嗯..我總覺得[問候你的天使]這名字與歌曲不太合..可是算吧..((鄧雅瑜還說第一時間想起問候你的母親,,唉..她不說我也不發現,看她想的..真不該))對了!!今天又有事令我笑了好一陣子,,當然還是比不上鬍鬚佬的利害啦!就是...上星期真的評了Eugene的[問候你的天使]啊!成績還不錯嘛!4個之,有3個選了做三甲,其中兩個選第二,一個還選了第一呢!!非常的好啊!!>﹏<很值得大家高興耶!還有,我在881903.com,還看見Eugene昨日上去訪問,和Mini的合照呢!非常... +可愛+ 的一個樣子,,這..就是我們的Eugene了....."/@____________@\

好吧!今天一朝早便給樓上不知誰吵醒了!!!!!

佢老闆丫,,晨早流流8點幾,,都唔知邊條友o係度嘈生晒,,唔知係"dump"野定係乜,鏘鏘聲,,嘈鬼住晒,你話9:00幾都話姐,8點幾咋啵!!棟樓佢住晒呀!嘈鬼住晒...我已經連續依幾日都好夜先瞓得著又好易俾人嘈醒架啦!(基本上日日都係俾人嘈醒,真係好想鬧人囉,屋企人都冇面俾呀)放假咁耐,日日都係俾人嘈醒,起身可唔可以靜d架呢,,仲有人瞓緊架下嘛,講野又講得大聲..行路又大聲!最pk係今朝條友囉!足足嘈左成半粒鐘..完全瞓唔返囉!跟住好啦,,9點幾果陣終於有少少想瞓返,果條木咀o係度唔知"dump"乜春!妖...好想指住佢黎鬧...跟住依個時候又有人起身喇啵,咁即係根本冇得再瞓返囉,我就係咁8:00幾醒左,一路想瞓都一路俾人嘈住瞓唔到囉,跟住10:00幾起左身,妖...都未試過放假都唔夠瞓...尋晚又瞓得唔好,可能熱掛,,但係我不嬲熱都唔會咁架啵,總之就係唔舒服啦瞓得...唔夠瞓個人心情又唔好喇啵..心情唔好又唔想溫書喇啵!今朝食完早餐諗住溫陣中史,但係睇左一個鐘都淨係記得兩頁囉..點呀!!!話左今個學期要測好個驗考好個試,唔衰得架!妖!好煩呀!最衰上面d木咀囉,唔知邊鬼個...嘈嘈嘈,嘈鬼住晒!夜晚又成日唔知邊個屋企晚晚家嘈屋閉咁...有次最pk係星期日,第二朝要返學,果幾日都唔係幾夠瞓..點知有條女唔知o係度發咩癲囉,同人嗌交掛...一聽就知喊緊,又發晒老脾咁...係咁叫係咁叫,,="=不過最唔gur都係今朝囉!尋晚又係,瞓左成粒鐘先開始對眼慢慢合埋,點知突然黎個"啪"聲啵!嚇鬼死囉!靜英英,,又岩岩瞓著,嚇鬼死人...咁樣嚇一嚇又過左半個鐘先瞓返..總之好嬲啦!好憎上面呀依家!都唔知"dump"咩,定係執野,定係唔知咩事..係撞金屬野d聲囉,即係好似敲d鋁果d聲咁囉,唔好話俾我位知真係有條友o係度敲呀!

總之依家勁想鬧人..

咁之後就食飯啦,,之後本身諗住溫陣書跟住開電腦,但係我想早d開電腦睇上d野囉,當然係上eu forum同埋上903個網睇下有冇葉宇澄尋日訪問張相..仲有睇下樂評人揀左問候你的天使o係邊個位置囉,,點知成績咁好呀!真開心!然後就聽返chips首歌,叫save your life,,哇~唔知講咩好,大家有機會自己聽下..我覺得....um,,其中一把聲好突出,但係我覺得係有點兒扮野果隻囉,,應該話呢....um,,都唔識講...同埋我覺得有少少唔夠氣..呀..算啦..嗯,,今朝睇報紙,話那個william會加入Boy'z囉!早幾日我先提出疑問佢幾時出黎唱歌,依家竟然睇到個咁令我o咀既消息..."我唔太想佢入boy'z呀,,不過入左都冇咩野既..我都係支持steven架姐,,好耐冇見過steven,,快d出返黎啦~呀!依兩日因為聽收音機冇睇向世界出發,今日睇返先...尋晚聽兩個大雄又幾好笑啵...即係打上去果個人...哈哈XD

呀!!5點幾果陣,,張da打俾我!!

佢今朝返左黎喇..唔怪得之我今日硬係覺得會有人搵我..再一次證明我既直覺幾準...我差唔多次次FEEL到D野都係會發生既..咁佢竟然話俾我知!!!聽日!!!佢會同!!條...條...條...>口<!!!!!unhappy中..佢話同..同...同..同..同..果條友去睇戲,果條友請呀!!(聽日先講係邊條友)勁唔gur也.........張da點可以同佢去睇的..不過我都估到如果我聽日去埋睇戲既話,個情況會幾咁融洽..哼!d人有錢講人睇戲又唔還錢...聽日一定要逼佢還返五蚊俾我呀!唔係斤斤計較,而係對唔同人有唔同既對待..如果係第二個爭我錢我都唔會成日追,,但依家爭我錢果個係佢!!最唔應該既係佢有錢日日買野飲,仲請人睇戲,都唔還返果5蚊俾我,簡直就係  什麼的  !!不過算啦..我都明..我地兩個都唔gur對方...=v=唔還錢都唔出奇,不過我會努力追佢還..佢唔還就話俾張da聽...呵呵呵(不過張da都知啦...其實佢都懶得理我地)仲有呀!張da竟然話我地兩個一碰頭就好搞笑?!>口<原來張da係咁覺得,嗚...我鬼同佢搞笑...哼!仲有呀!聽日佢睇完戲會去飲茶,O口O?竟然會咁...哈!如果佢俾我去就好喇,,kekeee...不過老實講...算啦都係...唔知俾唔俾我去啊...不過唔俾都冇咩野既..我依家眼前最重要既問題係:去唔去睇戲好..哼!去呢..見到張da同亞咩人呢,,又眼火爆喇啵啵.\ __________ /.不過可以追返五蚊,但係最重要係,雖然會眼火爆,不過唔去既話咪好蝕?!但係咁啵,,張da有人請我冇啵..=v=都係蝕呀,,總之去唔去都蝕,o拿!如果去呢,,睇完戲,可能有得飲茶,唔去呢,就蝕左個幾鐘俾亞咩人,但係如果唔去,又冇得飲茶,咪冇街出囉?但係去呢..我點溫書,,唔夠時間喇啵,唔去呢?又真係好鬼蝕囉,,咁到底我能唔能夠為左學業而放棄消遣呢?(唔只關乎消遣喇其實)但係我就算唔出去,都係玩電腦架姐..但係出左街會心散d...好矛盾耶!誰能夠打救我?呀~但係如果睇戲,又睇咩好呢?我同張da都想睇冰河,但係亞咩人又睇左...咁除左冰河,亞咩人咩戲都得,咁張da又想睇獨家試愛,但係我睇左啵,,我依家就諗緊睇唔睇多次好囉,雖然我想睇多次,但係我諗住佢出碟果陣租黎睇咋..唉...咁張da又揀喇,,至尊無賴啦!我又麻麻喇,唔多想睇,,咁就係因為太難揀,我到底去唔去好呢?哇!個問題愈黎愈複雜,,

張da救我呀~ X(

好啦!之後,,到左夜晚,我地終於搞掂喇...就係叫亞咩人睇多次冰河,,XD!good!好野!咁就唔使煩喇..哇,,點解亞咩人咁有米,,佢請埋張da睇,就即係俾左睇三次既錢啵.....=v="||咁捨得,仲唔係有野...哈....(笑~)咁呢,,之後聽架勢堂..有十個港姐上左去.....徐子珊man爆...我鍾意..原來向海嵐都上左,估唔到啵...車..其他果d都唔靚既..好在楊思琦果d冇份姐..

現在我想貼貼早前group leader叫我們填的100問
好好玩的呢!大家也來玩吧!>v<

01.你喜歡Eugene哪一點 ? 請給一個具體的答案。
佢歌聲好正...同埋佢份人好..好..um...好...好可愛啦

02.身為Eugene fans，你的責任是什麼？
首先一定要買佢d正版碟先啦!如果出functions,當然要落力d助威啦..
仲有好多喎...同埋要維護自己偶像(當然唔係盲目)

03.你認為Eugene迷有什麼共通點。
都係鐘意eugene的=v=嘻嘻...其實係...um..我都唔係好清楚喎=.=

04.最喜Eugene 的哪一首歌? (限一首)
達文西密碼!!!!>v<我最愛呀!!

05.你跟Eugene 結緣的歌曲是?
達文西密碼!!

06.如果現在是Eugene的低潮期，你會怎麼鼓勵他？
有咩function既話,盡量都出去支持佢..即使eugene真係消失左,
都會一有機會就做d野俾佢睇等佢知道佢仲有fans

07.如果能讓你跟Eugene一起工作當他們一天同事的話，你想當什麼?
"針"茶遞水果個..>v<不過事前一定要好了解eugene既需要,依點我未必係喎

08.."覺得身為Eugene fan 真是太棒了"的那一瞬間是？
見到成班fans都好落力咁幫eugene助威,,又好乖好乖咁...真係好乖咁
唔知依家係咪啦..至少果陣時我真係覺得身為eugene既fans,真係好正!
而且自己鍾意既偶像係咁好既一個星..真係好鬼正>0<

09.現在你的先生或你的男友與Eugene最大的差異是？(女性回答)
=0=..冇男友呀依家

10.相反的你的他跟Eugene有什麼共通點？(女性回答)
=0=依家冇男友

11.走在路上突然看到冒似Eugene的人，你當下的反應是？
我有時都見到個好似架!試過有次我搭輕鐵,見到個超超超超超似eugene既人呀!我同個朋友講,佢話佢扮eugene=v="||咁我既反應係...心跳好自然地加快,明知唔係eugene都會,而且好有衝動叫佢企定定俾我望多兩眼,仲要問佢知唔知邊個係葉宇澄....哈哈XD我成日都會咁諗架..

12.可以的話你想成為Eugene的母親(父親)還是女兒(兒子)？
女兒...不過其實我想做佢個妹多D...有個咁好既亞哥錫都幾好丫...

13.如果有一天你變成Eugene的話，你最想做什麼事？
在台上高歌一曲達文西密碼,仲要同所有eugene fans講::我好愛你地呀!XD!

14.那麼變成Eugene師弟/妹的話你想做什麼事？
同eugene合唱

15.你希望Eugene在表演的時候穿什麼樣式的衣服？
咩都得,唔好誇張,唔要好串咁款,唔好勁女仔款既就得

16.那麼下舞台後的Eugene什麼樣的衣服最適合他？
我鐘意男仔著恤衫的..即係裡面著件tee,出面加件恤衫,,幾ok架..
總之我覺得eugene著d簡簡單單,望落舒服既衫就好岩架喇啵

17.演唱會上無論如何希望他唱的一首歌曲是？
係咪一定要佢自己的?如果係,當然係達文西密碼啦!!XDD!因為好老實咁講,我未試過出FUNZ聽到佢唱達文西密碼架,因為佢會唱達文西密碼既FUNZ,我通常都係去唔到,然之後返黎有人話俾我知佢唱左...所以我點都想佢唱..

18.相對的覺得已經聽膩了，希望不要再唱的一首歌是？
玩具兵...=V=

19.你覺得最適合Eugene的顏色是？
白啦~

20.可以和Eugene一起去旅行的話，最想到哪裡去？
法國,因為我本身鐘意法國,另外...可以順手唱下達文西密碼=V=仲有...我突然間聯想到eugene畫緊畫..好型咁畫啵,好認真咁,所以我覺得法國咁文藝,幾岩佢呀

21.演唱會上最你的目光最常停留在Eugene身上的那個部位？
面,特別係眼...

22.你跟Eugene一起在房間裡看電視 你們會看什麼節目？
超級慘既劇,幾有興趣知道eugene會對d好慘既野有咩反應...不過我諗eugene一定唔係冷血既先啦..

23.你想對Eugene說 "請到此為止 別在繼續下去了" 的事是？
下=口=唔係好想答..um..um..我覺得...um...唔好再唱玩具兵,同埋有一樣野係之前既事喇,就係:唔好再講自己19歲咋~(死喇,係咪好衰呀我)

24.相對的想對他說 "請持續下去吧！" 的事是？
唱歌仔...keep住對fans好...

25.你最喜歡Eugene的哪一個動作？
下!!?!?!?!?!甜笑算唔算係一個動作..

26.Eugene的髮型你最喜歡他哪個？
農曆新年果排果個...

27.倘若有10分鐘的時間同Eugene兩個人單獨相處的話，你要怎麼利用這10分鐘？
首先想問佢認唔認得我啦...((><依樣野我想知好耐))係咁講出我對佢既感覺啦...覺得佢點樣啦..請佢同我唱返首歌先啦...仲有好多好多好多好多...不過如果真係發生依件事..我可以好肯定咁講..我會咩都唔做,(或者係話做唔到)我係好被動的人...

28.對不知道Eugene的人你要怎麼介紹他們？
好靚也,唱歌超好聽既人,上年新人呀..um...好得意好可愛既人,,最重要係佢有首好好聽既達文西密碼...鋼琴好好的...等等啦..

29.Eugene的歌曲最懷念的歌曲是？
瑪莉與偉業,我個人其實唔係特別好鍾意佢首歌,因為我唔多鍾意聽慢歌,不過因為之前出得最多functions既時候,每次都係唱依首歌,好正...好正,好正..所以好懷念

30.你失戀的時候聽的歌是？
未試過...如果真係發生d咁既樹,我會聽聖士提反,因為我唔開心或者傷心我係會聽d好激既歌架...

31.早上一起床你突破變成Eugene的琴你的反應是？
心諗:oh my god,,媽媽救我..但另一方面又好開心可以去到eugene屋企=v=

32.如果Eugene不是歌手的話你想他會是？
可以衝出國際,揚名海外既音樂猛人...如果太勁既話,都係做作曲人啦...一個俾某歌手發現好有潛質,,仲搵佢作左一首好hit既歌而出名既作曲人..勁喎...

33.還沒認識Eugene之前你是誰的歌迷？
歌迷.......我鐘意周國賢囉,不過其實都有幾年冇特別鐘意過邊個歌手,,endy果陣時係因為溫室汽球隻碟,,至留意到佢,幾鐘意佢..不過一排之後都冇咁鍾意,直到eugene出現

34.如果Eugene主演電影的話，你希望他演什麼片子？
哇~依個問題我諗左好多次,每次都有唔同答案..um,,我諗拍古裝幾好,或者拍一d身世好慘,因而變左一個大魔頭,最後俾人發現原來佢身世好悲哀既可憐人...我最鍾意依d勁慘既戲架喇,而且我覺得eugene都應該可以勝任掛

35.片子的女主角你希望是誰？
好難諗,亞嬌啦,雖然兩人好似冇咩大關係..

36.你認為什麼樣的歌風最適合Eugene？
r&b!!!我最愛的r&b,而且eugene唱r&n好型呀!!

37.你最常在什麼時間場合聽Eugene的歌？
想聽就聽

38.Eugene的哪一首歌你最會唱最拿手？
瑪莉與偉業

39.Eugene對你而言是？
一個好好既歌手,一個好抵愛既偶像,一個不可多得既好哥哥<--我幻想中的= =

40.可以跟Eugene一起去兜風的話最想去哪裡？
香港一日遊,成個香港周圍去

41.可以跟Eugene一起去看音樂會，你會選看誰的？
黎明!!出世以來第一個認識同鍾意既歌手... 哇!Leon首首正正的情歌,好正,不過陶吉吉的都唔錯...

42.Eugene的歌詞中你最喜歡的一句是？
近望你最吸引,平凡但是完美~~

43.你最喜歡的MTV是？
達文西密碼,因為影到eugene幾型...瑪莉與偉業都好正,好容易將個mv同首歌融合,總之成個feel都好正..

44.你覺得Eugene還要挑戰什麼？
挑戰跳舞既勁歌=0=喔呵呵呵呵...eugene加油

45.今年Eugene的生日你想送給他什麼生日禮物？
>/\<我上年都送唔到....今年又要重新諗過喇...
其實..如果可以唔使咁實際,我想送..唔講lu=3=

46.當你遇到不好令你沮喪的事，你希望Eugene唱哪首歌曲安慰你？
瑪莉蓮妒忌東方女生

47.你覺得Eugene說過最有趣的話是什麼？
好多啵!!!最覺得可愛既係..電台節目空中喱民中...亞喱同leo叫eugene用好惡既語氣咁講:你地兩個都死!!!但係eugene唔惡...>v<所以覺得好可愛哇..

48.你覺得Eugene唱哪一首歌最 "sexy"？
下?!達文西密碼掛?

49.跟Eugene去喝一杯吧！你覺得去哪裡喝最好呢？
茶樓..

50.倘若你這次去看演唱會能在第一排(Eugene能清楚的看到你)你要怎麼表現你的熱情？
勁望住佢傻笑,勁fing螢光棒,勁跟住佢唱歌,勁影相............不過絕不瘋狂尖叫(但當然會o係適當時候吶喊啦!)

51.如果Eugene去拍廣告的話，你希望他拍什麼廣告？
叫人定期做d乜乜檢查,懶係健康訊息果d

52.如果跟Eugene結婚的話，你希望他會是事事依著你的超溫柔男人，還是有一點大男人主義的男人(限女性回答)？
有一點大男人主義的男人

53.你跟Eugene兩個人到無人島上旅行的話，你要帶什麼東西去？
唔知呀..

54.如果Eugene是運動選手，你覺得他是哪一方面的選手？
一定要係籃球!

55.要你當嚮導帶Eugene到你家附近逛逛的話，你會帶他到哪裡去？
="=邊度都唔帶得唔得,成個天水圍連元朗冇忽好行...都係叫eugene返屋企算啦

56.你看到Eugene正在喝東西，他喝的是？
檸茶茶~

57.你喜歡Eugene戴不戴眼鏡？
冇意見,因為我覺得戴有戴既好,唔戴既有唔戴既好

58.如果Eugene是你的老師，他會是個什麼樣的老師？
同學生好fd既老師,(可能仲成日俾學生玩既老師)而且同其他老師相處好好...

59.連想題: 說到Eugene就想到的動作？
好難形容...兩隻手握實拳頭..

60.連想題: 說到Eugene就想到的詞語？
可愛

61.如果可以的話，你希望Eugene送你什麼禮物？
私人日記本,裡面寫左好多有關佢自己既野

62.Eugene靚仔嗎？哈…
靚就一般,不過型就好型囉!
不過我一向係鐘意型仔多過靚仔...再嚴謹d黎講,我對靚仔冇咩興趣..
但係就好鐘意d型男囉

63.如果可以跟Eugene約會的話，想要怎樣的約會呢？
一個好可愛的約會~可能係,,好多[腐碌]野既....好多笑聲既約會...

64.用一種動物來形容Eugene你會想到？
>0<又係依條我好驚既題目..果陣eugene生日我諗左好耐..最後好是但咁答左---兔仔...答案不變...因為eugene真係似兔仔,除左因為佢好人之外..望真d佢兩隻門牙好得意的=v=

65.請用一個字來形容Eugene的性格？
善良...@@

66.請簡單的形容一下Eugene歌曲的魅力？
前奏一出就已經好有氣勢,到eugene一開腔簡直係令人有興趣的感覺..令人一聽就唔捨得停,潘朵拉的盒子同達文西密碼就係好好既例子..

67.你會作哪個料理給肚子正餓的Eugene吃呢。
三文治,因為方便快捷,唔使等咁耐..eugene可以快d食到

68.Eugene肥嗎？
之前就肥囉(上年6-8月左右果排啦)之後年尾到依家都唔肥lu,岩岩好

69.你最喜歡Eugene的什麼表情？
冇表情or甜笑...微笑..=v=

70.你最喜歡Eugene的哪一部位？
面

71.你覺得Eugene的衫圍是？
哇~不善於睇人三圍的..我諗...30"30"30<--我是但講的,水桶肥人= ="

72.當你覺得很不爽的時候，你會聽哪一首歌？
潘朵拉的盒子,聖士提反

73.因為Eugene的關係你曾經讓你做過什麼瘋狂的事情？
冇咩特別....一日廿四小時都諗緊eugene...o係學校又勁講eugene...唔理咩事死都要拉埋eugene一齊講,例如..可能只係講緊咩顏色好,跟住我就會好自己咁諗起eugene某日著左咩色既衫,,一日廿四小時來回拎起又放低佢隻EP不下50次(差唔多好似痴線既咁..)除此之外都冇咩特別野,,瘋狂依樣野一世都冇機會用o係我身上...

74.因為Eugene的關係讓你感到困擾的事情？ 。
金錢問題...出funz交通費真係一個極大既問題囉...我住得咁遠....

75.你希望下一張專輯是怎樣的一張專輯？
有自己作既歌....即使係純音樂都好...每首歌歌詞之後都有eugene對依首歌既感覺..

76.你希望下一次演唱會的周邊賣什麼東西？
eugene超大頭咕口臣...eugene超級大頭貼....eugene特大版poster...好唔實際呀可..?咁水啦...

77.你去看演唱會時最期待的事情是什麼？
eugene會點出場,會對fans們講d咩

78.你覺得Eugene的缺點是？
唔知也..有少少奸仔掛=v=

79.你希望Eugene有哪些fans活動？
燒烤日...

80.你覺得最適合Eugene的女生類型是？
好sweet的女生,好識照顧人的...

81.就你知曉的人中，你認為誰會是Eugene的好朋友？
=0=toby應該係其中之一掛,,唔知呀....

82.就你知曉的歌曲當中( 非Eugene的歌曲 )， 你認為這首歌Eugene來唱的話說不定也不錯聽的一首歌是？
張信哲的信仰,,唔知點解第一首就諗到依首歌...好自然咁諗到..

83.倘若有一首對唱歌曲，你覺得Eugene跟誰合唱歌曲最適合？
官恩娜...>v<

84.倘若有一首對唱歌曲，是你和他唱的，你想是哪歌？
=0=我諗唔到

85.在街上巧遇到Eugene，你希望Eugene帶你到哪裡玩？
迪士尼樂園...海洋公園都唔錯的

86.身為Eugene fans的你， 夢想是什麼？
有一日,eugene企o係台上,講句多謝我就好喇,當然都冇可能架啦..只係我想姐,另外...當然我自己都有個夢想啦,同任何人都冇關..

87.你喜歡Eugene fans留鬍嗎？
下?冇意見啵...總之eugene唔留就得啦..

88.你手機的來電音樂是？
>/\<我部機....不過如果我錄到歌,我會用瑪莉蓮

89.早上起床發現Eugene 正躺在你旁邊睡的很熟這時候你的反應是？
搞錯呀...起身啦.....瞓我張床........仲要無啦啦o係我屋企,,擅闖民居...偶像都冇面俾,不過走之前講返句早晨先>v<

90.你最想知道Eugene 的什麼祕密？
>v<到底有幾多件polo tee....

91.你想跟Eugene 一起吃的食物是什麼？
生日蛋糕(我既生日)

92.你看見Eugene 很辛苦的樣子，你會做什麼？
大叫救命

93.終於你日盼夜盼的演唱會就在明天了，你第一件事想到的是？
仲有d咩我可以帶呢...仲有我要幾時出門口呢..

94.那麼聽完演唱會你必做的事是？
唔知,睇情況

95.你的朋有失戀了心情很沮喪，你會給他聽Eugene 的哪一首曲子？
潘朵拉的盒子

96.給Eugene fans們一句話？
乖d,,做一班令eugene引以為傲既fans,,支持eugene既音樂...
最重要係團結!團結就是力量....=v=yeah!

97.哪一function你的印象最深刻？
唉..大funz又未出過...
最深刻係8月12號同26號尖咀帟國,因為同eugene距離好近,仲有12號好趕咁去埋會展...之後屋企都未返到就拎個收音機出黎聽903...萬世巨星,,聽到eugene答d問題真係好O咀,結果o係車度勁笑,,俾人望住晒...26號就影左同eugene既第一張合照...14號朗豪坊深刻印象,因為等左勁耐=v=

98.請對Eugene媽媽說一句話？
你個仔好勁

99.10年後的Eugene將會變成？
成功的音樂人...揚名海外既猛人!不過愈猛就愈少機會見...

100.最後請對Eugene說一句話！
好勁呀你.......
其實都冇咩特別想講,果d好支持你好鍾意你果d,相信eugene會知的了...所以..都唔知講咩好喇....

***這份問卷我用了兩個半小時來做,,,是真的..
看我題題也答了這麼多東西...就證明我好用心地做了=v=
不過做這份問卷的日期是:
現在有幾條題目我想更改答案的::

38.Eugene的哪一首歌你最會唱最拿手？
達文西密碼

65.請用一個字來形容Eugene的性格？
傻...@@

68.Eugene肥嗎？
依家肥,,好多人都話佢肥..

72.當你覺得很不爽的時候，你會聽哪一首歌？
岩岩有多個選擇,仲好岩既添::問候你的天使

88.你手機的來電音樂是？
用到既我會用...一定要係葉宇澄既就問候你的天使,否則就用Kelly Clarkson的歌