好啦,,其實果陣我諗係可以博英中的,,戴老師同miss lui都這樣說,,
佢地都話我ok啦..可以博的,,唔係話一定會入到啦..
因為我都知其實自己d成績都唔係話咁彪炳...
(係的話唔使在天官了)但係我可以試下博的..
以我的成績,,有少少運氣的話就博得到...
但係....我都曾經有動搖過揀英中的,,
但係我驚自己讀唔到耶..要知道我又懶...
又唔係好醒果d,,人地讀得書的都好醒,,
即係我同人一比就差十條街果d呢..
咁如果真係讀唔到咁點算呢?
所以揀左天官,,咁點解揀天官又唔揀信義,,
係因為我鍾意天官個名多d囉=v=
其實依個真係原因之一架,,因為天官個名俾我覺得都唔錯的
另外的原因係信義好多人揀,,d人揀晒信義都唔揀天官,,
因為天官之前發生的事,,冇人揀..
(所以有依家亞戴老師都仲讚緊我獨具慧眼呀X])

不過我依家後悔了,,點解唔揀信義,,信義幾好的...
又後悔唔試著揀英中...為何這樣呢.....
於是現在就要在天官了,,其實我應該覺得開心定咩呢
人地讀書果D咁辛苦,我讀又冇咩野要做...
其實我好想有野做的...不過天官就係好多野都係要自我鞭策的,
對我來說這比起被逼讀書仲苦,,因為咁就等如叫我唔使讀書啦..
我鍾意俾人逼多過自己來的,,我覺得咁都唔算係自己搵野黎煩姐,,
因為有人逼好過冇人理也...*
我愛俾人逼,,(但只限於在學習上)

果陣亞邊個邊個成績差過我都入到商會了,,
可能係因為佢去面試果陣就收左啦,,佢本身雖然唔係好叻,
但勝在話頭醒尾,這我比不上了...
仲有另外的,,佢就,,好獨特的例子,,正如我一直堅信的:
凡事總有例外..
佢就是好例,佢叻,(但其實都唔係好叻姐..我仲叻佢少少)
佢入到商會喇啵,,之後學壞了.........完
補充:佢變係冇咩可能發生既事囉,因為佢係..好....x果隻女仔來的..
所以...學壞...=.=即係我信我學壞都唔信佢會學壞囉,
但事實擺到眼前,,太難以置信了真係..

呀,,不過點講都好,,依家諗返,,或者當時一個好彩真係入到商會呢~
不過都係算啦,,都過左去喇,,咁都讀左2年o係度...
其實派位果陣我都唔驚既...我拎果張結果同輕鬆過拎白紙..
因為我覺得我一定派到第一志願,唔知點解..."
(這屬於寸嘴嗎?)
當時我見到結果,,係好滿意的,而且我一直都覺得讀天官幾好的
但係自從上了中二之後,,就開始後悔囉,,因為我發現我d水平真係,,
同人地差好遠囉,,>"<但我點都該慶幸,可能我入到天官已經算係極之好彩喇,,
因為好多人比我叻都入唔到好學校,,仲要注明係超叻果隻喎,
係叻到冇可能入唔到英中好學校果隻啵,,
但係結果人地被派到去band2尾band 3頭果d...
好慘架 T0T,,仲有好多例子都係啦,,我算係幸運既一位,
只可惜原來我唔係咁鍾意天官...
本身頭一年都覺得冇咩大問題既,,係大果隻問題呀,,
但第二年就覺得..人地學校點解咁多野玩,咁多發揮的機會..
雖然佢地好多野都係被逼要做,,例如學野....
講就好似好慘..被逼丫嘛,,但係其實係好事來的..
因為俾人逼,但係學到野..係自己家嘛,,
總好過天官裡面都唔知做咩既....
唔係冇野俾人參加,而係少,,少到咩咁,,
再加上多方面既因素,導致唔太想參與d野囉...
所以有時撞到亞施,,次次都係聽到佢話要返去學咩練咩咁,,
其實心裡有點妒忌的..因為以前來說我都算係學校活躍份子來的,
升到上中學又...都唔知點咁既,,總係覺得,,唔知點..
天官...本來幾有歸屬感,但愈來愈冇....
我諗遲下會開始憎天官添,,可能姐...

咁兜返轉頭啦.......我d英文真係...點算,,
又唔係話不堪入目既,,不過始終同人差一大截,,
有誰是滿口英文的,,來救救我吧~我需要聽你地d英文...
唔係冇用的...當時suki講果d英文我係學識講既.....
所以人地講得多自然會識啦!來..救我...TmT