證,本身諗住租情義我心知,半醉人間
但係半醉未返囉!咁我就租情癲大聖,(睇陳柏霖)咁肥家就租女人天生購物狂既
點知又未返,,冇得租,所以最後就淨係租左情癲同情義囉!好野!黎明..
咁之後我地行返去天耀商場,去左M記坐....我食左D野,
之後就返屋企LU...

返到屋企就睇情癲啦!但係睇睇下亞媽亞爸返黎,
換左個唔知咩咩鐘,就好努力咁研究點入電,
所以隻碟睇睇下冇睇,到終於搞掂既時候,
我望返個電視...
轟~砰砰~轟........................換碟..
唉...即係我最後睇到既鏡頭係打緊D唔知咩...
我都未睇清楚係咩就要換碟喇
不過亞爸轉左台冇得睇囉,聽日再睇!由於情癲肥家睇左,
所以佢係拎左情義返屋企睇囉,咁佢話如果聽日出街就聽日俾我,
如果唔係就星期一俾我,其實本來星期一要還既,
但係問過果個人話遲一日還,佢話得既..
所以就星期二還都得喇!不過我估,,肥家聽日通常唔會出街
應該都係星期一至睇到..