近排勁迷依首歌::

Get Out

主唱：衛詩 Jill
作曲：雷頌德
填詞：林夕
編曲：雷頌德
監製：雷頌德

do......
我也算見慣世界我不蠢
沒外遇實在令人沒法信
我愛你卻更愛鍚我青春
極硬淨道別亦能忍痛

get out  get out get out get out of my life
get out get out get out of my life
get out  get out get out of my life

Tick tock, oh Tick Tick tock　我等緊你
準備　大家分飛 自己知機
你個性博愛卻也算卑鄙　
玩具玩謝後便來拋棄

get out  get out get out get out of my life
get out get out get out of my life
get out  get out get out of my life

should I cry災劫早該結束　
should I cry敢講我心不痛
should I cry解脫應該慶祝　
I won't cry想跟你搞歡送

Tick tock, oh Tick Tick tock　我想跟你
剖白　鬧交都可 絕交都可
你愛上過我也有過花火　
但事後利用別人傷我

get out  get out get out get out of my life
get out get out get out of my life
get out  get out get out of my life

should I cry分開堪稱有福　
should I cry只貪你的英俊
should I cry玩過應該滿足　
I won't cry
喜歡你 那些好感 不可信
為何你這樣壞　
自問硬朗走得夠快I won't cry,
baby I won't cry
cry, cry, I won't cry

好正呀!好好聽.......我加左去上面d歌度lu,,,
get out get out get out get out of my life........>0<好正呢!

嗯,,今日呀嘛...朝早醒左一次,唔知果陣幾點..
番瞓啦...點知一瞓就差唔多12點...唔緊要,,照瞓...
不過我冇瞓到...係瞓左o係張床度hea姐..
唔想起身,因為d牙唔係咁舒服,我feel到自己今日會幾火下
因為牙肉唔舒服,尋晚搞到d牙痛咁又瞓得唔係咁好..
好煩呀...隻牙出極都出唔到黎,另一邊果隻生長速度奇快..
三日就出左一半,好明顯係谷左好耐先出到黎...
因為隻牙出黎之前牙肉腫左勁耐,出左黎之後就冇事喇
但係同時間另一邊既牙肉都有一齊腫,但係並冇出到牙
過左好耐先出左一個小角,之後就再冇改變喇..
到底我隻牙係咪打算出咁少喇...係既話唔該唔好再腫啦,,好鬼痛呀...

="=尋晚成晚個心都諗緊get out依首歌,,真係太好聽喇...
簡直同果陣我岩岩迷達文西密碼首歌果陣既程度差不多
不過都係唔及達文西咁勁,,而我敢肯定我唔會因此而鍾意衛詩

咁我o係張床度瞓下瞓下,又冇野做..就睇我個harry potter啦...
好緊張呀!>0<我終於圓左個既夢喇..我個哈波五終於要睇晒喇..
(唉,,人地等緊第七部既時候我先黎高興我就快睇完身五部..)
嗯,,好!!不過我睇左陣,差唔多12:30左右啦我諗,
就起身lu...之前睇報紙,跟住就食粥,炒粉,然後再走入房睇哈波
oh,,果陣係1:30之後,不過唔確定係幾點,咁我一睇...就睇到4:00喇!
好勁呀...>__________<好好睇呀...我覺得比第三同第四好睇
都唔知點解d人話第三最好睇,我覺得最唔根睇係第三啵,
雖然第三講左好多有關哈利老竇既野..包括佢d朋友雷木思同天狼星,
不過我依然覺得第三悶....好多都係講哈利佢地自己本身,
跟本都冇果種....果種果種...果種feel呀...即係第一,
第二都係講到好多魔法既野..第三就主要講緊天狼星佢地既野,
都唔"魔法"..咁第四呢...都係講緊哈利佢地本身...um,,
老實講我睇完依兩本之後呢,,除左話佛地魔已經返黎係同魔法世界有d關連之外...
都唔係咁"魔法"姐...都有d悶...=0=我講既悶唔係本野悶,
而係冇我期待中咁"魔法"...咁第三本呢,,我覺得唔好睇既原因係..
坦白講,我對於哈利老竇d朋友冇咩興趣XDDD......都係鍾意睇返哈利佢地..
之後依家睇第五,哇~果種...套哈利句說話:I love magic. 既感覺又返返黎呀..
講左好多霍格華茲入面既人與人之間既野,,魔法世界其他人既野
好多唔同既人出現左,佛地魔大陰謀又顯現左...哇~真係唔知第六部係點呢
好想睇..快d有得睇就好喇~不過我諗都要等到出年或者再出年先睇到,
因為我係用借的,,,仲要係學校圖書館借的..我又唔想預約,
唯有慢慢等..等..等....呀,,依家偶爾都會睇到哈波四,
我有時都o係度猶豫到底要唔要借返去睇呢?我睇過一次喇啵..
(不過唔係睇書..係從另一個途徑...當然係合法的..
=v=一至四我都係咁睇....第五部係我第一次拎住本書黎睇....)
不過都係等我睇得到第六先算啦.我諗到時第七都已經出左喇...

呀啊啊.....咁我睇完書之後呢...>m<有種失落感,
終於明白點解D人睇完第五之後會咁唔開心..
係因為天狼星掛掉了...其實呢..天狼星死左我冇咩感覺,,
因為我始終係對哈波裡面D大人冇咩興趣
(除左石內卜之外XD,因為佢實在太惹我喜愛,我都唔知點解會咁)
咁佢死左我會唔開心係因為尼克講既說話:唔係每個巫師都會揀果條路黎走
唉,,不過我諗呢,假如天狼星真係如哈利所願成為左"休"靈,
都幾好笑XDD我都唔想咁講,不過真係好好笑...可能係因為好奇怪啦..
嗯,,而最令我唔開心係..當非尼亞知道自己個"冇用既玄外孫"死掉了..
果陣佢既驚慌表現,真係令我感到有點兒....um..唔知點既感覺
唔知佢咁驚係因為佢始終係錫佢既玄外孫,
定係純粹因為天狼星係布萊克家族最後一員呢?
我幻想緊非尼亞不停o係布萊克果棟大宅既畫像穿梭搜尋天狼星既蹤影既情況
真係有點點想同佢講:接受現實啦..嗯...唔知非尼亞會唔會因為痛失玄外孫而喊..
XDD....希望唔會啦,,丫!係啵..我睇到後尾鄧不利多同哈利解釋D野果陣
提到崔老妮曾經講過D預言...我諗緊呢...第三果陣呢....
崔老妮係咪都有D咁既情況呢??>0<慘啦,,我唔記得晒哈波D內容呀
我睇得同人文太多,,搞到混淆晒....
成日將D人作果D內容同本書真正既內容搞亂晒...
真係搵個禮拜得閒既要複習下先得喇...要一口氣連續多天咁睇晒四集
睇完再睇埋電影...嗯,,咁就VERY GOOD喇!=___________=
到左七本出齊晒果陣...我就要又一次過睇晒之前果六本,,啊呵呵
好遠大既目標.....嗯,,其實我都唔係未試過,我記得我上一次一口氣睇晒四本,,
需要兩星期,,果陣仲要係要返學既...咁假如我o係暑假進行依個計劃..
我諗一個禮拜都搞得掂,好啦...最多一個星期多D啦...

嗯,,睇完書..準備畫份PROJECT既封面,,我諗好個封面點設計
但係好難畫,因為我那完美既設計,係將D迪士尼於通人物畫晒上去
咁咪完全配合主題囉,,,畫到既話包保靚爆全場,可惜係..
我一個人邊可能好咁心機逐個畫,畫完要填顏色...
雖然我好鍾意做依樣野--畫封面,但係.....我都懷疑自己既能力
我開始畫啦,其實早前起左稿,不過只係擬訂D公仔點擺姐
今次真係要動工開始畫喇,,但係我鰥現冇咩野可以俾我照住畫,
猶豫左根耐,都係決定開電腦跟住畫..但係我擔心會掛全玩電腦而唔畫個封面
最後,我估中左...我真係掛住玩電腦XDD
不過放心,..打埋依篇日記就會去畫喇.......

咁上到其他人既xanga睇,,發現尋日葉宇澄o係荷廣個funz
leader同亞邊個都出左呀,,,唉也!!如果我都去到就好喇!!
好好見到佢地....不過我覺待好奇怪...亞邊個都去?
不過都唔出奇既,,又近佢...而且leader又出...佢出現都唔係太出奇
只係.....um,,,算啦....聽聞,,又有新旗仔....好想睇呀!!
幾時先有funz岩我出??好!等我上eu forum睇下先..
一睇.....驚人發現耶~Eugene有funz在黃金海岸哇~
亞媽節果日呀!但係呢......之前果日有可能會出街...
um,,,咁點算好呢,,其他果d funz呢..唔知去唔去到..唉......"

唉,,聽日又要返學喇.....>m<

*之前既日記,,遲d打,,我依定去畫封面喇....
祝自己好運...