話說今日..我早左出門口啦已經,,
點知架輕鐵去到頌富同天瑞站中間既時候
個燈位等左勁耐,,原來係因為前面有架輕鐵o係天耀站死左囉!
搞到我地後面d車全部要延遲5-7分鐘囉
妖,,我地前面又有架車,,後面又有架車,,,
即係果架車阻住左3架車既人囉,仲有o係總站搭車果d,
d車要遲開,,所以會仲遲...我頂佢個肺丫,,,
我特登早出門口佢壞車?!足足o係度等左差唔多5分鐘,,,
我果架車加埋都有5個天官左右,,(其實唔只)
個個都心知實遲到啦,,我隔離有個唔知form1定form2既女仔,,
勁o係度自言自語話遲到啦實、5分鐘喇、快d啦..
等等既說話,,,我唔知佢講黎做乜,,如果佢係自言自語,
聲浪又未免太大..如果係講俾我知,,我又唔需要應佢,,
所以我望都冇望佢,,佢繼續自己講,,講到我都煩,,
係人都知遲到啦,,de.....之後好多人都好鼓譟,,,
開返車到樂湖果陣,我feel到架車行得超快,,可能個司機都心急-v-
之後落車,我地全部人即跑啦!係咁跑係咁跑,,過馬路,,
岩岩好閃緊綠燈,照衝!我話過form3唔會再遲到,至少上學期唔會!
點知我跑呀跑,,我差少少咋,,少少咋!就趕得切唔使遲到喇!
=..= 我頂丫....8:11入到校門,,真係想死...
我入到校門果陣其實都係得我地架車d人,,(有d唔關輕鐵事啦,,-v-)
我係好似頭3個入到校門的...過左一陣之後校長出左黎,,
都問做咩今日咁多人..之後盧偉業話輕鐵故障咁啦,,
之後..xyz佢地丫.....佢地o係後面度話:
梗係最後一班車啦,,計準晒d時間,,應該就預早d出門口
明知道唔係次次都準時架嘛,,
妖,,即係點姐....我想講係唔係最後一班車都遲到囉唔該...
之後盧偉業話mark低d名先,,,之後再睇下點..
遲到唔緊要.....成績表個遲到次數果項最多個數字大d
我最唔忿氣係明明早左出門口都要遲到囉,,,
不過都好彩早左出門口,如果唔係仲遲-.-
但係如果我早一架車就唔會有事喇,,
有事都唔關我事,因為我搭早一架車的話,,,
都係o係樂湖落車,唔會同我有關係..係都係天耀之後落d人有事姐...
仲有喎!我超唔願意1月2號7:45返去守時訓練囉,我仆佢條街,,
放假之後第一日,我1月1號實會夜訓既...叫我第二朝7:45返去?痴線...
不過有樣令我心情好d既係...我寫完遲到紙之後回頭一望...
哇!=口=遲到條隊d人排到差唔多出校門,,,
何其壯觀....之後我懷著滿腔不忿藐住咀上課室囉...
真係好唔gur囉... 不過咁多人同我一齊遲到,我好開心 x]
than,,上到課室,,班主任課過左一陣之後...
燒雞同學都返到黎,,佢都係輕鐵故障啦應該...
好撚煩囉.......1月2號又要返去守時訓練,,,浪費我d時間,
7:45返去即係要我6:30起身..痴線架?!我1月1果晚至少3:00先訓啦...
果日仲要係day 2上埋d白痴堂...全日都係得maths同history我會聽
如果學校俾我地輕鐵故障果d唔計遲到,,我會覺得係正常..
不過如果係7:45返到黎先話唔使企的話..我咪蝕左半個鐘訓覺時間?
低如果佢話要企的話,我會好唔gur囉,,架車壞q左關我乜事....

*今日bio堂我勁o係度練字.........寫得超樣衰哇!
點解我d字咁核突-/\-點解我寫自己個名都咁核突,
點解我寫人地個名就正常d?點解我連自己個姓都寫得唔好
點解我有咁多點解.........................