今朝,,11:00左右啦...張家同張朋友打電話俾我....
本身我諗住聽的,,但係一出到廳佢就收左線喇
(房果部電話不在=..=)

之後打黎我手提,我都估到會係佢地架喇,,一聽...真係佢地
一開始係張朋友講野先既,,我唔太認得佢把聲..不過我知係佢
點知講講下張家出聲,,嚇親我=0=
佢地打黎做咩我都估到XDD都係講下聽日書展D野架啦..

聽日我同張家個朋友張朋友向書展出發...
不過就係有種不祥預感...=_________=
咁我地講到咁上下,,就收線啦...
聽日要搭巴士去>0<我大鑊了,萬一一個唔好彩聽日狀態不佳咪會嘔?!
不過算啦.......屋企有暈浪丸,,..其實我都唔會食..
聽日睇下點啦..=w="

之後就.....搞下其他野咁啦,,開電腦玩...
跟住唔知做乜........然後話咁快又到左食飯時間
冇飯食就....唔想落街,,於是過左陣就叮左D野食,,
已經好飽,,唔知點解自從放暑假之後,,好容易就飽,,
即係食少少野就已經好飽..我都唔知點解,,但又唔係好快肚餓果D喎...

咁...跟住繼續玩電腦,,不過5:00督冇得玩LU,,
就去左聽收音機同埋hea..

之後就...聽下聽下又到近來又愛上聽既細so-好回家喇~
點解鍾意聽呢,,因為佢日日播祝我永遠失戀囉babe!
(不過mini都差唔多日日播架啦=v=")
跟住.....嚇親我,通常祝我xxxx都係第二個小時節目,
即係7:00之後先播家嘛,,但係今日第二首就播囉,,
good!就因為佢開始節目冇耐就播左,因此我都冇咩理由要繼續聽
於是就想熄收音機....
不過唔聽就冇野做,,於是繼續聽啦=v=

跟住食飯,,食完飯再聽收音機....同埋搞下我果個傑作
什麼傑作咁傑作呢?就係我篇偉大既文章呢,,
果篇偉大既文章有咩咁偉大呢,,
就係我咁耐以黎最有heart(又講英文喇!)去打的一大篇長篇故事
今次我一定會落力完成佢,,因為..那是.......我一世都唔會忘記既經歷..
因此..我會努力的!唔會做到一半唔做...
唔知點解我好想寫返果件事出黎,,係突然好想寫囉...

咁我其實今日打左序章架喇,,不過未post,
因為我未執好d野同埋唔夠時間post.........
咁我就一邊聽收音機,,一邊寫大鋼..
我咁大個人第一次寫野寫大鋼咋!我不嬲想寫乜就寫乜家嘛!
我都唔知寫大鋼黎做乜,,寫左都未必會跟住寫架啦
果刻想寫乜諗到乜咪寫乜囉,,,好似d咩咩生活時間表咁,,
我都唔知要黎做乜,,唔係日日都可以跟住做架下嘛...
日日都可能會有變數,,你點知果日會發生咩事姐...
一定可以跟住個時間表架?所以我好憎預先plan定d野...
我興見步行步的,,,未到下一步點知下一步會點?
平時測驗考試之前訂落果d咩溫習時間表都係廢架啦,,
最好既例子啦依個係.....你話果日溫完就一定溫得晒架喇咩
唔俾果日無啦啦停電溫唔到書架咩....唔俾果日間房浸左溫唔到書既咩
咁想溫果樣就溫果樣架啦......果日明明唔想溫maths但又訂左溫maths,,
唔通又逼自己溫咩,,溫唔入腦家嘛...(雖然maths係唔係都唔會入腦的)

um,,,講咁多野,,最後既總結係...
今次第一次計劃得d野咁妥善,,而且咁有心去計劃...
哇哈哈....我feel到自己依個美妙的故事可以得到好回應呀
XDDD!淨計個故事已經無得頂啦!即使我文筆唔好,,
都唔使驚=V=!!總之唔理三七廿一,,寫左先算..
總之我忍唔住喇!我要將件事變成文字呀
((>0<好有大志呀...))

好啦...不過諗左粒幾鐘都諗唔晒...
咁算啦~反正電腦又冇人用,,我又未玩夠個電腦
就開電腦啦,,(果陣10:00,,岩岩聽完空中喱民即開電腦)
之後就上去論壇POST啦,,哈哈XDD,,聽日打埋第一章,,GOOD!

完成我的日記了,,再會...