今日,,聽到好多有關葉宇澄既野...........唉........
點解近排葉宇澄又好似之前咁不停充斥o係我日記上..
睇黎我日記講佢都要講到7月左右先停..."(有原因的)

嗯!尋晚我食完飯就開收音機聽空中喱民,亞喱>V<,,兩個大雄好好笑,
同埋呢,我依家又開始聽唔到旺角奇幻潮,亞喱講咩喇,,佢講得太快喇,
睇黎我又要訓練一排先得...聽多d空中喱民XD!
之後10:30就上左床喇,聽架勢堂,森美話同亞喱好FD,
但係佢又要唔記得亞喱個名,小儀仲有趣,佢真係講左張三豐出黎囉,,
等我返學問下鄧那魚有冇聽先...我一聽到亞喱個名即刻醒神晒,
丫,,話時話,我覺得亞喱近排把聲唔同左咁既..
即係都認得佢,但係...好似....嗯...="=唔知點講,總之唔同左

跟住今日早左醒啦,,不過都係11:00先肯離開張床,咁我洗完面之後返入房聽收音機啦,,
又冇人O係屋企,我就可以大大聲咁開個收音機喇!咁我本身都是諗住開著佢架姐,,
都冇諗住好留心咁聽,點知我灘O係張床度hea緊果陣,突然聽到d好熟既前奏,
咁今朝因為雲妮冇返,所以少爺占代佢,咁我之後聽到亞占話咩,,11:30之前,
播返首???d既歌先(???:聽唔到)跟住佢講完依句之後我就醒起喇!!
係葉宇澄既問候你的天使呀!哇XDD!自從果陣卡拉O!Babe之後第二次o係電台聽喇!!!
(第一次係3G21聽)於是我即刻坐直左囉..咁前奏完左Eugene把聲出黎之前,
占講左句:葉宇澄最新派台作品,問候你的天使..之後就唱喇~(害我嗎你推我入地牢.......)
咁啦,,咁其實佢播果陣我冇用心聽囉,因為我果陣已經拎左本地理出黎溫.."
我可以話係聽左頭幾句之後都冇聽到,直到佢就快播完我先聽返,,
果陣唱到:多得你.....果part喇..咁播完之後呢,先至係重點呀!!!依度真係要聽聽喇!
咁Jim就話:[[佢個樣係..歌星版既Donald!]]跟住果陣要報時啦,報時之前會出一後聲帶家嘛
點知咁岩就係donald囉,之後Jim話,哇~真係日頭唔好講人,11:33分..
哈哈XD!我信日頭唔好講人架..通常都會見到果個人出現

咁其實DONALD同葉宇澄扯上關係都唔係第一次,之前某日,((上年架喇好似,定唔知幾時呢))
聽萬世巨星,就玩*鬧爆你*既,咁DONALD就話(大概啦)佢搭的士,之後個司機話:
咿?你係咪做電台架?Donald答係,,此時占就話:做咩?佢以為你係葉宇澄呀?
咁Donald就窒左窒,之後就話個司機話:我有聽你架,,少爺占丫嘛!
哈!好好笑囉...最驚嚇同最嬲果個係占囉,,呵!不過似葉宇澄好失禮咩.\ ________ /.

咁之後冇野啦...之後溫地理,,溫左陣頂唔順又hea喇,咁mini熱鬧樂壇又冇咩歌聽
咁咪睇情牽百子櫃囉,,跟住亞爸買左飯返黎,我就食喇,,咁食完之後我又聽收音機囉
點知仲有更多驚人發現!我食七飯果陣12:48啦,咁我就溫地理先既
一路聽收音機一路溫,mini一直播歌,我毫無意識咁就瞓左o係床上面,
溫溫下書都冇溫,聽收音機,到左1:45左右就完全唔同晒喇!!!!賣完廣告返黎之後,
突然有把聲話咩咩葉宇澄咩咩五個天使~~咁啦,,哇!O鬼左咀啵!無啦啦有葉宇澄?!
之後點知真係聽到葉宇澄把聲啦!mini就話,,咁Eugene上星期就派左新歌啦,,
依家派埋個人上黎啦,又話咩咩之前熱鬧樂壇,d人都話方樹樑好錫Eugene呀,,又盛
跟住我心諗,,唔係掛??幾時評論左問候你的天使?我唔知既...>口<!!
早知上個禮拜留意下熱鬧樂壇啦!好啦,,咁之後Eugene又repeat返佢之前上電台
或者o係報紙講果d野喇,即係話自己細個好肥呀..又點呀,,又俾人話呀咁
不過當然mini問d野冇咁悶啦,,佢問左d野幾好笑,,不過唔記得晒所有架啦
咁Eugene講d野仲好笑...佢果句:我可以坐多個位呀,,你唔抵得咩??
哇!依句真係金句囉,,記得佢自..哈哈!佢仲要講到...好咩咁,咁之後又播多次問候你的天使囉!
哇!今日心情大好!!今次我真係有用心聽晒完首架,,哈哈!XD!好啦!今日要聽多D收音機,
可能會有更多意想不到既收穫!!不過好可惜既係,,,應該話係晴天霹靂靂靂靂靂靂.....
Mini o係差唔多完既時候,
佢問Eugene新碟幾時出..點知葉宇澄答:
um,,大約6月左右啦,
咁其實我依家都錄緊兩隻碟,,(mini驚愕)
一隻係全國語一隻係廣東碟啦,,
國語果隻會o係內地發行,
依家o係國內都plug緊瑪莉與偉業既國語版,
就叫佳佳或小菲..咁樣...

哇!!即時個情緒down返晒囉!6月先出碟都算喇,,推遲再推遲,
足足推遲左成差唔多半年,好似仲多d添呀,,點知最O咀係..
國語專輯只在內地發行囉..太令人傷心哇...........好想買埋國語隻碟..
咁最尾最尾,mini叫eugene唔好驚啦,話拍枱都唔好驚,之後eugene攝到個位話:
化腐朽為神奇!! <--依句好經典,,,一定會記住佢講過依句野
嗯!!跟住我即刻開電腦上去eu forum,就見到有人快過我,話eugene上左電台,
同埋佢話6月先出碟...不過我唔明點解d人重點都放晒o係廣東碟6月先出果度囉,
反正一定會有得買,,最多等耐d,都等左半年有多啦,等多陣都唔至在啦,
點解佢地唔將重點放去國語碟度呢?雖然我唔係特別鍾意國語歌
但係我地可能買唔到隻國語碟啵..唔係應該更唔開心咩?

咁仲有呢,,,聽收音機個廣告,,又o係度引誘我喇!!!>00<!!
我既歌聲魅影呀!!!!!!!!!!好想睇呀!!!!門票即日可於.........發售..
咿!!!!好衰也!!好想睇呀衰野!!!!>口<!!!!
最討厭係o係我忘記到依個廣告既時候!!俾我O係報紙度見到一大版宣傳囉!!!
我一揭去果版,哇!一見到個面具都估到係歌聲魅影,我又忍唔住睇左....
望到落最低下,又見到門票發售既野喇!!呀!!好討厭呀!!!
最慘係聽收音機就一定會聽到有關歌聲魅影既野,太大引誘喇!!!
次次聽到歌聲魅影首歌都搞到我好想睇..我睇唔到電影版已經好慘..嗚..

丫!仲有,,我早幾日先知原來A.S.A係葉宇澄D師妹囉!
哇~完全兩回事,,唔覺A.S.A唱歌好聽,麻麻啦..更加唔覺佢地係賣樣囉
到底賣咩呢?果陣時KRUSTY出黎我都唔係好知佢地賣咩,
之後先知佢地跳舞....咁A.S.A係做咩呢??
同埋我好想知葉宇澄另一個師妹:Euncis唱歌係點...
(其實最想知係佢個名點讀囉..)
我覺得佢個樣幾陳自瑤,人地都同意,,包括leader,狗屎喱,,
唔知na同唔同意啦...不過聽講玩具兵x'mas mix把女聲係佢黎家嘛..
咁都唔錯丫,,幾好聽呀把聲,總之點講我都係撐Euncis多過A.S.A

((已經打左好多野喇啵))

呀....咁繼續喇..我上完eu forum,就黎打日記啦
之後上港音down歌仔,,就係kelly clarkson,breakaway隻碟既歌喇
因為之前冇晒,搵得返seen u been gone,because of you
同behind these hazel eyes咋,,依家一次過down返晒,,
哈哈XD!咁都俾我搵到....我仲見到有thankful隻碟添,,
不過唔知點解down唔到囉,,唉..
咁breakaway隻碟d歌係要逐首down,所以都用左唔少時間
之後上返eu forum,哇!見到有人講左樣野!
國內專輯可於HMV訂購
對!!點解我醒唔起呢?好野!不過呢,,HMV啵,,,唉,,都係搵人幫我訂..
哈XD!有誰好心可以幫我訂呢?不過遲D先講啦,
係咪6月出到係一個問題啦,有人話Eugene係大話精
因為話出碟次次都話遲一兩個月,愈推愈遲,,
唉....仲有呀!我見到b男xanga話最想打既人係你也!
知唔知也...唉...點解咁多之前鍾意你既人會憎你呢?
我好想知囉,你真係差得咁緊要??唉..=__________=
不過唔緊要,我覺得一見返個鬍鬚佬,咩都會鍾意你..
kekeee....因為唔係個個都做到你個神髓架嘛.....
學某人咁講可愛得黎又man...哈哈XD!真係笑死人呀,,
我地笑足成日囉,真係一張相就可以娛樂大眾,
唔單只係放鬆我地依D要測驗考試既人既心情
仲係令我地完全心散囉,,鬍子的魔力真強啊!
唔怪得聖誕老人咁受歡迎,,"||

咁我今晚一定要聽空中喱民,架勢堂同埋一定一定要溫書,至少溫熟一課地理
(一課喎..其實太少喇,不過今日咁既心情,,溫得熟一課都係咁上下..)

丫!女人唔易做幾好睇啵!有鄧萃雯,又有吳美行......
仲有林峯添~XDD!佢個頭好得耶..
係喇!尋日睇報紙,林峯呀,,謝天華果D出席集野既宣傳活動扮女人
謝天華超型,林峯仲得...佢既一頭美美的長髮,
完全突顯到佢既女人味嚕...不過真係幾難頂..."||但係好好笑..

*葉宇澄四月至五月都有幾多FUNZ....不過我睇呢,,冇咩邊個我係出到架囉,,
除左今個禮拜六的,都好似冇喇....唉......仲有一個係選MV女角活動
未知地點,,淨係知時間,好似3:00....睇個時間呢
就麻麻...如果近少少既都ok,遠既話就唔去得喇
不過我好有興趣去囉!即係問候你的天使個mv女角呢~
哇!超想睇...唔知搵個咩人...同埋我想知個mv諗住用咩故事囉
我覺得搵師奶拍就岩喇,即係呢,講d師奶呀,,親戚朋友果d指住葉宇澄黎鬧,,
哈!咁咪岩岩好完全配合首歌囉...X]  好主意呀呢!我都知架喇..