好啦!入正題,今日返學校對卷,,,終於考完試喇!!!!好正呀個FEEL
今次努力過一輪之後,考試又盡晒力個feel真係感覺良好
只要個成積得出黎唔係太核突就ok喇!
今次真係付出好多...但無奈當我面對住本中史既時候
突然有一股強烈既厭惡感.....可能因為上次測驗既陰影(咁嚴重?)
加上我果日冇咩心機溫書...所以我淨係溫左最新教既明朝咋...
之前果d由隨開始果d都冇溫,只係望左一兩次.....望咋啵,係唔係識架,
所以是廢的......好無奈地.....佢份卷明朝又出咁少,反而其他果d又勁出...
真係作死...點識答姐......=/\=所以有心理準備了...而事實上,
當我溫書既時候就已經係半放棄狀態架喇,諗住聽日返去都係靠運
點知真係唔係幾得...不過唔緊要丫!反正我都真係放棄左依科lu
鬼叫今次考咁多呀,,而且上次搞到我咁無奈...>v<
咁另外唔太有信心既係maths啦..我幾時對依科有信心過呢?
有既....試過一次囉好似,不過考出個結果黎都係唔好囉
所以我係唔會對依科存有任何信心....但係今次唔同
今次係完全冇信心,我feel到會有不好既結果,因為長問題超差....
d細枝加埋都只係答左3-4條.....短問題更加唔知自己做乜...
總之四個字:一塌糊塗!(不過要註明我係有溫書架!不過唔係好落力咁溫囉)
仲有地理...本身溫果陣覺得唔難架,但係我發現自己忘記左樣野
地理不嬲都係靠自己記d地圖果d,而且要分析,無奈地我真係忘記了...
所以到左考果陣就.......而且我自己又冇溫地圖,我知實考的
不過咁多個地圖,平時又唔會睇地圖,咁死硬啦,所以又放棄左
咁呢....不過最唔知講咩好既係...我睇過孟加拉灣o係邊架...
咁但係果張圖唔係彩色呢,搞到我唔知果度邊度打邊度,邊個係海邊個係地都分唔到
於是我是但搵個差唔多位既就寫落去啦,,結果....下面講
嗯....仲有英文詞語果度我係唔溫架啦不嬲...上次測驗溫左=冇溫
因為溫唔晒咁多,張家就叻啦佢,威啦!溫果11個詞真係中
好過分呀,,,不過算啦,,地理不嬲唔多好...雖然form 1果陣係唔差
但係到左form 2就唔係咁講喇,考既方法都唔同...form 2開始考地圖
地名,,區位...都唔識.......

明知道唔得既就依3科,,其他果d都ok既我覺得
我feel到幸運之神又來臨了>﹏<今次考試都幾得心應手,,
其實可能只係因為我努力左溫習吧!因為今次我真係有信心

咁好喇,,今日起身...好眼瞓喎大佬..係咪因為考完試個人鬆晒呢?
加上尋晚聽完大鐵人123先瞓...(其實我晚晚都係聽埋先瞓架啦)
今朝踐眼真係朦埋的..這樣-> －..－
好似葉宇澄咁...
咁呢...跟住就起身啦,,我就去廁所去左勁耐,搭8先去完
所以就用左3個字時間梳洗著校服梳頭喇!
咁呢...之後出門口啦...勁...老味丫...勁曬,,真難頂
最憎就係熱....好討厭.....
之後返到學校...過左陣就打鐘lu~落去啦咁...
鄧人好恐怖....d頭髮流奶白色的汗=0="||
跟住上去受死啦......咁呢...上到課室,其實都唔知對邊份卷架
不過之後MISS LEUNG就入黎喇...OH YES!!!我最有信心係科學呀!
今次一定得呀!哈哈.....咁就對卷啦....wow~卷+實驗試=79/100
ok架啦!因為聽闡原來79個分係ok架..咁我就放心了
至少就算其他科死晒,都仲有一科吊命,,更何況係冇可能發生依件事
因為幸運之神今次黎左lu....唔會好似上次測驗咁唔好彩既....

好啦!我卷:71/90 實驗試:8/10
都唔知實驗試點計分架.......完全理解唔到囉
測試之前估計果個答案..係唔係都話人錯既...好似個個都錯
冇事呀嘛?未測試咁梗係唔知個答案係咩啦...
知就唔使測試啦係咪呀,,,大佬...
不過唔緊要...都有8分..

之後呢....小息lu~俾左本monady張家...好彩今次佢拎返屋企睇
如果唔係就真係浪費我時間...之後佢又俾返本西史我...嗯
咁呢,打左鐘果陣就同張家去廁所,經過2a,張家問皮英文幾分...
不果...我諗我知道點解既......唉..算吧啦都係...
之後鄧人突然彈出來,,捉左張家落去買野飲,,
o係急忙之下我同皮講左聲bye bye就走lu....
佢地買完野就上返去啦,,之後小息完就對世史卷..
yoyo!又係我另一科有信心既科目...依個係次於科學既..
咁呢,,我世史...都叫ok既...不過冇我預期中咁理想囉
不過依個成績我滿意架喇...因為都幾睇得下,
只係我又再次發生[[付出同收獲不成正比]]既情況喇..
我星期日咁近都唔出funz..o係屋企對住本世史成日...
真係有成日呀,,,唉.....真係傻晒囉果個溫到
結果考到70/100都OK啦..不過竟然係比果個溫得一定比我少既張家高我7分
佢...佢...真係同人唔同命..=/\=

咁呢,,之後對地理,,他媽的......49/100差一分合格
之後又小息..然後本身係劉姐堂,,係自由堂黎既
不過之後甘SIR走左上黎,對卷....後日又多一堂劉姐堂
唉......咁派maths卷啦..幸運之神真係睇住我啵
我答到入卷咁都有44/120要知道我form 1依份卷一係120分考得10幾分架之嘛
今次長問題答得咁少都有44分,雖然唔合格,而離合格都有一後距離
不過都..比我想像中好啦,,而份mc呢...岩24條,,即係48/80
假假地都係合格丫....雖然總分加埋都係唔合格=v=
但係都唔係同合格差好遠...92/200...差8分合格

然後就對中史喇...oh...真正既禍終於黎喇!!
33/100 =v=考試果然係負出得多收獲就多...
雖然未必次次成正比...考33分正常丫.....
MC都有答岩一半多d呀...未至於係我想像中咁差
對完卷亞sir又話我地班下學期差了
問我地有冇想過讀上去.....「想」就緊係「想」啦!
但係同諗唔到啊,諗就係可能會真正去做...去努力
而想就只有空想....咁我諗正常黎講都會有唔少有有想過既
不過諗就未必有諗...然後亞sir感嘆,,,佢話我地第一冇大志...
第二唔相信自己有能力讀上去,咁我都知.....能力就個個有..
只係肯唔肯讀...而我就係唔肯讀果d囉...哇哈哈XDDD我懶丫嘛

咁放學啦...o係校門好似見到人地條仔
咁我就同亞張家去左天盛買油炸鬼
但係賣晒,唯有去新北江,6蚊一條超貴啵,不過冇計啦,還是要買
大陸幾毫子條咋嘛....之後買完行返返黎天耀竟然落狗屎
唉,,之後中間果D野MISS左佢啦...唔多想提..-/\-
總之結果又係再一次俾張家引誘左我去天水圍站搭車
去到張家屋企樓下落得仲大雨......好在差幾步就到佢樓下咋
如果唔係我唔會放過佢,,於是...我就要張家陪我等雨停先搭車
佢答應左...X]哇卡卡....等左3輪[車立]嘻嘻,岩岩好停雨,
咁就返屋企啦...返到屋企食飯,之後聽左幾個字收音機就玩電腦
跟住上下D論壇,就上黎打日記....未打完就食飯,
然後食完飯(即係依家)就打日記啦繼續,睇緊電視添..
為左電腦,我放棄左空中喱Z(屎音)因為SUN BOY'Z(屎)呀嘛
我聽到個名之後O爆咀,,,,喱Z..哈哈XDD亞喱果然係亞喱!!

今晚又聽大鐵人123....有亞喱喲..尋晚個聽眾支持亞喱
好搞笑XDD亞喱話其實我鐘意D野D既..哈哈.....
不過都唔夠之前KENNY(被逼)讚亞喱一分鐘...
我諗KENNY都唔知自己講咩....完全係唔合事實囉,
竟然話亞喱又靚仔....身型又健錫.....指甲又剪得好整齊...
哈哈,,,咁既說話都講得出口,抵亞喱讚佢圓滑..
假如有一日亞喱靚仔左....情況就會唔同lu...(咩情況呢?唔講得)
講返啦,,尋晚細so同朱薰超好傾呀下!勁多野講喎佢兩個
但係亞喱尋晚好少講野...好似好攰咁....唔知點解我覺得亞喱好慘添
冇位俾佢講野...細so同朱薰勁講野...."希望今晚亞喱講多d野啦!
大鐵人123冇左亞喱就唔好聽喇...

*聽日......要對中文喇!嗯!我已經準備好受任何刺激..
(上次測驗個打擊已經令我準備好面對依d冇可能發生既事..即係中文唔合格)
所以我唔怕lu!何況今次應該唔會太差既....不過都可能唔再係頭幾名lu
就算考試係,計返平時分都一定唔係...所以今次考試好,
只係為拉返上次測驗d差野..

　　　　　　　　　　　　　　- 完 -