今日又有卷對喇...第一堂中文,第二堂I.S
跟住西史,對卷喇!SO UNHAPPY...64分=n=
豈有此理...衰晒O係D填充同配對度..
鬼叫我配對冇溫咩,,溫唔切,再次證明我記野慢啦...
我敢講比著我以前至少可以再拎多幾分..
果D填充....最鬼嬲係果題也!拿破崙法典果題,,
我真係識架!!但我我竟然蠢到會猶豫,,然後仲要選擇唔答添呀!!
係咪笨先...唉...中文咪就係近似依D情況囉..

跟住地理,,唔合格,44分......又唔係預左既,,不過唔驚訝
因為我地理不嬲麻麻...只係覺得係差都唔使差得咁緊要呀...

然後係兩堂英文...不記得在幹什麼
之後MATHS囉~教書,第13課

*返埋聽日又放假...聽日有PE同中史卷要對
其實呢,,我真係好憎考PE筆試囉,小學都算啦,,得好少野記
但依家成十幾廿頁紙要背,D字仲要超細...
睇唔睇到都成問題 _____________ 之餘!
仲要考得少少...跟本唔著數.....我情願唔考筆試,
平時個考試記我全部成績佢算啦...反而考筆試仲差啦..
唔覺筆試有助令PE個分加高囉,係拉低左囉唔好意思...

嗯,,,我有預感中史呢,,個成績會令我噴血不過我諗都會合格既...
哈!用咁多日時間勁溫既中史喎....
我諗我實會後悔唔用多D時間溫中文囉..