今日行程::

輕鐵->天水圍西鐵站->荃灣西西鐵站->同hebee會合->
步行約10分鐘->荃灣地鐵站->尖沙咀地鐵站->同亞包佢地會合->
步行約10分鐘(搵尖咀帝國)->等Eugene上台彈琴->Eugene彈琴->
飛的趕去會展->到2036靈芝孢子活動->參觀(周圍搵試食)->灣仔地鐵站->
荃灣地鐵站->同hebee分開->荃灣西西鐵站->天水圍西鐵站->
輕鐵->聽收音機(萬世巨星)->完

看!!我今日做了多麼東西!很精彩呢!全日使費是::約80蚊

好喇!又要做我最鐘意做既野喇...........詳細講述今日情況,去片!

首先...我幾時出門口都唔記得左喇,總之又遲到啦....唉...hebee話以為我唔去添..."=0=之後就即衝去地鐵站啦...落左地鐵之後,我地見到亞包佢地嘛...咁之後我地就等左一陣,都唔見Barbie佢地,咁之後亞包佢地就帶我地跑去尖咀帝國喇,其實全名係尖沙咀帝國中心,不過為左方便就叫佢尖咀帝國啦~好喇...講返,因為呢...唔知係邊個啦,話Eugene黎左喇喎...但我地仲o係地鐵站等緊,所以收到風之後我地就即衝去果度啦..但係又唔係好識路喎我地,佢地話分頭搵,點知搵搵下失散左..我同hebee係跟亞包走架,所以冇唔見到,不過行行下都搵返啦..我地一搵到帝國中心就走入去啦...就見到有d人..即係亞him呀...果d啦..o係度lu,都係唔知Barbie佢地o係邊..企左廿幾秒之後,我就見到Eugene行出黎喇...佢戴左眼鏡呢!型!=v=我同hebee講:「喂!Eugene呀!」佢又唔戴眼鏡喎...="=!!!!!!!激死我!!!我話俾佢聽係前面果個,佢都要搵一陣喎......我講幾次話o係前面啦...咁大個Eugene都睇唔到,我真係好想講句有冇搞錯呀!!但係Eugene出左黎一陣,佢同經理人講野...之後亞him佢地就玩喇,話:邊個黎架...下..邊個黎架..(指著Eugene說)之後其他人又跟住講邊個黎架咁..有個女仔..唔知咩名呢..走左去搵Eugene...唔知影相定點,送左份禮物俾佢呀好似,睇佢個樣一定14-15歲啦...咁我同hebee講,不如行過去囉!佢又話唔好喎...激死我呀...唉..都唔知點講呀!總之我當時真係好想xxx囉!對唔住我都要咁講:你有冇x d呀? 一陣講埋就知點解咁講喇..="=咁我地企左o係度啦,一陣之後Eugene又走了....回到那門後...佢出黎既果度門,之後冇耐佢又出來了...同經理人講了幾句說話...亞him叫:Eugene!之後Eugene轉左個頭過黎,我就o係度好輕輕咁笑左一笑啦..hebee冇反應.."唉...之後佢又再傾啦...冇耐佢又走了到那門後了...咁我就拉亞hebee過果個女仔果邊啦...因為佢地全部人都去晒果邊..咁我就同hebee講:頭先佢地影相呀...我都想影呀!仲送左野俾佢添...之後佢竟然話:下?唔係呀嘛...我都想影呀....哇...聽到之後我已經覺得好出奇囉!我就同佢講:喂!我頭先咪叫你同我過黎影囉!你又話唔過..佢仲要話:下?唉呀..我唔記得呀...  下?唔記得...?我真係..好想..兜巴醒埋去囉,唔係講笑!我最唔鐘意人地....我講話做果陣又唔做,之後又同我講話想做喎....="=之後我俾佢激到咁,但我又唔可以咁話佢喎...咪扮晒冇野咁同佢講不如過去識下人啦!傾下偈丫!佢又唔肯..好老實地說,我好想呀!!!我點可以忍受到同一人企o係度,見住第二d人有講有笑咁呀!!我一定唔會囉!我覺得唔識人就好似好白痴咁..所以我好努力咁拉佢叫佢一齊識人啦,佢又唔肯喎..(我心諗,你實後悔)之後我冇理佢啦...拉住佢走近左佢地..見到亞him有好多Eugene相,我不知幾想要...好想識佢地呀,如果識佢地,就可以拎返幾張啦~之後Eugene出黎喇喎...我地跟左佢上台,哇...首先等我形容一下果度既環境,包你見到話正!大家合埋眼幻想下....果度...

綠草如茵,周圍有d歐洲式唔知幾多世紀既建築果種既白色柱,
上面雕左一d花紋,加上上面有一d七彩繽紛既花..嗯~
仲有一部白鋼琴o係依塊咁美好既草地上,而超型仔既Eugene,
o係依個時候,走到果部白鋼琴坐低,開始彈起美妙而浪漫既樂章..

哇!簡直就好似發夢咁啦!>v<

首先佢係彈..唔記得左彈咩歌先添...總之呢..就彈彈彈,一路彈一路彈,冇停手咁一路彈彈彈彈彈彈彈彈彈...彈左好多好多首歌,總共彈左一個鐘,我記得好似有...um...瑪莉與偉業啦...一秒感動啦...幸福摩天輪啦...我真的受傷了啦...無賴...他約我去迪士尼...化碟等等,全部都好根聽,我鐘意呀!>v<佢今次冇唱歌,淨彈琴,超爆正....正正正正....正正...正!咁呢......講返果陣個情況先啦...亞Eugene呢...就一坐低就彈lu...咁我地就成班走去佢附近影相啦!哇!講樣超正既野先...冇去既fans要打心口!!因為果度呢.....係完全冇圍杆架!係正到呢...你夠薑既可以o係後面攬住佢架,(..=v="||事實真係咁嘛..")所以係近到咩咁架..近到痴左架..哈哈XD冇牌牌舉...不過可以咁近影相相仲可以睇同聽佢彈琴成個鐘,都係咁上下喇 ,不過冇得坐...搞到我好眼瞓..."咁呢..不過可惜係冇得影相,因為我同HEBEE又冇相機,SUKI又冇黎...又唔識人,冇人可以SEND到相俾我地架喇 ,所以我自己係冇果日既相架...咁呢...見到個個都有相機,,超唔据囉...="=咁我同HEBEE不停換位又換位咁搵個正位睇啦,哇..近到丫..真係...哈哈...咁呢..其實我同HEBEE都覺得,佢著件白西裝好似襯D,因為白鋼琴嘛...不過佢著白西裝呀?哈..實笑死我..可能佢會變得勁肥同埋佢著西裝會嚇親我地的...咁呢..佢彈完之後就有記者影相問佢野啦...唔知邊間報館呢?如果係東方就好喇..不過我諗係蘋果架喇,,,咁之後呢..佢經理人就話要快D趕去會展喇~咁EUGENE走,我地又走啦,我地趕去會展,當然要用的士喇...得半個鐘...唔用的士就唔使去都得喇..咁我地有8個人去,就分開4個人坐一部的士岩岩好...我頂..果條友丫!!我同HEBEE,亞屯同一個唔識既FANS一齊坐,咁...呢...本身冇咩野既,點知倨的士司機超臭串囉!超乞人憎呀,,,一上車,又話亞包拎全咁大個袋(裝我地D牌果個袋) 仲要坐前面...咁已經有D唔妥佢啦...妖..跟住喎...落車啦...我落最尾既..咁我就閂門啦....頂佢,個門咁難閂架="=+咁我又未食早餐又未食午餐,又有D肚痛喎(擺門係暈車浪啦,,HEBEE都有少少)咁我又唔夠力閂門喎...咁我一野砰落去,都閂唔晒,點知果條仆街司機話:喂!閂埋佢啦...一陣行行下又跌出黎...="=仆街..佢咩態度呀,佢鬧我喎...低能的,閂門咪閂門囉...使唔使咁臭串呀...的士司機大晒呀,見我地細個就話呀..食屎啦......無啦啦俾人鬧,,,我咪走埋去閂門囉...閂咪閂囉妖...咁係用個好唔妥佢既樣走埋去閂門架!我仲用佢會聽到既聲量黎講:使唔使咁臭串呀...頂..我唔知佢聽唔聽到,佢聽到既就反省下啦...聽唔到佢就小心D喇 ,痴線......閂唔實隻門姐,係咪殺你全家呀?叫人閂返咪好聲氣D囉 ,咁臭串佢冇野呀?!妖唔講佢呀... 我一路搭的士,一路望出去,見到勁多劉德華新碟宣傳圖片... 周圍都掛住...同埋我地全程都冇傾過偈架..HEBEE好似瞓左咁, 唔知佢,總之佢都有D暈車浪,我就勁肚痛囉,已經冇食野架啦,, 咁同另外一個人又唔熟,又冇野同亞包講...咁就我 我自己一個係咁講野喇, 但係係冇人理我架..咁講左幾分鐘之後我都放棄左喇 ,我自己不停數見到幾多個劉化喇...答案係4個..咁呢,,,一路車就跑入會場啦....即買飛..廿蚊呀... 同埋我地要每人俾返車錢17蚊,我未俾...咁亞包又冇問我喎...我又唔記得左俾佢..就算啦...咁我地8個又浩浩蕩蕩的走左上去喇,搵EUGENE,咁原來係2036靈芝胞子....=v=...咁我地就舉牌啦....果度仲有王浩信啦...但得我地舉牌...超型囉~嘻嘻>v<幫eugene造勢..我地叻晒啦!勁晒啦!哈哈...本身仲以為有soler添.......點知冇...因為見個牌寫住eugene,vincent同soler嘛...哈哈...咁又要講下依個活動喇...

－ 未完．待續 －