我換左新日記,不過未整好所以唔
post住喇...遲d post返個新日記
網址出黎先......

棄用依度既原因::

1.依度好廢,乜都冇得整。又唔可以好似網頁咁整靚佢,
個版面又唔靚,就算用依度提供果d咩版面呀果d...
即係用css果d,都唔岩我,我又唔識搞css,就算識,
個個hkflash既日記咪又係差唔多咁既樣?我唔鐘意...
唔用html既方法我唔識整靚佢。

2.我一早都唔想要依度,不過未搵到好既日記
申請先用住依個先,我之前一見到肥家個日記已經想轉,
不過diaryXP好似話因為申請用戶太多,要7月尾至
重開申請,所以等到依家先申請過, o係未有得申請既時候,
我申請左個xanga,不過咁多英文,
load得又慢喎,整整下唔想整我就唔要喇,
一篇日記都冇寫過,申請左幾個鐘之後我就決定唔要喇。
今日我終於等到diaryXP重新俾人申請,我就即申即用,
即唔要依度。

*不過我未寫日記,諗住整得佢靚靚先寫,反正我成日d日記都係
補寫架啦......同埋我諗住將依度既所有日記都搬去新日記度,
咁就可以放心唔用依度喇...果邊d功能多過依度好多,
依度有既果邊都有,唔驚d日記搬左之後少左d野......
(我都唔明自己講緊乜,總之依個日記我一直都覺得好廢啦!)

好野!我又可以當個日記好似網頁咁玩喇!哈哈!
我已經整得七七八八喇...就快可以用......我會叫肥家仔去既呢...
仲有米仔啦......我要整靚佢!好似網頁咁整靚佢!我雖然整網唔係好叻,
不過我有能力整到佢係我滿意既日記!我既日記應該係靚靚既先係,
仲可以當係網頁咁整先岩我,反正我好耐冇整過網頁...
之前6年班都係用dream咩咩整既,唔係用打...果d叫咩呀...
唔記得叫咩添...是但啦,叫佢編碼,所以依度...bye bye喇!
有機會我會返黎既...(有機會先算)

依篇係我最後o係度寫既日記...(都唔知算唔算日記喇!總之係最後一篇野)
個新日記就快用架喇!好野!好開心呀!我會搬晒依度d日記先寫新日記,
好啦!就咁完喇!