|
今日亞爸要上機去馬達加斯加,家姐同亞媽去左送佢機啦,
姑媽都有..不過我就冇囉,反正唔會預我啦..亞媽實預我唔搭得車,
懶得理我,所以我都冇起身同佢地去飲茶啦~亞媽都冇叫,
之後我聽到佢地勁嘈囉o係廳,不過如果我依個時候起身又唔知點咁喎..."
咁所以我就等佢地出左門口就即起身啦!
我咪一路聽住在晴朗的一天出發一路等囉,
之後我又開電腦喇...丫..唔係,係一起身就播Eugene隻碟啦..
一路洗面一路聽,(型呢?=v=)之後就開電腦喇...
本身我就諗住做功課既,不過拎到出黎又想玩電腦多d喎...
所以我都係放棄左做功課,我玩電腦啦..之後又係上eugene d網咁啦..
基本上我每日玩電腦都係做依d野::
首先上土衛十七(Eugene網)-->Teen Power(睇盛莊天下既留言板)-->
My Pig Diary(即係自己日記啦)-->我自己個留言板-->
其他friend既日記板-->Cutie Star(論壇)-->其他Eugene網
就係咁喇..日日都係咁,雖然幾無聊,
不過當等緊其他Eugene fans留言既時候,其實都幾開心架...
同埋論壇好好玩,有時好多野睇架!同埋....咪玩下ICQ,聽下歌咁囉
早幾日之前我都仲日日聽黎聽去都係Eugene果6首歌(不過聽極都唔悶架!)
不過近幾日down左幾首其他歌,所以我就可以聽下其他唔同既歌喇
不過其實聽Eugene既歌都唔悶既..不過有d歌好耐冇聽咪想聽下囉
咁..其實亞媽佢地有排都唔會返黎架喇,,,咁我就自己係咁玩電腦啦,
我唔記得左幾點打過碗話俾佢啦...好似3:00呀?好似係,就問佢依家o係邊,
佢話o係屯門,我問佢亞爸幾時上機架,佢話2:30機,
我問佢點解咁快就去到屯門.."佢話佢地1:00幾就走左啦,
得亞爸自己一個等機囉,之後佢話同家姐o係屯門飲茶,問我出唔出
我話唔出喇,佢話要行街,遲d先返,咁我就自己繼續玩電腦喇!
再狂聽達文西密碼同潘朵拉的盒子囉!仲有瑪莉與偉業啦
丫!我仲未down kelly clarkson d歌喎....依個好重要架!
遲d down埋先,同埋down埋green day果首咩咩broken dream(s?)
仲有....唉..都唔記得喇...總之係green day啦...有咩down咩啦唉..
其實仲有好多英文歌,不過唔鬼記得晒d名之嘛..
丫!Millian返左黎喇!>v<超激正呀!好掛住佢呀!我咪o係度引佢,
話12號果日Eugene有幾型呀,即係話佢彈白琴好正呀果d咁囉..笑死我..
咁佢就話好正喇...
咁呢...仲有d咩呢?咁5點幾啦...媽同家姐返黎喇喎...
之後我就食野啦(老實講好肚餓也...雖然我食左個豬柳包,
不過真係唔知點解今日特別餓..="=)我叫左亞媽買d野返黎食嘛..
咁呢....好似係咁啦...丫!夜晚果陣我地咪打麻雀囉o係度.."
嘻...不過夜晚呢..903發開口夢個嘉賓教官係Eugene呀!!
本身我諗住好好地咁瞓o係床度聽,"欣賞"Eugene既聲音啦,,
但係又打麻雀喎...雖然我係好想,不過如果只可以揀一樣黎做
我會揀-------------聽收音機啦梗係.....咁難得呀...有Eugene..
我今朝一起身聽收音機,就聽到個超勁爆正死既消息::
今晚903發開口夢嘉賓教官--葉宇澄...哇!我聽到之後真係尖叫左出黎囉!
我真係好耐冇試過咁興奮,興奮到要尖叫囉...上一次咁興奮都係..好似係..
um...耐到唔記得喇,,,丫!年頭陣頒獎禮,Endy狂拎新人獎囉!(雖然都唔算好耐)
哇!之後我即打俾hebee啦..同埋即上土衛十七...都係唔叫土衛十七喇,
叫返亞叮個板啦,,上去果度講啦...哈哈!>v<咁講返夜晚打麻雀咁點喇..
我打麻雀又聽唔到收音機(因為嘈)應該話聽得唔清楚,又唔係完全聽唔到既..
不過都聽到大部分啦,中間果個鐘悶到咩咁...因為冇Eugene,
我又聽唔到佢地講咩,咁我呢..等發開口夢一做完我就即打俾hebee啦,
我叫佢第二日講返佢地問Eugene d咩喇...
今晚冇睇妙手仁心...同埋夜左dddd瞓...o係度打機呀...玩泡泡龍呀,
之後就瞓lu..唉...如果今日係16號就好喇!
|因為16號夜晚1:25既無間音樂有Eugene呀嘛..
咁如果係果日我咪可以睇到囉..唉..算啦..
*我今次總算可以脫離講晒Eugene既日記喇!哈哈..XD!
|
