呀!先貼些無聊東西:

Lee的成份如下：

• [鋼之鍊金術師] 阿力士．路易．阿姆士唐的自戀：36.91%
• 路人甲：31.09%
• 如雷貫耳嫉惡如仇屢敗屢戰身手了得武功高強俠骨柔腸來去無蹤聰明伶俐靜如處子動若脫兔入水能游出水能跳的奇人：21.94%
• [棋靈王] 藤原佐為(你已經死了)：4.02%
• [死亡筆記] M的復仇心：2.69%
• [網球王子] 手塚國光(神人?)：1.84%
• [海賊王] 奈美的愛錢：1.49%

(好開心有佐為,佐為好靚女[??人家是仔來的])

張XX的成份如下：

• [薔薇少女] 翠星石的傲氣：46.63%
• [翼] 小櫻的愛睡：35.41%
• [海賊王] 妮歌．魯賓的獨立：8.09%
• 飛天遁地攀山涉水踏沙履冰穿林越洋伸張正義嫉惡如仇急市民所急想百姓所想支持一國兩制維護世界和平擁有Ｑo麥標誌的精英：3.92%
• [多啦A夢] 多啦A夢的萬能：3.32%
• 路人甲：2.53%

(我覺得都OK啦..>V<)

燒傷爆滿的成份如下：

• [忍者亂太郎] 新丁的為食：34.86%
• [鋼之鍊金術師] 桂杜尼的好食：21.70%
• [網球王子] 河村隆的熱血：21.70%
• [鬼眼狂刀] 御手洗燈吉郎(表男內女)：19.94%
• [多啦A夢] 阿福的晒命：0.91%
• [地獄少女] 閻魔愛的怨念：0.49%
• [海賊王] 奈美的愛錢：0.40%

(哈哈!中左70%左右啦!哈哈..)

葉宇澄的成份如下：

• [鬼眼狂刀] 四聖天．明的勤奮：43.45%
• 飛天遁地攀山涉水踏沙履冰穿林越洋伸張正義嫉惡如仇急市民所急想百姓所想支持一國兩制維護世界和平擁有Ｑo麥標誌的精英：24.67%
• 路人甲：14.42%
• [行運超人] 行運超人的好運：10.81%
• [死亡筆記] M的復仇心：4.66%
• [我的女神] 貝露丹迪(是完美了)：1.77%
• [死亡筆記] 死神流克的漠視天下：0.20%

(正到爆咪啦,不過[我的女神] 貝露丹迪(是完美了)：1.77%有點保留=_____=
同埋我睇到飛天遁地攀山涉水踏沙履冰穿林越洋伸張正義嫉惡如仇
急市民所急想百姓所想支持一國兩制維護世界和平擁有Ｑo麥標誌的精英
之後~即時鍾意左「飛天遁地」依四個字,突然覺得好好笑,大家幻想下.....
葉宇澄o係度飛天遁地啵!係咪好好笑先?!XDDDD!
Super Man Mr. Yip)

姚XX的成份如下：

• [網球王子] 河村隆的熱血：81.68%
• [海賊王] 妮歌．魯賓的獨立：11.96%
• 飛天遁地攀山涉水踏沙履冰穿林越洋伸張正義嫉惡如仇急市民所急想百姓所想支持一國兩制維護世界和平擁有Ｑo麥標誌的精英：4.12%
• [死亡筆記] M的復仇心：1.46%
• [我的女神] 貝露丹迪(是完美了)：0.78%

(哈哈,講到佢咁完美...係掛..?哈..)

曾XX的成份如下：

• [死亡筆記] N的正義感：51.85%
• [鋼之鍊金術師] 馬斯．修茲的家庭溫情：21.00%
• 謎：11.52%
• [網球王子] 乾貞治的速算：10.84%
• [鋼之鍊金術師] 安比的殘暴：2.99%
• [翼] 法伊的神秘：1.14%
• 天下第一舉世無雙絕對無敵真正非常超越超級震古鑠今空前絕後刀槍不入無堅不摧無所不能好厲害：0.61%

(都OK似啵...嘻*)

接著這個才是猛!!

XX邦的成份如下：

• 謎：38.42%
• 天邊一朵雲：30.34%
• [海賊王] 莫奇．Ｄ．路飛的IQ(不用想 是白痴)：17.75%
• [薔薇少女] 蒼星石的冷靜：10.61%
• [鋼之鍊金術師] 阿力士．路易．阿姆士唐的自戀：1.20%
• [我的主人] 中林義貴(制服狂加戀童癖加偷拍狂加美少女電玩狂)：0.98%
• [網球王子] 越前龍馬的臭串：0.68%

(正常黎講我係唔會諗到依個人,不過個腦o係度搜索緊有咩人名果陣,突然彈出依個名,
於是就下意識玩下啦,點知...猛到咁..可能佢真係咁都唔定...哈哈...
唔太熟依個人,所以唔知LU~>U<)

玩左咁多個成分分析,依個最似同最好玩XD
http://www.orz-hk.com/name.php

係咪好靚呢？＞ｖ＜係唔係有D眼前一亮Fｅｅ|呢？
唔係問葉宇澄，係整體上。依張相係葉宇澄新碟裡面既其中一張相，
哈哈！好多人用依張相整Ｂan，不過我都想整個新Bａｎ，
因為我之前個橙色Ｂan，用左好多個月，１２月用到依家，
所以依家要換Ｂan喇！哈哈！不過大家留意佢個耳環，看到是「Ｖ」字嗎？
其實那個到底是Ｖ字還是心心，沒有人解答得到－0－

||＊-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-＊||

咁呢,,今日就返學啦...返去又要集隊..="=

我起身果陣又肚痛喇,,唉...痾又唔係,,嘔又唔係..
咁到出門口果陣呢,(同亞媽出)終於忍唔住同佢講肚痛
於是返入屋企[茶]油啦,咁我一入屋,就忍唔住又嘔喇~
不過嘔左DD野姐,,幾滴野..哇~舒服晒~跟住[茶]油,,
然後就又出門口喇,跟住都冇野啦成日都..

咁第一堂係中文..今堂教書啵!第一個俾人叫起身答問題既竟然係我..
=0=miss wong十年先會叫一次20號,
今日竟然就o係我仲諗緊到底中史書入面d野果陣,突然叫左20號?
o咀,,於是我就起身啦,,,我唔想答....因為組織唔好,
我又費事揭書啦,,林柱就指左俾我睇,但係佢手指遮住左,
我睇唔到耶>____________<問題是這樣的:春望依首詩想講d咩
如果就我自己既解釋,我係會話,首詩係講戰爭..安史之亂,杜甫見唔到家人,
所以好傷心,好多煩惱,令頭髮都稀疏..表達出佢對家人思念既情懷.......
之但係咁啵,,冇理由咁樣答野家嘛....以都係唔講出黎囉,,

之後係科學堂,我仲係諗緊中史呢...果d野囉..
個腦充滿住中史...親愛的中史~希望測驗果陣唔好浪費我心機啦
如果唔係我會後悔放棄左玩電腦同聽收音機既時間架

咁西史堂就教書啦,,唔教書冇野做架啦,我就..我唔記得自己o係度做咩喇
多數都係發夢中..

然後係地理,pk啦!唔識畫橫切面呀!同埋果d咩誇大咩咩..
頂!地理我覺得本身冇咩野,係憎睇地圖呀,,天文果d咩咩氣象圖果d囉
好憎睇圖,睇圖都算啦,又要計數啵!又要記公式喇啵!
記一條公式計一條數對於我黎講比記多十頁中史仲要難
冇誇大,我真係咁..真係架啵,,背野有幾難姐,,睇下睇下,背下背下就記得架啦
但係計數又要諗...我又唔係唔鍾意諗野呀,不知幾鍾意諗野
特別係可以發揮我小宇宙既時候...哈XDD!諗野好好玩,好開心的,,
但係計野就真係死囉,,見到幾粒數字已經覺得煩
基本上見到雙位數字同史位數字組成既式我都好憎
例如:32+18咁啦,,雖然一睇就知係40,不過始終太多個數字喇
(太多??)好鬼乞我憎囉,,仲要依家唔係計依D加減乘除呀嘛

之後係英文,,兩堂英文都係用黎做練習,
不過我同林柱就不停o係度討論緊我d星星囉,,佢玩我支金筆啵
話要油我d星星>﹏<但係依d咁神聖既野緊俾留返俾自己做啦..
我就唔肯啦,之後佢又話一定要油,,話油一粒,之後我唔理佢啦..
咁我支筆依家油唔到野家嘛...咁林柱就係咁fing fing fing...
點知一fing!就出事喇,佢fing到成隻手都係金色野,好搞笑XDD!
之後佢再油油油..仲叫我摺多幾粒星,
咁我就話唔想專登摺啦,因為我之前摺果D星都係用D唔要既紙條摺,
即係例如中文果D工作紙要貼簿,咁要CUT左D邊佢,
咁果D邊我咪要黎摺星星囉,,依個係我摺星星既宗旨(??)
我仲曾經為我依個咁偉大咁環保既星星工程仿作過冰心的紙船,
有機會的話我就發表一下啦XDDD!除左我,睇過依首詩既人世上得兩個,
一.係鄧那魚,二係張da,,很有型的一首詩,其他人睇就唔知我up乜既
不過佢地兩個會知囉...唯一知我首詩講緊咩既野人應該得佢地兩個
好啦,,咁我原本係諗住唔要d紙先要黎摺星,咁又冇廢紙,
點知林柱就拎左我俾佢果白張紙黎叫我摺..=口=違反原則啵,
既唔係環保,又冇左星星工程既意義...
(意義是指:我要慢慢逐粒逐粒儲起,愈積愈多..咁先有成功感嘛)
>/\<不過英文堂咁無聊,,就勉強咁破一次例啦!下次唔會喇!
我一定要遵守依個:我從不肯放棄一條紙,總是留著---留著,,
依句咁經典,就係我仿作冰心既紙船第一句喇...依句亦說明左係一條紙..
仲要係廢果隻先算,點知林柱即時o係依張咁白滑既白紙上面寫野寫野寫野,,
好o咀!既然佢咁絕,(佢白白浪費左一張白滑既白紙>/\<張紙仲要係我既添)
咁我唯有摺啦,,,唉...我今日話:不如我教你摺星星丫~
點知佢聽到我話心心...=0=之後我話係星星,佢就話唔使,
跟住我就話,咁不如我教你摺心心啦...之後佢話都唔使喇
男人老狗學乜鬼摺心心丫,,=v=咁又係...佢學黎都冇咩用...
唔通摺俾女咩....

之後係LUNCH,冇東西吃,,睇住張da佢地吃著美味的鳳爪排骨飯同埋"差"燒飯..
>口<咁之後打左鐘就落去買野飲,飲左野之後飽晒~

跟住就係maths,哇!兩堂都o係度hea囉,冇教書冇溫習,
兩堂就係自由活動....我就好努力咁摺我d星星,>v<好正呀!
眼光我筆袋d星星由一粒變兩粒,兩粒變四粒,四粒變十粒,再由十粒變成十七粒
好有成功感耶!>U<

(即刻諗起空中喱民節目首歌:兩個變四個,四個變8個,炸滿個數碼港~[路人甲:低b])

咁我除左摺星星,仲用紙巾寫左幾行字俾張da,,哈...
咁放學啦.....我見到某對男女o係天耀上車,超親暱....
好無奈喎我=0=好在我唔識佢地姐..哈哈,,咁最勁係停車果陣囉,,,
佢地感情真係好,,,搞到企o係後面既我,,覺得應該要跳車走佬...
咁正當我無奈緊果陣,o係樂湖站見到亞施啵!哈呵呵..>v<
本身係佢叫我我先知佢上左車..哈哈,我開場白係:幾時返小學,,
哈哈XD突然好愛我依句開場白..咁亞施話就今日啦~咁咪好囉!
其實我本身諗住返屋企溫書架..不過咁難得有機會見到,咁咪返去囉!
反正我又唔係一D書都未溫過..多日來既努力冇白費到>/\<!
咁呢,,好好笑,,我同亞施掛住傾計,遺忘左同亞施一齊上車果個女仔...
其實我本身係叫亞施過黎果陣想叫埋佢個FD過黎,不過見唔到掛~

之後我地就係咁傾傾傾,,路車果陣先發現冇理到個女仔...=V=
之後我今日勁肚餓啦嘛,就去買左個包食,但係唔熱既!
我想食熱野,,又唔知邊D係新鮮出爐,正當我想問果陣
有個亞叔就問左先,,咁冇理由做埋同亞叔一樣既野嘛,
所以最後買左個蒜蓉包...然後返小學啦...突然覺得返小學條路好遠,,
行極都唔到咁..唉..哇!一入到去...勁多靚畫啵,係5年班D人畫架囉
靚到丫....我地都未必畫唔到啦,跟住我發現,LSK應該係搞緊D懶藝術既野...
周圍都係畫,當然係靚的,唉..妒忌呀,,畫得咁靚,令我又諗起D激氣野..

果陣成果展揀左我幅我視為珍寶既水果素描出去,點知冇展到出黎之餘!
仲要唔俾返我T口T好傷心,我就咁白白冇左幅珍寶喇!
應該係我最後一幅95分既畫呀!(冇理由中學拎到95分掛=V=)
仲要最討厭既係,,即係唔好話我話啦,,我畫果幅靚過展出黎果幾廿幅囉!
除左郝敏棋果張(我鬥唔過佢架啦~我小學裡面素描果方面唯一既對手)
其實呀,,擺到明係主力捧晒D班囉,,我自問我地E班D畫靚過佢地啵
唔係亂吹囉,是但拎張俾許SIR揀出黎既畫同佢地是但一張比
一定靚過佢地,就係諗唔明點解要展佢地果D囉
成個展美勞野既室,六年班裡面佔左成6、7成係D班架囉
好憎喎!許SIR俾分一定唔會係鬆手啦!俾得高分果D都真係幾好家嘛
隔離班就唔知啦...又未俾佢教過,不過就咁睇佢地展出黎果D,,
即係,,睇晒全部佢地班果D..即係...當然係有返咁上下先俾人展出黎啦
但係我覺得我地班畫果D好D囉,真係囉..最直接係睇素描喇..
展得最多係素描..哇..即係唔好話我扮野..好,,唔搵我地九字頭果幾張畫比,
拎8字頭果幾張同佢地展出黎果D比喇,差唔多咋啵,
有D仲好過佢地果D囉,,咁即係好明顯啦!我地既8字頭等如佢地可以展出黎既畫..
不過唔同既...我地用顏色素描,佢地用鉛筆(定唔知係咪素描筆)
所以我唔知係因為用單色畫難D丫,定係因為要捧隔離班,
總之我係覺得我地班D畫係靚過人地班囉,,
就唔睇佢地D筆痕唔係全部順住架喇,就咁睇佢地畫個形狀都覺得唔係咁妥啦..
不過算啦....我淨係想要返我個寶貝咋,,我花左咁多心機畫,
畫左一個下午,本身仲話左要拎俾素描老師MISS WAN睇家嘛
睇下我有幾學有所成XDD!點知佢唔俾返我..>_<LSK最乞我憎係依件事囉,,
我既寶貝~>3<(諗起旺仔QQ糖個廣告,,COME ON BABY~)
不過最好笑係今日o係樓梯口見到著乜曾張畫仲貼左o係度囉~
係咪勁先!XD!係咪要講依個好消息俾佢聽呢?

咁之後我地上左去七樓,見唔到戴老師,於是落左6樓搵佢,去左6E,
真係搵到啵!呵呵!勁驚啵,全級六年班都有人留堂喎!
好恐怖,跟住仲要其他級別都有好多人留緊堂囉
好變態,真係驚,補課係冇理由既事,因為星期一係唔會補課既..
之後入左去同戴老師傾下偈,吹陣水,食埋個包,
五點喇!之後D留堂既學生就走啦....我同亞施就落左去買野食,
點知部PK食物機,咁多年都冇進步,又o係度食我錢..
讀咁耐書就食我咁耐錢,依家我小小既$3.5都食,,
他媽的...不過唔緊要啦,,O係果度讀咁耐書,,年中都蝕唔少錢俾學校
特別係部死人食物機,相信人人都有依個糟遇,即係呢,部機唔食錢呢,
擺o係度都冇用囉,唔食錢要黎做咩?就係用黎搶細路錢家嘛...
又話之前小食部賣d野唔健康,所以開校一年之前就摺埋左間野喇,維他既
超!部機賣果d我唔見得有幾健康...咁之後呢,就落左地下買野飲囉
地下部食物機都壞左...哇!不過有部新既飲品機超正啵,d野飲又平,
又好似好好飲咁,跟住又過癮啵,真係好想入多幾次錢[禁]下部機呀!
好得意架!哈哈XDD!我買左罐美碌,,好飲..咁我地就睇到操場有個POSTER既物體,
係咩咩藝術展定唔知咩..o係元朗劇院,亞施間JJJ都有份,於是我地就話5月1號去啦!
因為展到5月2號,好耶!!記住喇啵咁..之後坐左去D凳度啦,,好想入球場跑耶~
不過會好低B,,俾7樓D老師見到就一年之內唔使指意再返去..."仲使見人既..
咁我地就都想約於之前D人出黎玩耶,,,好耐冇見過...想灼燒野食,BBQ!
哈哈,,但係我又想唱K..不過如果約晒出黎就梗係燒野食啦,,,唱K唔使錢咩
咁呢....之後上返6樓搵戴老師...我同亞施畫黑板,超好笑XDD!我畫左個好靚既心心,
點知亞施睇到係個孖潤咀囉!無奈~好!我話左會畫返張靚咀俾你既!
下次見到你就俾你啦!5月1號果日,,記得要鑲起佢啵!

然後差唔多6點果陣就走啦...點知戴老師問同唔同埋佢走,老實講
唔想!!不過冇理咁咁樣答佢家嘛,,,要保持我O係佢心目中尊敬師長既形象
所以就話是但啦,,跟左佢上七樓,等佢執野,點知一等,等左幾個字,,頂!
如果唔等埋佢,我返到屋企啦,,唉,,等埋佢,跟住一路行一路問我地野
呀,,星期三呢,就要正式填小六升中果張表喇,,即係揀學校呀!
戴老師今日同我講左第N以下句野:詠君你一揀就揀左天官,所以入到,
冇咩人揀天官架....係你獨具慧眼,,就入到第一志願喇
=口=同我講左好多次喇,,唔知今年又有幾多人好似我咁"獨具慧眼"呢?
哈哈,今年D中一我認得幾個囉,不過佢地認唔認得我係另一點事,
不過好似有一個認得我架,,仲同我HI添..=0=我地其實唔識架
不過大家LSK出黎,又曾經同係幾年既合唱團團員...

*戴老師愈黎愈矮喇XDDD!我高左,,高左,,高左~哈哈
高過戴老師好多喇,,哇卡卡...
UM,,今日見唔到黃SIR囉,,唉也...返黎見唔到佢添,,
揀唔岩時候喇,不過都好,逃過俾佢串既危機...
仲有,,許SIR應該都好唔得閒,,見過佢兩面,都冇講野
好懷念佢D非常優雅既:HI~(="=嘔)
連張SIR都不停見佢O係幾個教員室出出入入...入入出出咁..
大家都真係好忙,好在見到戴老師,如果唔係今日就真係低B左喇

+---------- ＊我tomorrow要帶:

1.YES! (給張da)
2.葉宇澄隻碟 (給林柱)
3.隔壁的亞馬遜森林 (給小鳳)

之但係~第3樣野--隔壁的亞馬遜森林依本書,我買左都未睇
今日就口快講左話聽日帶,=0=所以我決定聽日先講話我要睇啦
測完驗先借俾佢...

咁,,第2樣野..XDD係咪好正...葉宇澄隻碟,仲要係俾林柱啵!

事緣係咁:
MATHS堂冇野做,我地O係度拎本音樂書出黎唱歌
(超白痴...俾鄺朗賢妖!XDDDDDDD!因為佢同人講緊野,,我地就唱唱唱..)
之後我就順口唱下問候你的天使啦,,跟住又唱左D葉宇澄歌啦,,
林柱就問我點解咁鍾意葉宇澄(佢之前問過喇好似)
咁之後又問佢D歌有咩好聽,我就問佢有冇聽過佢D歌
佢話冇喎,話如果我有[燒]碟機,就可以俾佢聽啦...
之後我話,不如我借佢隻碟俾你啦!

就係咁......我就可以宣傳一下葉宇澄喇!>﹏<
我有預感,佢會重點咁聽瑪莉與偉業,因為係慢歌
聽佢平時聽果D歌,都係慢既.........
唉..心灰,,佢又係聽側田的,(雖然唔聽張繼聰已經好好)
不過我一定要林柱從此認識一條肥歌手--葉宇澄!
好...好......於是我就一返到屋企就拎隻碟出黎欣賞欣賞,,
回味一下就放好落書包,,聽日拎俾佢XDD!唔知點解好興奮..ke...
佢還返俾我果日,我一定要入落dvd機聽下..好好回味一番...