呢個2012真係唔易過,至到9月係一個新開始,呢3個月不知不覺就過左,好似過得好快,而家諗返起呢3個月真係有個強烈嘅感覺覺得時間過得好快,好耐都冇試過有呢個感覺,望住自己本schedule book,要做嘅事寫得密密麻麻,,但望真d又好似冇咩做到d咩好特別嘅事...um....um.....雖然..其實都有d事件係印象深刻,諗返都覺得開心嘅 :) 不過當中好多事都係匆匆過左...眨下眼就完左,眨下眼就過左幾個月,咁就年尾喇? :-O

呢兩個月我覺得自己多愁善感左,我已經好耐冇打過blog,但呢段時間有d野令我真係需要搵地方抒發下感受而打返blog,竟然...我都估唔到會係咁...係啦係private哂架喇...抒發感受係講緊秘密架啦....秘密又點可以公開..hahaa..但其實我又唔係有d咩唔開心嘅事,有d都係開心事黎:P 只係有d野好想記低........

雖然話,每年都一定有開心嘅事同埋唔開心嘅事,今年亦都唔係最多開心事/唔開心事嘅一年,但唔知點解今年負能量感覺特別多,不過都已經過左去喇,,喺度多謝今年曾經俾我捉住黎聽我講心事(?!)同埋同我分憂幫我解決煩惱,俾意見我嘅朋友啦,實在係太多人喇,曾經有一段時間,考完AL之後我真係差唔多日日都好似好多野煩咁,多到我都覺得自己好煩,多謝日日都肯聽我講自己野我肯應我又唔開口鬧我嘅各位啦!其實亦都有少少覺得對唔住一d朋友仔,點都好啦我而家好好,過得開心 :)

今年亦都覺得呢,真係人開始大,大家都有好多自己嘅事要處理,唉

對於我黎講2012最重要嘅係我睇到自己心態上思想上有d轉變,而且仲係變過好幾次,其實每次轉完之後都會諗到底自己咁諗係唔係錯,到底有冇做錯決定,到底我咁做會唔會係諗得唔夠全面...等等..今年亦都唔知點解突然有一刻個腦轉一轉,睇清楚左一D野,有一種諗法令到自己變得積極左,亦影響到其後呢段時間做過嘅事,令我做左一d以前唔會做嘅事,雖然唔係咩大事,不過確實係見到自己改變嘅一d小小嘅證明啦

另外就係今年搵返一d野...有一d遺忘左嘅感覺,搵得返,,好開心 :)

仲有就係,學識將一d覺得珍貴嘅野好好收起,愈珍惜就愈要保護好,覺得開心,自己鍾意嘅事物係要同人分享,但有d野只要自己將佢收起去心入面一角就好了:)

呀......呢幾個月我覺得自己記性差左!!我呢幾個月已經喺學校漏低野/唔見野左幾次,,我以前唔係咁/_\我以前真係好少會漏低野/唔見野,,點算啊....點解而家咁冇記性...

仲有,

2GB手指都偷嘅人食屎啦

有d人有d事雖然上面冇提,不過今年同大家一齊嘅時光我都記得嘅 :) 多謝..多謝任何一個有份組成我2012美好的回憶嘅各位,雖然可能你地自己唔知自己有份:P

我都知大家都鍾意正面積極嘅野架喇..我記得上年嘅呢個時候我有好多負能量架,到今年嘅呢一刻,唔係果回事了...(雖然其實都負負地)2012要記住嘅係「想做就去做啦」,2013亦都要記住,因為來年仲會有更多野要做,更多新挑戰,努力!

最後,我真係好鍾意時空呢首歌

「年年度過　怕只怕　年年白過　而據點只得句點」
希望出年精彩d啦

HAPPY NEW YEAR! 真心希望2012話唔開心嘅朋友出年可以過得順心d