咁今日唔知點解好準時...哇~係近3年來難得既準時,,
真係第一次出分都冇咁準時啦..我好乖咁o係預定時間出門,,
不過今次奇怪的是,我得張da都未得,,
咁我出左門口之後呢,,去到,字見任何人,張da都行緊過黎
今朝早亞鄧那魚要帶佢細佬到亞婆處,所以遲d黎..不過唔會遲到喎~
咁之後張da叫我過運動場搵佢,唔係掛,,唔想去...不過擾攘左一陣都話去搵佢既
不過佢都就快到銀座囉,我就無無聊聊咁上左天橋..走左天慈方向果條橋,,
之後張da問我行到字,我照實講左我o係邊,於是佢就話就快行到銀座喇....
=v=哈...無奈,,我唔想架..不過真係我知你就快到所以唔過去之嘛
都話左o係銀座等好d啦,,一來我又唔係咁記得行邊條路好d..唉,,之後就算數啦
冇左件事,我地一齊入左銀座,見到鄧那魚雙手差落褲袋,又見香口膠在佢口中...
之後仲係瞇埋對眼行路,明顯地佢係眼瞓+近視又唔戴眼鏡,所以睇唔到野
不過日日見親佢都係咁架啦......

之後呢,,我地就過去買飛啦,,途經CD店,JILL隻碟封面都唔似佢既...
咁行行行,行到去買飛,哇..無奈...依邊冇晒人,要過對面院買...
唉,,又要行..之後張da仲慢慢黎,3個人企o係度唔知做乜..
於是我勁叫佢地買飛啦...終於都買喇,,又推黎推去啵..
我就話一齊啦...超無奈既係,佢地兩個本身一齊話由我買啵..
使唔使咁夾呀,,蝦細路,一個大我一年,一個大我兩年...點我買飛...=3=
之後我地買啦,,好o咀,,有勁多位揀啵,,下?我地睇12:15場...都唔使少人到咁呀...
之後我地買完就上去啦..買左爆谷,,我發現我張學生證張相係scan得最靚...XDD!
咁呢,,仲要等多陣先開場..我地就等等等,等左一陣,
就入得去lu~入到去,我地坐正中間,入到去我覺得好似坐後一行好d
不過都ok啦...咁呢,,超爽,第一次坐正中間...
哈!不過唔知點解真係少人到咁?起初十個人都冇,九個囉
之後有兩個人入左黎,就11個喇..就係11個人一齊o係間大院度睇...
哈!um,,咁我地食爆谷啦,,唔知因乜解究,d爆谷咁鬼凍...= =
之後就睇啦...好白痴呀隻野....果d松咩.....哈哈XD!甘為佢粒果實而死
依D不屈不撓既精神真該學習...咁呢,,應昌佑把聲都唔似佢既..
ELLA就幾好呀,,把聲同隻長毛象幾襯呀..

哈!應昌佑配果隻好得意呀!!>﹏<超得意,,好似隻公仔,又大粒,
好想攬下佢搣下佢...kekekeeeee.....大隻妹都好得,,
應昌佑配音的長毛象說(忘記左佢叫咩名..")未見過咁大個pat,,
哈哈,好搞野...仲有呢..d間條鼠...其中一隻成日做果個動作好型
好熟喎個動作...指住果下呢......嗯...大隻妹bb果陣好得意XD,,

嗯..我睇冰河世紀又眼濕濕喇,,頂!好在真係眼濕濕咋..
係咪好奇怪..睇冰河都會眼濕濕,,其實係因為我睇到d動物上緊船,
但係應昌佑配果隻象走返去救大隻妹,,哇!真係眼濕濕囉..
o拿!!!絕對絕對絕對唔係因為佢咁勇而令我感動到眼濕濕,,
都估到實會去救佢架啦,,實唔死得既,,我係因為見到d冰溶得咁快
d水已經浸到唔知點喇,,勁多水喇已經..我就諗緊其實世界離依日都唔遠啦..
起初亞應仔象...(<--應仔象?)佢都以為世界唔會咁快末日,話d冰由一千年前已經o係度
仲話一千年之後都會o係度..依d咪係d人以為架囉,,即係世界有排都未玩完
到左真係大難臨頭先知大鑊...仲要係見到D水湧緊埋黎先知...
唉,,如果有日世界真係o係我地有生之年末日,我覺得到時人類都係會o係就死之前先識死囉...
諗到依度真係覺得有點兒可悲,,所以就眼濕濕喇,,今次唔係喊呀o拿..哈XD!
但係最最最令我諗到眼濕濕既係,,搞到世界咁係因為人類啵
如果唔係人類咁樣...D動物使鬼逃亡..?!本來世界好地地,兩極既冰都好正常咁O係度,
係人類搞到兩極溶雪,到時D水真係沖到埋黎...哇,,咁點算?
一百條命都唔夠死啦,,死硬既!死唔去果個真係要拜佢..
其實係我地累到D無辜既動物死的...

不過好搞笑...D人話長毛象絕晒種,得返應仔象一隻,,
佢就話唔會有絕種..點知D人問佢孔龍點計,,點知佢話:
鬼叫佢地得罪KING KONG..
哈...無奈笑死了...仲有...應仔象講故事俾班o靚仔聽,
個結局係個仔返到屋企同亞媽好開心咁生活落去..
點知d人叫佢加埋槍戰落去....哈...之後應仔象就話..咩咩咩..
咁好啦!最後個仔就返到屋企同個老母槍戰,然之後兩個都死左
XDD!癡線架班o靚仔,應仔象講得岩,都唔知佢地聽咩故事大..
哈哈,,不過依家d細路都係差唔多姐..成日話..都唔夠激既!
加埋打亞爸亞媽呀...槍戰呀..打死人既場面啦...仲試過聽過一個4歲的小妹妹說:
有埋強姦!!=0=無奈..係囉,,真係有細路係咁..我都想講句,,都唔知佢地聽乜故事大...

嗯,,果隻白痴松咩,,身為一個小角色,佢竟然係成班動物既主..
佢一粒果實整爆d冰,就令到d水退左,真係勁喇...=v="||
最後大隻妹同應仔象一齊,,佢地兩個個pat都好大..好可愛哇~

之後我地睇完戲,陪張da去廁所,鄧那魚話返歸喇啵
跟住張da就打電話俾皮,,咁講講講...
之後我地等左陣,,,咁我好肚餓啵,就買左包"由"魚絲,之後食啦,,
張da好型,,,千辛萬苦咁走上屈臣氏買香口膠?!=0=
咁我地之後就出左去輕鐵站果個門口等米啦,
之後我地就一齊去學校接皮皮同馬仔,,馬仔都黎飲茶,,高興..
咁我地之後又返返去銀座..車,,,皮皮個好朋友都唔黎...
咁我地就五條友上左去飲茶lu,,哇~正斗耶!
其實呢,,佢地叫d野我都唔係咁想食,,不過叫到就梗係食啦,,
咁呢...我地就飲茶啦,,呀..皮好搞笑呀...
佢係咁眨眼..XD!我地又成日四目相交...哈哈.....
大約4點幾左右,就走啦...咁埋單果陣..
皮又發揮佢強項...=0=佢問個經理:依度使唔使洗碗架?
死啦,,我得十蚊咋...咁個經理話佢咁細個,都唔會請佢..
之後皮皮話:咁即係話我冇能力洗碗姐...XD
咁之後馬仔就要去元朗啦,,所以得返我,張da,皮同米一齊4人去新北江
因皮要買鞋,,我又想順便買件衫,咁我地去到啦,,行行行行左陣,,
之後皮買左對藍鞋,,佢話鍾意波波...=v=之後又行行行
大約我諗5點幾掛,,冇睇鐘,,米又要走了
咁送完佢落輕鐵站,張da突然提出一個令我驚訝既提議,,
去影貼紙相,,哇~我即時雙眼發光囉,估都估唔到張da會話去影貼紙相,,
平時叫佢影張相都好艱難家嘛,,,咁我地3個人就行行行...我就順手買左件衫..
咁就唔使次次都係果件紅色衫喇...咁買完就上去上面影貼紙相啦
我地又影公主果部機,今次皮皮話要灰姑娘...問我就一定要貝兒啦
不過都試過囉,咁灰姑娘都唔錯丫,,係貝兒之後,我第二鍾意的,,
有機會既話6個公主都試晒就好喇..咁我地影...咁要倡錢嘛
我行過去,見到,,咿?咁多人...一陣先,,咁就兜左個大圈返去啦,,
返到去佢地問我我係咪淆底..T/\T無奈...咁見多人咪返去先囉..
咁然後張da就派左皮去倡,點知皮一返黎既第一句話係:你淆底?
之後我望一望,,下?點解依家得咁少人架!!!>/\<無啦啦又做左次淆底獸..
算啦,,,不過真係好好笑,,咁我本身同張da  o係部機裡面照緊鏡家嘛
我地閂左塊布,咁皮一返黎就扯開塊布話:你淆底?
哈哈XD!笑死我...型到丫..之後我地影啦,,
影完之後揀相,,點知很無奈就揀左4張,四張都係半身
咁呢,,有一張我係影唔到少少既,,(不過其實我張張都唔係影得晒)
咁之後畫野啦,,畫畫畫,,哇~我自問都係咁上下啦畫到,
因為唔知畫咩好...所以整左好少野,,又唔知佢地畫得點呢?
咁之後等佢出黎啦,,終於等到喇,一睇,,原來我同皮畫既都幾似
咁我地又要煩下要邊張喇啵,,我畫得最靚果張(我先問都係4張之中畫得最靚果張)
俾佢地兩個拎左T/\T咁我唯有要細張果個啦...

嗯,,到左6點幾先返到屋企,今日真的是HAPPY,,成個假期難得既精彩..
呀~咁返到屋企就hea啦,,之後食飯,跟住開電腦...玩到12:00幾先閂,
因為一來真係想玩耐d,二來係費事咁早瞓,反正瞓唔著
所以諗住捱夜d先瞓可能容易瞓著d
但係我估計錯誤..我都係要聽完卡啦o!Babe先瞓..."

呀,,冇錯,,我冇估錯..我果真係失眠,,我咩咁大壓力呀?失眠?
唔係測驗掛,,我唔當測驗係一回事黎架啵不嬲,,,
我覺得唔係壓力啦...我有幾何覺得有壓力,
擺到明依家我係因為日間太多活動或者到左夜晚都仲係腦部好活躍..
瞓唔到囉,我都唔明點解我會咁興奮...唔好話俾我知係因為葉宇澄既野囉
我會好無奈...但係今日都冇睇到關於佢既野..

專家說 -- ＊”
失眠,,香港有好多人都唔知自己失眠..
失眠,,並唔係成晚瞓唔著先算係失眠..
失眠,,包括響張床上面好耐都瞓唔著..
失眠,,仲包括埋經常瞓瞓下會扎醒左..
失眠,,仲包括埋其他瞓得唔好既徵狀..

所以!我就係失眠囉..不過第二朝起身都冇咩野,,唔會好攰,
所以我都唔知係咪真係失眠.."